94
1 Lo 32:35; Ais 35:4; Nah 1:2; Rm 12:19Watong, augu no God nong i la balbalu ira sakena.
God, augu nong u la balbalu ira sakena, hapuasne no num magingin na gil harkurai.
2 Augu no ut na gil harkurai tano ula hanuo, tut hut!
Balu pukus ira ut na tangarot haruat ma ira udiet tintalen.
3 Na haruat um hunanges no kanakana audiet ira ut na sakena?
Watong, na haruat um hunanges?
4 Diet tange hawaat ira nianga na tangarot.
Diet bakut ira ut na gil sakena diet hung ma ra latlaat.
5 Ais 3:15Watong, diet paas hasur ira num matanaiabar.
Diet ubal ira num tus.
6 Ais 10:2Diet ubu bing ira makosa ma ira wasire.
Diet bu bing bia ira tintana.
7 Nng 10:11Diet tange bia, “No Watong pai la nes tar.
No God ta Iakop pai nuang leh.”
8 Muat ira ngulo nalamin ta ira matanaiabar, muat hadoda timaan.
Muat ira ba, hunanges um muat na mintot?
9 KBk 4:11U lik bia nong ga bul ira talingaam, pai la hadoda?
U lik bia nong ga pakile ira mataam, pai la nanaas?
10 Jop 35:11U lik bia iakanong i la hapanpador ira kantri, pa na hapidanau ugu?
U lik bia iakanong i la hausur tunotuno, pai minonas?
11 1Ko 3:20No Watong i nunure ira lilik ta ira tunotuno.
I nunure tar bia a kumkumine ira udiet lilik.
12 Lo 8:5; Snd 3:11,12; Hb 12:5,6Watong, a haraidaan na kis tano tunotuno nong u hapanpador ie.
I daan mah ing u hausur ie ma ira num harkurai.
13 U tar sinangeh tana ta ira uno bung na tinirih,
tuk u kil tiga lulur wara gaie diet ira ut na sakena.
14 1Sml 12:22; Rm 11:2Kanong warah, no Watong pana le harus ise ira uno matanaiabar.
Pai tale tunat bia na tar tihine ta ira uno tus.
15 Ma na hanuat baling bia nong i gil harkurai na papalim ma ra takodasiana magingin,
ma diet ing ira kaati diet i gamgamatien diet na mur kaike ra harkurai.
16 Sige na tur laah utagu wara hinarubu ma ira ut na sakena?
Sige na tur tano nugu subaan wara hinarubu ma ira ut na gil nironga?
17 Nng 124:1,2Ing bia no Watong pa gor harahut iau,
hoken um ma iau gor te noh kunkun taar ra minaat.
18 Nng 38:16Ing iau tange bia, “No kakigu i malmalagir,”
Watong, no num harmarsai i sukal haut tar iau.
19 Ais 57:18Ing bia no nginarau ma ra bunurut i tamat narako tagu,
no num harhabalaraan i tar gungunuama tagu.
20 Hohe, I tale bia tiga ut na gil harkurai na tur tika ma ugu ing bia i kure hagahe bia mon ira tunotuno,
ma i kap hawaat ra tapunuk ta diet ma ira uno harkurai?
21 KBk 23:7; Snd 17:15Diet tur tika wara hanghagahe ira ut na takodas
ma wara timtibe bingbing diet ing diet pai gil ta ronga.
22 Nng 9:9; 18:2Iesen no Watong te hanuat no nugu dadas na katon na munmun,
ma no nugu God te hanuat no nugu haatkis nong ni barahit tana.
23 God na balu pukus diet uta ira udiet magingin sakena
ma na haliare diet wara gaena ira udiet nironga.
No Watong, no udahat God, na haliare diet.
94:1: Lo 32:35; Ais 35:4; Nah 1:2; Rm 12:19
94:5: Ais 3:15
94:6: Ais 10:2
94:7: Nng 10:11
94:9: KBk 4:11
94:10: Jop 35:11
94:11: 1Ko 3:20
94:12: Lo 8:5; Snd 3:11,12; Hb 12:5,6
94:14: 1Sml 12:22; Rm 11:2
94:17: Nng 124:1,2
94:18: Nng 38:16
94:19: Ais 57:18
94:21: KBk 23:7; Snd 17:15
94:22: Nng 9:9; 18:2