111
1 Pirlat no Watong.
Iau ni pirhakasing no Watong ma no nugu nilon bakut
aram tano tamat na kis hulungai ta ira ut na takodas.
2 A tamat saakit ira pinapalim tano Watong.
Diet ing diet kanakana ta kaike ra pakpakilai, diet la liklik murmur ira uno pinapalim.
3 Ira uno gingilaan i manga melmel saakit,
ma ira uno takodasiana magingin na kis hatika.
4 I te hanakamaan leh dahat uta ira uno tamat na pinapalim na kinarup.
No Watong, a ut na harmarsai ie, ma i la marse bakut tar dahat.
5 Nng 105:8I tabar diet ing diet burtei ma ira adiet nian.
I lik hatikane tar no uno kunubus.
6 I te tar se tar ira pise gar na mes na huntunaan taar ta ira uno matanaiabar.
Io huo, i te haminas no dadas ta ira uno pinapalim taar ta diet.
7 Ni 15:3; Nng 19:7Ira pinapalim na limana i takodas ma i hatutun ing i tange.
Ira uno hartula bakut i tale bia da so nurnuruan ine.
8 Ais 40:8; Mt 5:18; Nng 19:9Kaike ra hartula diet tur dikdikit hatika taar,
ma da mur diet ma ra tutun na takodasiana magingin.
9 I ga kul halangalanga ira uno matanaiabar.
I ga hatur hatikane tar no uno kunubus tika ma diet.
No hinsana i halhaal ma da lat nabanei.
10 Jop 28:28; Snd 1:7; 9:10; Sav 12:13No urur tano Watong aie no burena ta ira minminonas.
Diet bakut ing diet mur ira uno hartula, ira udiet lilik i manga palai.
Da tar ra pirharlat hathatikai uram ho ie.