118
1 Jer 33:11; 2Sto 5:13; 7:3; Nng 100:5; 136:1-26Tanga tahut tano Watong, kanong a bilai ie.
No uno harmarsai i kis hathatika.
2 I tahut bia Israel na tange bia,
“No uno harmarsai i kis hathatika.”
3 I tahut bia no huntunaan ta Aaron na tange bia,
“No uno harmarsai i kis hathatika.”
4 I tahut bia diet ing diet burte no Watong diet na tange bia,
“No uno harmarsai i kis hathatika.”
5 Ing a tamat na tinirih ga ubal iau, iau ga suah tupas no Watong,
ma ga taram iau, gaam halangalanga iau.
6 Hb 13:6No Watong ie ken tika ma iau. Iau pa ni burut.
Asa ing i tale bia ira tunotuno diet na gil tagu?
7 Nng 54:4,7No Watong ie ken tika ma iau. Aie no nugu ut na harharahut.
Iau ni nanaas ma ra latlaat taar ta diet ing diet malentakuane iau.
8 2Sto 32:7,8; Ais 31:1,3Bia da barahit narakoman tano Watong, iakano i manga bilai
tano magingin na so nurnuruan ta tiga tunotuno.
9 Bia da barahit narakoman tano Watong, iakano i manga bilai
tano magingin na so nurnuruan ta ira tamat na lualua.
10 Nng 88:17; 18:40Ira matanaiabar ta ira kantri ing diet ga malentakuane iau, diet ga tur luhutane iau,
iesen iau ga haliare diet ma no dadas tano Watong.
11 Diet ga tur luhutane iau ta ira katon bakut,
iesen iau ga haliare diet ma no dadas tano Watong.
12 Lo 1:44Diet ga hung luhutane iau hoing ra kamasoosar,
iesen diet ga maat laah hoing ra marangina huro i la iaiaan gasien.
Iau ga haliare diet ma no dadas tano Watong.
13 Di ga harubu dadas ma iau ma iau ga wara punuko,
iesen no Watong ga harahut iau.
14 Ais 12:2No Watong aie no nugu dadas ma no suruno no nugu ninge.
I te hanuat no nugu Ut na Harhalon.
15 KBk 15:6A kunup na gungunuama tika ma ra barangang kenam narako ta ira hala ta ira ut na takodas.
No kata na limana no Watong i te gil ra dadas na gingilaan!
16 No Watong i te raun haut no kata na limana.
No kata na limana no Watong i te gil ra dadas na gingilaan!
17 Iau pa ni maat, iesen bia iau ni lon,
ma iau ni hinawas palai ta ing no Watong i te gil.
18 1Ko 11:32; 2Ko 6:9No Watong i te tar ra dadas na harpidanau tagu,
iesen pai bale tar iau bia ni maat.
19 Papos tar tagu no matanangaas uta ira ut na takodas.
Iau ni haan laka ma ni tanga tahut tano Watong.
20 Iakan no matanangaas tano Watong.
Ira ut na takodas diet na laka kaia.
21 Iau ni tanga tahut taam, kanong u ga taram iau.
U te hanuat nugu Ut na Harhalon.
22 Mt 21:42; Mk 12:10,11; Lk 20:17; Ap 4:11; Ep 2:20; 1Pt 2:7No haat nong ira ut na pakila hala diet ga malok sei, kanong diet ga lik bia a linge bia ie,
i nanaas taar bia aie balik um no dadas na burena tano hala bakut.
23 No Watong at ga gil hokaiken
ma i manga bilai saakit bia dahat na nas ie.
24 Katin no bung no Watong i te bul ie.
Dahat na kup ma ra gungunuama tana.
25 Watong, mehet saring ugu bia nu halon mehet.
Watong, mehet saring ugu bia nu harahut mehet waing het naga hatur kawase ira bilbilai.
26 Mt 21:9; 23:39; Mk 11:9; Lk 13:35; 19:38; Jn 12:13A haraidaan na kis ta nong i hanuat wara gilgil haruatne ira sinisip gar tano Watong!
Meram tano hala na lotu tano Watong mehet haidane muat.
27 1Pt 2:9No Watong, aie no God,
ma i te murarang naliu ta dahat.
Muat na hatahun no lukara ma ra katena daha ta ira lima muat,
ma muat na haan tupas no alta.
28 Augu no nugu God, ma iau ni tanga tahut taam.
Augu no nugu God, ma iau ni raun haut no hinsaam.
29 Tanga tahut tano Watong, kanong a bilai ie.
No uno harmarsai i kis hathatika.
118:1: Jer 33:11; 2Sto 5:13; 7:3; Nng 100:5; 136:1-26
118:6: Hb 13:6
118:7: Nng 54:4,7
118:8: 2Sto 32:7,8; Ais 31:1,3
118:10: Nng 88:17; 18:40
118:12: Lo 1:44
118:14: Ais 12:2
118:15: KBk 15:6
118:18: 1Ko 11:32; 2Ko 6:9
118:22: Mt 21:42; Mk 12:10,11; Lk 20:17; Ap 4:11; Ep 2:20; 1Pt 2:7
118:26: Mt 21:9; 23:39; Mk 11:9; Lk 13:35; 19:38; Jn 12:13
118:27: 1Pt 2:9