125
A ninge utano hinahaan uram Ierusalem.
1 Nng 46:5Diet ing diet nurnur tano Watong, diet haruat ma no uladih Saion,
nong pai tale bia da gunei, iesen i la tur hatika taar.
2 Hoing ira uladih i la tur luhutane tar Ierusalem,
io, no Watong i la tur luhutane tar ira uno matanaiabar,
kaiken ma namur ma pa na pataam.
3 Ais 14:5Ira ut na sakena diet pa na harkurai tano pise di gate kutus tar ie taar ta ira ut na takodas,
bia ira ut na takodas diet kabi gil sakena ma ira lima diet.
4 Watong, gil ra bilai ta diet ing diet bilai.
Gil bilai ta diet ing ira kaati diet i gamgamatien.
5 Nng 92:7; 128:6; Ga 6:16Iesen diet ing diet tahurus taar ta ira magingin pai takodas,
no Watong na kap se diet tika ma ira ut na gil sakena.
A malum na kis tika ma Israel.