132
A ninge utano hinahaan uram Ierusalem.
1 1Sto 22:14Watong, lik leh ira tinirih ing ga ubal Devit.
Lik leh kaike wara gaiena at.
2 Ga tange tiga sinsalim uram hono Watong
ma ga pakile tiga kunubus taar tano Dadas na God tane Iakop, ma i hoken:
3 “Iau pa ni laka tano nugu hala
bia ni haan taar tano nugu suuh na ninahon,
4 ma iau pa ni haut leh bia ira iruo pala matagu dir na tirih,
ma pa ni kubaba,
5 1Kng 8:17; 1Sto 22:7; Ap 7:46tuk bia ni silihe tar tiga katon bia no Watong,
no Dadas na God tane Iakop, i tale bia na kis kaia.”
6 1Sml 17:12; 7:1Aram Betlehem het ga seer no nianga utano bokis na kunubus,
ma het ga haan tupas ie aram tano hanuo hutet tano taman Kiriat-Jearim.
7 1Sto 28:2Dahat ga tange bia, “Dahat gi haan uram hono katon i la kiskis kaia.
Dahat gi lotu kaia ra pinpaas na kakine* A malalar bia no Watong ga kis aram naliu tano bokis na kunubus gaam papaas kora tano bokis..”
8 Nam 10:35; 2Sto 6:41Watong, taman tut, ma nu mai ukai hono subaan nugu kis hatika kaia,
ma nu hanuat tika ma no bokis na kunubus nong i hakilang no num baso.
9 I bilai bia ira num ut na pakila lotu diet na gil hatikane ira magingin takodas,
ma bia diet ing diet te tar tutun ira udiet nilon taam, bia diet na inge ma ra gungunuama.
10 Nng 2:2Wara gaiene Devit no num tultulai,
waak u malmalok se no king nong u gate gilamis ie.
11 Nng 89:3,4; 2Sml 7:12-16; 1Sto 17:11-14; Ap 2:30No Watong ga sasalim taar tane Devit,
a tutun na sinsalim ie nong pa na kutus ie, ma i hoken:
“Tikai ta ira num bulumur tus
iau ni bul ie tano num kinkinis na king.
12 Ing bia ira num bulumur diet na mur haruatne no nugu kunubus
ma ira harkurai ing iau ni hausur diet ine,
io, ira udiet bulumur diet na kis hathatikai
tano num kinkinis na king.”
13 Kanong warah, God i te gilamis Saion,
ma i te sip bia auno taman na kinkinis um ie,
14 hoing ga tange, “No taman iakan ing iau ni kis hatika tana.
Iau ni kis kaiakai kanong iau manga sip huo.
15 Iau ni idane Saion ma ra haleng na hartabar.
Ira uno maris na tunotuno iau ni tabar hahos diet ma ra nian.
16 2Sto 6:41Ira uno ut na pakila lotu diet na hamines no nugu harhalon,
ma diet ing diet te tar tutun ira udiet nilon tagu, diet na inge hatika ma ra gungunuama.
17 2Sto 21:7Iau ni hatamat no dadas wara gil harkurai tane Devit kai,
ma iau ni tagure nong iau te gilamis ie hoing tiga laam i lulungo.
18 Iau ni manga hamalahuan ira uno ebar,
iesen no uno kinkinis na king na bilai ma na tur dadas.”
132:1: 1Sto 22:14
132:5: 1Kng 8:17; 1Sto 22:7; Ap 7:46
132:6: 1Sml 17:12; 7:1
132:7: 1Sto 28:2
*132:7: A malalar bia no Watong ga kis aram naliu tano bokis na kunubus gaam papaas kora tano bokis.
132:8: Nam 10:35; 2Sto 6:41
132:10: Nng 2:2
132:11: Nng 89:3,4; 2Sml 7:12-16; 1Sto 17:11-14; Ap 2:30
132:16: 2Sto 6:41
132:17: 2Sto 21:7