139
A nianga tupas no tunotuno nong i kure ira ut na ninge: Devit ga pit iakan ra ninge na lotu.
1 Jer 12:3Watong, u te nes salok iau
ma u nunure tar iau.
2 2Kng 19:27U nunure tar ing iau la kiskis napu ma ing iau la tutut naliu.
U palai ta ira nugu lilik meram tapaka.
3 Jop 31:4U tikane timaan iau ing iau tur leh ira nugu hinahaan tuk taar iau kubaba baling,
ma u la manga madaraas taar ta ira nugu kaba tintalen.
4 Hb 4:13Ing mah bia iau pai tange baak tiga nianga,
Watong, u te la nunure bakut tar bia asa ing iau ni tange.
5 U wis luhutane iau menamur ma menalua mah.
U te palim bus iau ma no limaam.
6 Rm 11:33; Jop 42:3Kaike ra minminonas i manga sakit asa ing iau nunure.
I manga kalkalala tagu.
7 Jer 23:24Uhe kaik i tale bia ni haan talur no Tanuaam?
Ahe kaik i tale bia ni hilau pas ugu?
8 Amo 9:2-4; Snd 15:11Ing bia iau gor hanhut uram ra mawe, augu kaike.
Ing bia iau gor palase no kubegu kaia tano subaan na minaat, augu kaike.
9 Ing bia iau gor pupungo hut tika ma no madaraas na laar,
ma ing bia iau gor kis ares tapaka saakit tano tes ing no kasakes i la sungsuguh kaia,
10 kaia mah no limaam na lue iau,
ma no dadas na kata na limaam na palim hadikdikit tar iau.
11 Jop 22:13Ing bia iau tange, “Tutun saakit, no kankado na suhe iau
ma no madaraas na hanuat kankado tano bung ma na luhutane iau,”
12 Dan 2:22io, no kankado mah pa na hanuat rawarawa taam,
ma no kankado ra bung na rarang hoing ra kasakes,
kanong no kankado i ngan hoing ra palai taam.
13 Ais 44:24; Jop 10:11Kanong warah, u ga gil hawaat ira sumsubaan narakoman tagu.
U ga hii iau narako tano balana no pawasigu.
14 Iau pirlat ugu, kanong warah u gate gil iau ma ra gingilaan nong a mangaan at ie ma nong i tale bia da urur tana.
I manga bilai saakit ira num pinapalim,
ma iau nunure timaan at huo.
15 Jop 10:8-10; Sav 11:5Ira surugu pai ga susuhai taam
ing u ga gil kuman iau.
Ing u ga hii iau aram narakoman tano balana no pawasigu,
16 Jop 14:5ira iruo mataam ga nes no palatamaigu ing pa di ga kaha baak iau.
Ira bung bakut u ga puo tar wara utagu,
u ga pakat kawase tar narakoman ta ira num pakpakat,
mekarawa bia tikai ta kaike ra bung pa ga hanuat baak.
17 God, tano nugu ninanaas, ira num lilik i melmel ma a tabi matana!
Bia da bul tikane i manga haleng saakit.
18 Nng 40:5Bia iau nigi was diet, ira udiet winawas gor sakit ira pat na wana.
Ing iau tangahun, iau kis tika taar at ma ugu.
19 Ais 11:4; Nng 6:8Maris, God, bia nugu bu bing se um ira ut na sakena!
Muat haan talur iau, muat ira ut na hinarubu bingibing.
20 Jt 1:15; KBk 20:7Diet la tangtange ira sakana linge utaam.
Ira num ebar diet kilam bia mon no hinsaam ma taie ta urur tana.
21 2Sto 19:2; Nng 26:5Watong, hohe, iau pai malok ta diet ing diet malok taam?
Ma iau pai malentakuane sige ing diet tur huat wara bulbul hasur ugu?
22 Iau manga malentakuane tunat diet, ma iau pai sip diet ta dahin.
Diet te hanuat bia a nugu ebar diet.
23 Jop 31:6; Snd 17:3; Jer 11:20; 1Te 2:4God, nas salok iau. Nunure no balagu bakut.
Iau kalar dahin baak, iesen walar iau waing nugu palai ta ira nugu lilik.
24 Nng 16:11Nas ing bia ta mon magingin narako tagu i hatahuat ngunngutaan,
ma lue iau ta ira tintalen ing na kis hathatikai.
139:1: Jer 12:3
139:2: 2Kng 19:27
139:3: Jop 31:4
139:4: Hb 4:13
139:6: Rm 11:33; Jop 42:3
139:7: Jer 23:24
139:8: Amo 9:2-4; Snd 15:11
139:11: Jop 22:13
139:12: Dan 2:22
139:13: Ais 44:24; Jop 10:11
139:15: Jop 10:8-10; Sav 11:5
139:16: Jop 14:5
139:18: Nng 40:5
139:19: Ais 11:4; Nng 6:8
139:20: Jt 1:15; KBk 20:7
139:21: 2Sto 19:2; Nng 26:5
139:23: Jop 31:6; Snd 17:3; Jer 11:20; 1Te 2:4
139:24: Nng 16:11