145
A ninge na pirhakasing. Devit ga pit iakan ra ninge na lotu.
1 Nugu God no King, iau ni raun ugu,
ma iau ni pirlat no hinsaam hathatika.
2 Ta ira kaba bungbung iau ni pirlat ugu,
ma ni lat no hinsaam hathatika.
3 Rm 11:33No Watong i tamat saakit ma i bilai bia da pirlat nabanei.
No uno tamtamat i kalala bia tikai na nunure timaan ie.
4 Ira tunotuno ing diet lon katin, diet na hinawase diet ing diet na lon mah namur bia ira num pinapalim i tamat saakit.
Diet na hinawas palai ta ira num dadas na pinapalim.
5 Diet na hinawas ta ira melmel na minamarine no num dadas,
ma iau ni lik murmur ira num bilai na pinapalim.
6 Diet na hinawas ta ira dadas ta ira num gingilaan bia pai a malmaliana,
ma iau ni hinawas palai bia u tamat saakit.
7 Diet na hakilang no num tamat na bilbilai,
ma diet na inge na gungunuama utano num taktakodas.
8 KBk 34:6; Nam 14:18; Nng 86:5,15No Watong a ut na harmarsai ie ma i la marmarse ira tunotuno bakut.
Pai la ngalngaluan habir ma i hung ma ra harmarsai nong pana le pataam.
9 Jer 33:11; Mt 19:17; Mk 10:18No Watong i la bilbilai ma ira tunotuno bakut,
ma i la marse tar ira linge bakut ing ga hakisi.
10 Watong, ira kaba linge bakut ing u ga gil, diet na pirlat ugu.
Diet ing diet te tar tutun ira udiet nilon taam, diet na raun no hinsaam.
11 Diet na hinawas tano minamarine no num kingdom
ma diet na hinawas tano num dadas,
12 Ais 2:10,19,21waing ira tunotuno bakut diet naga nunure ira num dadas na gingilaan
ma ira melmel na minamarine no num kingdom.
13 1Tm 1:17; 2Pt 1:11No num kingdom pana le pataam,
ma no num kinkinis na harkurai na tur hatika ta ira tunotuno ing diet na lon ta ira kaba pakana bung.
No Watong i tutun ta ira uno kunubus
ma i la marse tar ira linge bakut ing ga hakisi.
14 Nng 37:24No Watong i hatur hadadas diet ing diet puko
ma i raun haut diet ing diet kis tudu ma ra tapunuk.
15 Ira mata diet bakut i la nes tar ugu,
ma u la tamtabar diet ma ra nian tano pakana bung na nian at.
16 U papos no limaam
ma u banot ira masmasingan audiet ira lilona linge bakut.
17 No Watong i takodas ta ira uno magingin bakut
ma no uno harmarsai i la kis taar ta diet bakut ing i ga hakisi.
18 Lo 4:7; Nng 34:18; Jn 4:24No Watong i hutet ta diet ing diet tataau tupas ie,
ta diet at ing diet tataau ie ma ra tutun.
19 Nng 37:4; Snd 15:29; 1Jn 5:14I la banbanot ira masmasingan udiet ing diet burtei.
I hadade mah ira udiet sunuah ma i halon diet.
20 No Watong i la nesnes mur diet ing diet sip ie,
iesen na haliare ira ut na sakena bakut.
21 No hagu na pirlat no Watong ma ra pirhakasing.
I tahut bia ira tunotuno bakut tano ula hanuo diet na pirlat no halhaliana hinsana hathatika.