149
1 Da pirlat no Watong.
Da inge tiga sigar ninge tupas no Watong.
Da inge na pirharlat tupas ie nalamin tano kis hurlungai ta diet ing diet te tar tutun ira udiet nilon tana.
2 Het 8:23I tahut bia ira Israel diet na guama ta nong ga hakisi diet.
I tahut bia ira matanaiabar me Saion diet na laro tano udiet King.
3 KBk 15:20Diet na pirlat no hinsana ma ra minangata,
ma diet na gil ira bilai na kinkel tupas ie ma ra kudu ma ra haap,
4 kanong no Watong i manga guama pane ira uno matanaiabar.
Diet ing di helar ta diet, i hamar diet ma ra harhalon.
5 Ira tunotuno ing diet te tar tutun ira udiet nilon tana, i tahut bia diet na guama bia i te hamar diet huo.
I tahut bia diet na inge na kanakana ing diet noh kora taar ta ira udiet suuh.
6 I tahut bia ira pirhakasing tupas God na kis taar ta ira ha diet
ma bia tiga wise ing i iaan ira airuo palpal na kis taar mah ta ira lima diet
7 Ese 25:17; Mai 5:15wara balbalu ira sakena ta ira kantri ing pai Israel diet
ma wara hapidanau diet,
8 ma wara kumkubus dit ira udiet king ma ra dadas na winwisaan
ma ira udiet lualua ma ra sen mah,
9 ma wara gil haruatne no ula harkurai God gate pakat tar uta kaike ra mes na kantri.
Bia kaiken ra linge na hanuat tutun huo, a tamat na urur na haan tupas diet ing diet te tar tutun ira udiet nilon ta God.
Da pirlat no Watong.