^
ROM
Pol ga manga sip be na harpir tusu Rom bileng.
No tahut na hininaawas i hapuasne be ira tintalen tane God i takados ma be God na kure be tike ut na nurnur i takados bileng.
God i hapuasne no nuno ngalngaluan ter ta di ira ut na sana, dong ing di nunure ter ie ma di malok leise ie.
Pata tikenong pai nale tale be na hilo pas no ula harkurai tane God, ma no nuno harkurai i takados.
Ira Iudeia di sasa butbut bia di hatur kawase ira harkurai tane Moses, iesene di lake um kike ra harkurai.
No turadi nong gar tane God tutuno, aie nong no Tanuo i gil ie.
Dait gil ra sasana iesene God i gil ra tutuno ma ira nuno kunubus pai nale kikios. Io kaie, no nuno harkurai i takados.
Pata tikenong tutuno iat paile takados ra matmataan tane God.
God i kure be tikenong i takados kinong i nurnur, ma pata be ta ira nuno gingilaan haruat ta ira harkurai tane Moses.
Ma hobi bileng tane Abraham, God ga kure be i takados ra matmataan tana kinong iga nurnur.
A malum i kis ta dait ma ne God kinong no Natine te hamaram dait tikai ma ne God ing dait baak ira ut na sana.
Hoke ira turadi di ga mat mekaia tano sana tintalen tane Adam, di na lon mekaia tano takadoswana tintalen tane Krais.
Dait ga mat sukun ira dades tano sana tintalen ma dait lon um ma no sigar mangana nilon tane Krais.
Nalalie dait ga tultule ter tano sana tintalen iesene kakarek um dait ira tultule gar ta ira tintalen takados.
Dait te mat tikai ma ne Krais, kaie dait langalanga sukun ra hena ira harkurai tane Moses.
No harakides tano sana tintalen naramon ta dait.
No Halhaaliena Tanuo i halemlem dait sukun no sana palpal naramon ta dait ma i ter no nilon ter ta dait.
No Halhaaliena Tanuo i harharuatne dait be dait na nanahe ma ra nurnur uta ira haridan namur.
God i manga tur ma dait, ma no nuno harmarsai paile tale be na hana talur dait.
No hargigilamis tane God i tahuat leh mekaia tano nuno sinisip iat waing inage hamanis no nuno tamat na harmarsai.
God pai gale kure be Israel i takados kinong di ga murmur ira harkurai tane Moses ma ira nudi gingilaan sene mon, ma pa di gale nurnur.
Iga manga tale be Israel na nurnur tano hininaawas tane God iesene pa di gale bala leh ie, ma di ing pa dile Israel balik di ga nurnur tana.
A bar nong baak ira Israel di nurnur kinong God te gilamis di tano nuno harmarsai.
Di ing pa dile Israel di te kap no mahuo ta ira Israel tano haralon tane God.
God na halon no huntunana tane Israel.
No lilik ma no tintalen tane God i manga tamat sakit.
I tahut be dait na mur ira bilai na tintalen kinong God te marse dait.
Dait na hanapu dait ra hena ira ut na gil harkurai.
Dait na ter ra harmarsai kinong no bung na haralon i hutate.
Nu gil ira num gingilaan haruat ma ing u nurnur be i tahut be nu gil, ma waak u hapuko no hinsaam tane Krais ta ira num gingilaan hobi.
Pol ga latlaat utano nuno pinapalim kaia nalamin ta di ing pa di gale hadade baak no tahut na hininaawas.
Pol ga pingit be na hana ukaia Rom.
Pol ga haatne leh ira turadi tusu Rom.
A nianga na harakatom be dait na harbalaurai timaan ta dong ing di ura lamlamus habota dait.
Pol ga pirlet God kinong igate hapuasne um ira linge ing igabo mun menalalie waing ira huntunana di nage nurnur.

© 2014 Wycliffe Bible Translators, Inc.