1 I kapina komui Main, pwe komui me kotin kajapwil ia dar, o jota mueid on ai imwintiti kan ren peren kin ia da.

2 Ieowa, ai Kot, i likwir won komui, komui ap kotin kakel ia dar.

3 Main, kom kotin kalua nen i jan nan wajan mela. Kom kotin dore ia lar ni anjau me irail lokidokila nan pweleko.

4 Komail lelapok kan en kapina Ieowa, o kapina mar a linan!

5 Pwe a onion kin marep ta ieu, a a mak arain maur en aramaj amen; nin jautik re kin janejan, a ni manjan nijinij.

6 A nai inda ni ai anjau mau: I jota pan lodi kokolata.

7 Main, ni omui kalanan, kom kotin katenedi ai dol, a ni anjau me re karuki jan mo i jilan omui, i majapwekadar.

8 I likwir won komui Main, o i nidinideki on Kaun.

9 Da kadepa en nt’ ai, i lao kodila nan por o? Pwel par pan kak kapina komui, o kapakaparok duen omui kalanan?

10 Main Ieowa, re kotin mani ia o kotin maki on ia; Ieowa jauaj pa i.

11 Kom kotin kawukila ai injenjued on nijinij; kom koti ki janer ai tuken likau, ap id kalikauwi ia dar popol.

12 Pwe nen i en kauli on komui, a ender nenenla. Main ai Kot, i pan kapina komui kokolata.