1 MAIN, kom me kotin nekid pat jan eu kainok on eu.

2 Mon nana kan o jappa, o aude pan jappa a wiauiada, Kot kotin mia, jan maj kokodo o pil kokolata joutuk, Main Kot.

3 Kom kin kotin kapurelan pwel par aramaj akan o kotin mamajani: Puredo komail aramaj akan.

4 Pwe par kid dueta aio me jamalar mon jilan omui o rajon majamajan eu ni pon.

5 Kom kin kotin kapwil irail wei, re rajon mair, dueata ra, me kin monedi madan.

6 Me kin majel pajan ni manjan, a ni joutik a pan palepaledi o monedi.

7 Omui onion me je kin jojore kidi, o omui onion melel, me je kin mekila madan.

8 Pwe kom kotin kajanjale on pein komui dip at akan, o dip at rir akan nan marain en jilan omui.

9 I me at ran akan karoj kin tan weiki omui onion, at par akan rajon kajoi pot.

10 Warain at mour me jaunpar ijeijok, a ma re toto, a pan waleijok, a ma me kajampwal, a pan apwal o dodok. Pwe a kin tan wei madan, dueta kit kin pir wei.

11 A ij me kak dedeki mana en omui onion, o ij me kin majak onion wet?

12 Kom kotin padaki on kit, me kit pan mela, pwe jen lolekonkila.

13 Main Ieowa, kom kotin puron wukedoke don kit; arai da omui onion? Kom kotin maki on japwilim omui ladu kan!

14 Kom kotin kadire kin kit ala ar kalanan ni manjan, kit ap pan kapin o pereperen arain at maur.

15 Kom kotin kaperen kit da murin at kalokoloker, o murin at kamekam warai.

16 Kom kotin kajale on japwilim omui ladu kanomui wiawia kan o omui wau on na jeri kan.

17 leowa at Kot, en kalanan don kit o kotin kapwaiada dodok en pa at akan re at; ei kom kotin kapwaiada dodok en pa at akan!