1 KAKAULEKI on Ieowa kaul kap pot; pwe a kotin wiadar dodok kapuriamui. A kotin kaloe kidi lim a pali maun o lim a jaraui.

2 Ieowa kotin kajaledar a kamaur, o mon maj en kainok kan a koti kajanjaledar a pun.

3 A kotin kolekol on men Ijrael a kalanan o melel; imwin jap karoj kin kilan pai en atail Kot.

4 Jap karoj en nijinij on Ieowa! Popol o kauleki pjalm!

5 Kauleki on Ieowa pjalm ianaki laute, wiada laute o kaul!

6 Ian trompete o nil en koronete, komail nijinij on Nanmarki Ieowa!

7 Madau en nirinirjok o audepa, jappa o tou akan.

8 Pilap akan en lopolopeki pa arail; o nana kan en pereperenki.

9 Ieowa, ni a kotidon kadeikada jappa. A pan kotin kadeikada jappa nin tiak pun o kainok kan nin tiak inen.