1 IEOWA, kom kotin ereki ai kapakap, o ai weriwer en lel on komui!

2 Kom der kotin karirala jilan ir mo i ni ran en ai apwal; kom kotin kapaike don ia karon omui kan; ni ran o, me i likelikwir, kom kotin mani ia madan!

3 Pwe ai ran akan kin tanwei dueta adiniai, o kokon ai kan ronalar dueta nan kijiniai.

4 Kapedi monedier dueta ra, I me i monoke kila ai manamana.

5 Kokon o uduk ai mon penaer pweki ai weriwer o janejan.

6  Nai rajon pelikan nan jap tan, o rajon daap nan waja lijelipin.

7 I kin papad o rajon manpir kelep amen, me mondi pon oj en im o.

8 Ai imwintiti kin lalaue ia jan ni manjan lel ni jautik, o me palian ia, kin kaula kin ia.

9 Pwe i kin kankan paj dueta prot, o lim ai pil kin doloki pil en maj ai.

10 Pweki omui onion o onion melel; pwe kom kotin pok ia da, ap kaje ia di.

11 Ai ran akan tanwei dueta mota, o i monedier dueta ra.

12 A komui Main leowa pan kotikoteta kokolata, o kupur omui pan jan eu kainok lel eu potopoteta.

13 Kom pan kotida o kupurela Jion, pwe anjau leler, mo kom pan kotin mak on i, a auer leler.

14 Pwe japwilim omui ladu kan kin pok on takai (en Jion), o re injenjuedeki moan im akan,

15 O men liki kan pan majak mar en leowa, o Nanmarki en jap akan karoj omui linan.

16 Pwe leowa kotin kauadar Jion. A kotin pwarada ni a linan.

17 A kotin wukedoke don kapakap en me jamama o, o a jota kotin mamaleki a kapakap.

18 Mepukat pan kileledi on kainok en mur akan; o wei eu, me pan wiaui, pan kapina Ieowa.

19 Pwe a kotin ireron jan mol a jaraui ileile; Ieowa kotin ireron jappa jan nanlan.

20 Pwen ereki janejan en me jalidi kan, pwen lapwada, me kiledi oner kamela.

21 Pwe mar en Ieowa en lolok jili nan Jion, o a kapinapa nan Ierujalem.

22 Kainok kan lao pokon pene o wei kan, pwen papa on Ieowa.

23 A kotiki janer ai kelail pon al o, a kamotemotelar ai ran akan.

24 I potoan on: Ai Kot, kom der kotikiwei jan ia ni apali en ai ran akan. Omui par akan kin jan eu kainok lel eu kokolata.

25 Kom kotin kajonedier jappa maj o, o lan pokon me dodok en lim omui.

26 Irail pan jorela, a kom pan kotikot eta. Irail pan marinala rajon tuk en likau eu. Kom pan kotin kawuk ir ala likamata likau eu, irail ap pan wukila.

27 A kom pan deudeuta o anjaun omui rojon jota pan tukedi.

28 Nain japwilim omui ladu kan pan mimieta, o kadaudok a pan pwaida re omui.