1 I KIN pok on leowa, pwe a kotin ereki nil ai o ai nidinid.

2 Pwe a kotin kapaike don ia karon a, i me i pan likwir won i arain maur i.

3 Jal en mela jali ia dier, o kamajak en pajed lel on ia, i lel oner kalokolok o mamauk.

4 I ap likwir won mar en leowa: Main leowa, kom kotin dorela maur i!

5 leowa me dir en mak o pun, o atail Kot me dir en kalanan.

6 leowa kin kotin apapwali me opampap akan; nai luetalar, i ap kotin dore ia lar.

7  Nen i pur on om moleilei, pwe leowa kotin jauaja uk mau.

8 Pwe kom me kotin dorelar maur i jan nan mela, o por en maj ai jan janejan, o na i jan a pan krijedi.

9 I pan weweid mon leowa nan jap en me maur akan.

10 I liki, o i karepen ai padapadak; a i kin kalokolok laud.

11 I indinda ni ai injenjued: Aramaj karoj me likam!

12 Iaduen i pan kak depuk on leowa a kapai ia kan?

13 I pan ale dal en kamaur, o likwir on mar en leowa.

14 I pan kapwai on Ieowa ai inau janjal mon japwilim a aramaj akan karoj.

15 Meid kajampwal ren Ieowa melan japwilim a lelapok kan.

16 O Main leowa, nai japwilim omui ladu men, nai japwilim omui ladu, nain omui lidu; kom kotin kamueit pajan ai jal akan

17 I pan maironki on komui danke, o likwir on mar en Ieowa.

18 I pan kapwai on Ieowa ai inau janjal mon japwilim a aramaj akan karoj.

19 Mon pera en tanpaj omui im jaraui, nan waron en Ierujalem Aleluia!