36
Kaleana sari na Tie Ba Leana sa Tamasa
(Keke kinera te Devita)
1 Na sineke tinarae si solere pa bulodia rina tie va gugue,* Rom 3:18
gua asa ke etulia meke loke dia pinamaṉa koe Zihova.
2 Ura va lavata pule nia si asa,
meke balabala ia sa sapu lopu kaqu pohoi e Zihova sari na kinaleadi meke va kilasia, gua.
3 Tale kaleadi na kokoha mo sari na nana zinama,
lopu boka vilavilasa valeana na tavete valeana si asa.
4 Pana eko magogoso sa si kuhana nia mo sa si pude ṉoṉovala.
Loke nana tinavete si hite leadi,
meke lopu hite hakohako nia sa sa kinaleana.
5 Kei Zihova, sa Mua tataru nabuna si lopu boka ta pada,
meke sa kinopudi rina Mua vina tatara si loke kokoina.
6 Sa Mua tinoṉoto si turu va nabu na ululu gua rina toqere,
meke lopu boka ta pada sa Mua vinilasa guana lamana peava.
Kei Zihova, na tie meke na kurukuru ba koa pa Mua kinopu.
7 Kei Tamasa, nake arilaena tu sa Mua tataru nabuna.
Va aqoro gami Goi si gami,
guana kurukuru pu va aqori sari na tuna pa kauru tatapuruna.
8 Henahena valeana si gami sina soku sari na ginani pu ponini gami Goi.
Va napo gami Goi koari na Mua lineana guana ovuku.
9 Agoi mo sa ṉatina sa tinoa,
sina na kalalasa si Goi,
ke boka dogoria gami sa kalalasa.
10 Mu lopu va makudoa sa Mua tataru nabuna koarini pu gilanigo,
meke sa Mua tinaharupu koarini pu va tabei sari na Mua tinarae.
11 Madi lopu rapata nau rini pu vahesi pule ni,
madi lopu hadu pani au rina tie kaleadi si rau.
12 Dotu sari na tie kaleadi pu tava kilasa.
Hoqa mate ni meke lopu kaqu boka turu pule si arini.