Ⅳ
Ⅰ හේ ප්‍රියතමාඃ, යූයං සර්ව්වේෂ්වාත්මසු න විශ්වසිත කින්තු තේ ඊශ්වරාත් ජාතා න වේත්‍යාත්මනඃ පරීක්‍ෂධ්වං යතෝ බහවෝ මෘෂාභවිෂ්‍යද්වාදිනෝ ජගන්මධ්‍යම් ආගතවන්තඃ|
Ⅱ ඊශ්වරීයෝ ය ආත්මා ස යුෂ්මාභිරනේන පරිචීයතාං, යීශුඃ ඛ්‍රීෂ්ටෝ නරාවතාරෝ භූත්වාගත ඒතද් යේන කේනචිද් ආත්මනා ස්වීක්‍රියතේ ස ඊශ්වරීයඃ|
Ⅲ කින්තු යීශුඃ ඛ්‍රීෂ්ටෝ නරාවතාරෝ භූත්වාගත ඒතද් යේන කේනචිද් ආත්මනා නාඞ්ගීක්‍රියතේ ස ඊශ්වරීයෝ නහි කින්තු ඛ්‍රීෂ්ටාරේරාත්මා, තේන චාගන්තව්‍යමිති යුෂ්මාභිඃ ශ්‍රුතං, ස චේදානීමපි ජගති වර්ත්තතේ|
Ⅳ හේ බාලකාඃ, යූයම් ඊශ්වරාත් ජාතාස්තාන් ජිතවන්තශ්ච යතඃ සංසාරාධිෂ්ඨානකාරිණෝ (අ)පි යුෂ්මදධිෂ්ඨානකාරී මහාන්|
Ⅴ තේ සංසාරාත් ජාතාස්තතෝ හේතෝඃ සංසාරාද් භාෂන්තේ සංසාරශ්ච තේෂාං වාක්‍යානි ගෘහ්ලාති|
Ⅵ වයම් ඊශ්වරාත් ජාතාඃ, ඊශ්වරං යෝ ජානාති සෝ(අ)ස්මද්වාක්‍යානි ගෘහ්ලාති යශ්චේශ්වරාත් ජාතෝ නහි සෝ(අ)ස්මද්වාක්‍යානි න ගෘහ්ලාති; අනේන වයං සත්‍යාත්මානං භ්‍රාමකාත්මානඤ්ච පරිචිනුමඃ|
Ⅶ හේ ප්‍රියතමාඃ, වයං පරස්පරං ප්‍රේම කරවාම, යතඃ ප්‍රේම ඊශ්වරාත් ජායතේ, අපරං යඃ කශ්චිත් ප්‍රේම කරෝති ස ඊශ්වරාත් ජාත ඊශ්වරං වේත්ති ච|
Ⅷ යඃ ප්‍රේම න කරෝති ස ඊශ්වරං න ජානාති යත ඊශ්වරඃ ප්‍රේමස්වරූපඃ|
Ⅸ අස්මාස්වීශ්වරස්‍ය ප්‍රේමෛතේන ප්‍රාකාශත යත් ස්වපුත්‍රේණාස්මභ්‍යං ජීවනදානාර්ථම් ඊශ්වරඃ ස්වීයම් අද්විතීයං පුත්‍රං ජගන්මධ්‍යං ප්‍රේෂිතවාන්|
Ⅹ වයං යද් ඊශ්වරේ ප්‍රීතවන්ත ඉත්‍යත්‍ර නහි කින්තු ස යදස්මාසු ප්‍රීතවාන් අස්මත්පාපානාං ප්‍රායශ්චිර්ත්තාර්ථං ස්වපුත්‍රං ප්‍රේෂිතවාංශ්චේත්‍යත්‍ර ප්‍රේම සන්තිෂ්ඨතේ|
Ⅺ හේ ප්‍රියතමාඃ, අස්මාසු යදීශ්වරේණෛතාදෘශං ප්‍රේම කෘතං තර්හි පරස්පරං ප්‍රේම කර්ත්තුම් අස්මාකමප්‍යුචිතං|
Ⅻ ඊශ්වරඃ කදාච කේනාපි න දෘෂ්ටඃ යද්‍යස්මාභිඃ පරස්පරං ප්‍රේම ක්‍රියතේ තර්හීශ්වරෝ (අ)ස්මන්මධ්‍යේ තිෂ්ඨති තස්‍ය ප්‍රේම චාස්මාසු සේත්ස්‍යතේ|
ⅩⅢ අස්මභ්‍යං තේන ස්වකීයාත්මනෝං(අ)ශෝ දත්ත ඉත්‍යනේන වයං යත් තස්මින් තිෂ්ඨාමඃ ස ච යද් අස්මාසු තිෂ්ඨතීති ජානීමඃ|
ⅩⅣ පිතා ජගත්‍රාතාරං පුත්‍රං ප්‍රේෂිතවාන් ඒතද් වයං දෘෂ්ට්වා ප්‍රමාණයාමඃ|
ⅩⅤ යීශුරීශ්වරස්‍ය පුත්‍ර ඒතද් යේනාඞ්ගීක්‍රියතේ තස්මින් ඊශ්වරස්තිෂ්ඨති ස චේශ්වරේ තිෂ්ඨති|
ⅩⅥ අස්මාස්වීශ්වරස්‍ය යත් ප්‍රේම වර්ත්තතේ තද් වයං ඥාතවන්තස්තස්මින් විශ්වාසිතවන්තශ්ච| ඊශ්වරඃ ප්‍රේමස්වරූපඃ ප්‍රේම්නී යස්තිෂ්ඨති ස ඊශ්වරේ තිෂ්ඨති තස්මිංශ්චේශ්වරස්තිෂ්ඨති|
ⅩⅦ ස යාදෘශෝ (අ)ස්ති වයමප්‍යේතස්මින් ජගති තාදෘශා භවාම ඒතස්මාද් විචාරදිනේ (අ)ස්මාභි ර‍්‍යා ප්‍රතිභා ලභ්‍යතේ සාස්මත්සම්බන්ධීයස්‍ය ප්‍රේම්නඃ සිද්ධිඃ|
ⅩⅧ ප්‍රේම්නි භීති ර්න වර්ත්තතේ කින්තු සිද්ධං ප්‍රේම භීතිං නිරාකරෝති යතෝ භීතිඃ සයාතනාස්ති භීතෝ මානවඃ ප්‍රේම්නි සිද්ධෝ න ජාතඃ|
ⅩⅨ අස්මාසු ස ප්‍රථමං ප්‍රීතවාන් ඉති කාරණාද් වයං තස්මින් ප්‍රීයාමහේ|
ⅩⅩ ඊශ්වරේ (අ)හං ප්‍රීය ඉත්‍යුක්ත්වා යඃ කශ්චිත් ස්වභ්‍රාතරං ද්වේෂ්ටි සෝ (අ)නෘතවාදී| ස යං දෘෂ්ටවාන් තස්මින් ස්වභ්‍රාතරි යදි න ප්‍රීයතේ තර්හි යම් ඊශ්වරං න දෘෂ්ටවාන් කථං තස්මින් ප්‍රේම කර්ත්තුං ශක්නුයාත්?
ⅩⅪ අත ඊශ්වරේ යඃ ප්‍රීයතේ ස ස්වීයභ්‍රාතර‍්‍ය්‍යපි ප්‍රීයතාම් ඉයම් ආඥා තස්මාද් අස්මාභි ර්ලබ්ධා|