Ⅲ
Ⅰ චරමදිනේෂු ක්ලේශජනකාඃ සමයා උපස්ථාස්‍යන්තීති ජානීහි|
Ⅱ යතස්තාත්කාලිකා ලෝකා ආත්මප්‍රේමිණෝ (අ)ර්ථප්‍රේමිණ ආත්මශ්ලාඝිනෝ (අ)භිමානිනෝ නින්දකාඃ පිත්‍රෝරනාඥාග්‍රාහිණඃ කෘතඝ්නා අපවිත්‍රාඃ
Ⅲ ප්‍රීතිවර්ජිතා අසන්ධේයා මෘෂාපවාදිනෝ (අ)ජිතේන්ද්‍රියාඃ ප්‍රචණ්ඩා භද්‍රද්වේෂිණෝ
Ⅳ විශ්වාසඝාතකා දුඃසාහසිනෝ දර්පධ්මාතා ඊශ්වරාප්‍රේමිණඃ කින්තු සුඛප්‍රේමිණෝ
Ⅴ භක්තවේශාඃ කින්ත්වස්වීකෘතභක්තිගුණා භවිෂ්‍යන්ති; ඒතාදෘශානාං ලෝකානාං සංමර්ගං පරිත්‍යජ|
Ⅵ යතෝ යේ ජනාඃ ප්‍රච්ඡන්නං ගේහාන් ප්‍රවිශන්ති පාපෛ ර්භාරග්‍රස්තා නානාවිධාභිලාෂෛශ්චාලිතා යාඃ කාමින්‍යෝ
Ⅶ නිත්‍යං ශික්‍ෂන්තේ කින්තු සත්‍යමතස්‍ය තත්ත්වඥානං ප්‍රාප්තුං කදාචිත් න ශක්නුවන්ති තා දාසීවද් වශීකුර්ව්වතේ ච තේ තාදෘශා ලෝකාඃ|
Ⅷ යාන්නි ර‍්‍යාම්බ්‍රිශ්ච යථා මූසමං ප්‍රති විපක්‍ෂත්වම් අකුරුතාං තථෛව භ්‍රෂ්ටමනසෝ විශ්වාසවිෂයේ (අ)ග්‍රාහ්‍යාශ්චෛතේ ලෝකා අපි සත්‍යමතං ප්‍රති විපක්‍ෂතාං කුර්ව්වන්ති|
Ⅸ කින්තු තේ බහුදූරම් අග්‍රසරා න භවිෂ්‍යන්ති යතස්තයෝ ර්මූඪතා යද්වත් තද්වද් ඒතේෂාමපි මූඪතා සර්ව්වදෘශ්‍යා භවිෂ්‍යති|
Ⅹ මමෝපදේශඃ ශිෂ්ටතාභිප්‍රායෝ විශ්වාසෝ ර්ධර‍්‍ය්‍යං ප්‍රේම සහිෂ්ණුතෝපද්‍රවඃ ක්ලේශා
Ⅺ ආන්තියඛියායාම් ඉකනියේ ලූස්ත්‍රායාඤ්ච මාං ප්‍රති යද්‍යද් අඝටත යාංශ්චෝපද්‍රවාන් අහම් අසහේ සර්ව්වමේතත් ත්වම් අවගතෝ(අ)සි කින්තු තත්සර්ව්වතඃ ප්‍රභු ර්මාම් උද්ධෘතවාන්|
Ⅻ පරන්තු යාවන්තෝ ලෝකාඃ ඛ්‍රීෂ්ටේන යීශුනේශ්වරභක්තිම් ආචරිතුම් ඉච්ඡන්ති තේෂාං සර්ව්වේෂාම් උපද්‍රවෝ භවිෂ්‍යති|
ⅩⅢ අපරං පාපිෂ්ඨාඃ ඛලාශ්ච ලෝකා භ්‍රාම්‍යන්තෝ භ්‍රමයන්තශ්චෝත්තරෝත්තරං දුෂ්ටත්වේන වර්ද්ධිෂ්‍යන්තේ|
ⅩⅣ කින්තු ත්වං යද් යද් අශික්‍ෂථාඃ, යච්ච ත්වයි සමර්පිතම් අභූත් තස්මින් අවතිෂ්ඨ, යතඃ කස්මාත් ශික්‍ෂාං ප්‍රාප්තෝ(අ)සි තද් වේත්සි;
ⅩⅤ යානි ච ධර්ම්මශාස්ත්‍රාණි ඛ්‍රීෂ්ටේ යීශෞ විශ්වාසේන පරිත්‍රාණප්‍රාප්තයේ ත්වාං ඥානිනං කර්ත්තුං ශක්නුවන්ති තානි ත්වං ශෛශවකාලාද් අවගතෝ(අ)සි|
ⅩⅥ තත් සර්ව්වං ශාස්ත්‍රම් ඊශ්වරස්‍යාත්මනා දත්තං ශික්‍ෂායෛ දෝෂබෝධාය ශෝධනාය ධර්ම්මවිනයාය ච ඵලයූක්තං භවති
ⅩⅦ තේන චේශ්වරස්‍ය ලෝකෝ නිපුණඃ සර්ව්වස්මෛ සත්කර්ම්මණේ සුසජ්ජශ්ච භවති|