Ⅰ యే జనా అస్మాభిః సార్ద్ధమ్ అస్తదీశ్వరే త్రాతరి యీశుఖ్రీష్టే చ పుణ్యసమ్బలితవిశ్వాసధనస్య సమానాంశిత్వం ప్రాప్తాస్తాన్ ప్రతి యీశుఖ్రీష్టస్య దాసః ప్రేరితశ్చ శిమోన్ పితరః పత్రం లిఖతి|

Ⅱ ఈశ్వరస్యాస్మాకం ప్రభో ర్యీశోశ్చ తత్వజ్ఞానేన యుష్మాస్వనుగ్రహశాన్త్యో ర్బాహుల్యం వర్త్తతాం|

Ⅲ జీవనార్థమ్ ఈశ్వరభక్త్యర్థఞ్చ యద్యద్ ఆవశ్యకం తత్ సర్వ్వం గౌరవసద్గుణాభ్యామ్ అస్మదాహ్వానకారిణస్తత్త్వజ్ఞానద్వారా తస్యేశ్వరీయశక్తిరస్మభ్యం దత్తవతీ|

Ⅳ తత్సర్వ్వేణ చాస్మభ్యం తాదృశా బహుమూల్యా మహాప్రతిజ్ఞా దత్తా యాభి ర్యూయం సంసారవ్యాప్తాత్ కుత్సితాభిలాషమూలాత్ సర్వ్వనాశాద్ రక్షాం ప్రాప్యేశ్వరీయస్వభావస్యాంశినో భవితుం శక్నుథ|

Ⅴ తతో హేతో ర్యూయం సమ్పూర్ణం యత్నం విధాయ విశ్వాసే సౌజన్యం సౌజన్యే జ్ఞానం

Ⅵ జ్ఞాన ఆయతేన్ద్రియతామ్ ఆయతేన్ద్రియతాయాం ధైర్య్యం ధైర్య్య ఈశ్వరభక్తిమ్

Ⅶ ఈశ్వరభక్తౌ భ్రాతృస్నేహే చ ప్రేమ యుఙ్క్త|

Ⅷ ఏతాని యది యుష్మాసు విద్యన్తేे వర్ద్ధన్తే చ తర్హ్యస్మత్ప్రభో ర్యీశుఖ్రీష్టస్య తత్త్వజ్ఞానే యుష్మాన్ అలసాన్ నిష్ఫలాంశ్చ న స్థాపయిష్యన్తి|

Ⅸ కిన్త్వేతాని యస్య న విద్యన్తే సో ఽన్ధో ముద్రితలోచనః స్వకీయపూర్వ్వపాపానాం మార్జ్జనస్య విస్మృతిం గతశ్చ|

Ⅹ తస్మాద్ హే భ్రాతరః, యూయం స్వకీయాహ్వానవరణయో ర్దృఢకరణే బహు యతధ్వం, తత్ కృత్వా కదాచ న స్ఖలిష్యథ|

Ⅺ యతో ఽనేన ప్రకారేణాస్మాకం ప్రభోస్త్రాతృ ర్యీశుఖ్రీష్టస్యానన్తరాజ్యస్య ప్రవేశేన యూయం సుకలేన యోజయిష్యధ్వే|

Ⅻ యద్యపి యూయమ్ ఏతత్ సర్వ్వం జానీథ వర్త్తమానే సత్యమతే సుస్థిరా భవథ చ తథాపి యుష్మాన్ సర్వ్వదా తత్ స్మారయితుమ్ అహమ్ అయత్నవాన్ న భవిష్యామి|

ⅩⅢ యావద్ ఏతస్మిన్ దూష్యే తిష్ఠామి తావద్ యుష్మాన్ స్మారయన్ ప్రబోధయితుం విహితం మన్యే|

ⅩⅣ యతో ఽస్మాకం ప్రభు ర్యీశుఖ్రీష్టో మాం యత్ జ్ఞాపితవాన్ తదనుసారాద్ దూష్యమేతత్ మయా శీఘ్రం త్యక్తవ్యమ్ ఇతి జానామి|

ⅩⅤ మమ పరలోకగమనాత్ పరమపి యూయం యదేతాని స్మర్త్తుం శక్ష్యథ తస్మిన్ సర్వ్వథా యతిష్యే|

ⅩⅥ యతో ఽస్మాకం ప్రభో ర్యీశుఖ్రీష్టస్య పరాక్రమం పునరాగమనఞ్చ యుష్మాన్ జ్ఞాపయన్తో వయం కల్పితాన్యుపాఖ్యానాన్యన్వగచ్ఛామేతి నహి కిన్తు తస్య మహిమ్నః ప్రత్యక్షసాక్షిణో భూత్వా భాషితవన్తః|

ⅩⅦ యతః స పితురీశ్వరాద్ గౌరవం ప్రశంసాఞ్చ ప్రాప్తవాన్ విశేషతో మహిమయుక్తతేజోమధ్యాద్ ఏతాదృశీ వాణీ తం ప్రతి నిర్గతవతీ, యథా, ఏష మమ ప్రియపుత్ర ఏతస్మిన్ మమ పరమసన్తోషః|

ⅩⅧ స్వర్గాత్ నిర్గతేయం వాణీ పవిత్రపర్వ్వతే తేన సార్ద్ధం విద్యమానైరస్మాభిరశ్రావి|

ⅩⅨ అపరమ్ అస్మత్సమీపే దృఢతరం భవిష్యద్వాక్యం విద్యతే యూయఞ్చ యది దినారమ్భం యుష్మన్మనఃసు ప్రభాతీయనక్షత్రస్యోదయఞ్చ యావత్ తిమిరమయే స్థానే జ్వలన్తం ప్రదీపమివ తద్ వాక్యం సమ్మన్యధ్వే తర్హి భద్రం కరిష్యథ|

ⅩⅩ శాస్త్రీయం కిమపి భవిష్యద్వాక్యం మనుష్యస్య స్వకీయభావబోధకం నహి, ఏతద్ యుష్మాభిః సమ్యక్ జ్ఞాయతాం|

ⅩⅪ యతో భవిష్యద్వాక్యం పురా మానుషాణామ్ ఇచ్ఛాతో నోత్పన్నం కిన్త్వీశ్వరస్య పవిత్రలోకాః పవిత్రేణాత్మనా ప్రవర్త్తితాః సన్తో వాక్యమ్ అభాషన్త|