Ⅳ
Ⅰ యుష్మాకం మధ్యే సమరా రణశ్చ కుత ఉత్పద్యన్తే? యుష్మదఙ్గశిబిరాశ్రితాభ్యః సుఖేచ్ఛాభ్యః కిం నోత్పద్యన్తేे?
Ⅱ యూయం వాఞ్ఛథ కిన్తు నాప్నుథ, యూయం నరహత్యామ్ ఈర్ష్యాఞ్చ కురుథ కిన్తు కృతార్థా భవితుం న శక్నుథ, యూయం యుధ్యథ రణం కురుథ చ కిన్త్వప్రాప్తాస్తిష్ఠథ, యతో హేతోః ప్రార్థనాం న కురుథ|
Ⅲ యూయం ప్రార్థయధ్వే కిన్తు న లభధ్వే యతో హేతోః స్వసుఖభోగేషు వ్యయార్థం కు ప్రార్థయధ్వే|
Ⅳ హే వ్యభిచారిణో వ్యభిచారిణ్యశ్చ, సంసారస్య యత్ మైత్ర్యం తద్ ఈశ్వరస్య శాత్రవమితి యూయం కిం న జానీథ? అత ఏవ యః కశ్చిత్ సంసారస్య మిత్రం భవితుమ్ అభిలషతి స ఏవేశ్వరస్య శత్రు ర్భవతి|
Ⅴ యూయం కిం మన్యధ్వే? శాస్త్రస్య వాక్యం కిం ఫలహీనం భవేత్? అస్మదన్తర్వాసీ య ఆత్మా స వా కిమ్ ఈర్ష్యార్థం ప్రేమ కరోతి?
Ⅵ తన్నహి కిన్తు స ప్రతులం వరం వితరతి తస్మాద్ ఉక్తమాస్తే యథా, ఆత్మాభిమానలోకానాం విపక్షో భవతీశ్వరః| కిన్తు తేనైవ నమ్రేభ్యః ప్రసాదాద్ దీయతే వరః||
Ⅶ అతఏవ యూయమ్ ఈశ్వరస్య వశ్యా భవత శయతానం సంరున్ధ తేన స యుష్మత్తః పలాయిష్యతే|
Ⅷ ఈశ్వరస్య సమీపవర్త్తినో భవత తేన స యుష్మాకం సమీపవర్త్తీ భవిష్యతి| హే పాపినః, యూయం స్వకరాన్ పరిష్కురుధ్వం| హే ద్విమనోలోకాః, యూయం స్వాన్తఃకరణాని శుచీని కురుధ్వం|
Ⅸ యూయమ్ ఉద్విజధ్వం శోచత విలపత చ, యుష్మాకం హాసః శోకాయ, ఆనన్దశ్చ కాతరతాయై పరివర్త్తేతాం|
Ⅹ ప్రభోః సమక్షం నమ్రా భవత తస్మాత్ స యుష్మాన్ ఉచ్చీకరిష్యతి|
Ⅺ హే భ్రాతరః, యూయం పరస్పరం మా దూషయత| యః కశ్చిద్ భ్రాతరం దూషయతి భ్రాతు ర్విచారఞ్చ కరోతి స వ్యవస్థాం దూషయతి వ్యవస్థాయాశ్చ విచారం కరోతి| త్వం యది వ్యవస్థాయా విచారం కరోషి తర్హి వ్యవస్థాపాలయితా న భవసి కిన్తు విచారయితా భవసి|
Ⅻ అద్వితీయో వ్యవస్థాపకో విచారయితా చ స ఏవాస్తే యో రక్షితుం నాశయితుఞ్చ పారయతి| కిన్తు కస్త్వం యత్ పరస్య విచారం కరోషి?
ⅩⅢ అద్య శ్వో వా వయమ్ అముకనగరం గత్వా తత్ర వర్షమేకం యాపయన్తో వాణిజ్యం కరిష్యామః లాభం ప్రాప్స్యామశ్చేతి కథాం భాషమాణా యూయమ్ ఇదానీం శృణుత|
ⅩⅣ శ్వః కిం ఘటిష్యతే తద్ యూయం న జానీథ యతో జీవనం వో భవేత్ కీదృక్ తత్తు బాష్పస్వరూపకం, క్షణమాత్రం భవేద్ దృశ్యం లుప్యతే చ తతః పరం|
ⅩⅤ తదనుక్త్వా యుష్మాకమ్ ఇదం కథనీయం ప్రభోరిచ్ఛాతో వయం యది జీవామస్తర్హ్యేతత్ కర్మ్మ తత్ కర్మ్మ వా కరిష్యామ ఇతి|
ⅩⅥ కిన్త్విదానీం యూయం గర్వ్వవాక్యైః శ్లాఘనం కురుధ్వే తాదృశం సర్వ్వం శ్లాఘనం కుత్సితమేవ|
ⅩⅦ అతో యః కశ్చిత్ సత్కర్మ్మ కర్త్తం విదిత్వా తన్న కరోతి తస్య పాపం జాయతే|