Ⅰ ཝཡཾ ཀིམ྄ ཨཱཏྨཔྲཤཾསནཾ པུནརཱརབྷཱམཧེ? ཡུཥྨཱན྄ པྲཏི ཡུཥྨཏྟོ ཝཱ པརེཥཱཾ ཀེཥཱཉྩིད྄ ཨིཝཱསྨཱཀམཔི ཀིཾ པྲཤཾསཱཔཏྲེཥུ པྲཡོཛནམ྄ ཨཱསྟེ?

Ⅱ ཡཱུཡམེཝཱསྨཱཀཾ པྲཤཾསཱཔཏྲཾ ཏཙྩཱསྨཱཀམ྄ ཨནྟཿཀརཎེཥུ ལིཁིཏཾ སཪྻྭམཱནཝཻཤྩ ཛྙེཡཾ པཋནཱིཡཉྩ།

Ⅲ ཡཏོ ྅སྨཱབྷིཿ སེཝིཏཾ ཁྲཱིཥྚསྱ པཏྲཾ ཡཱུཡཔེཝ, ཏཙྩ ན མསྱཱ ཀིནྟྭམརསྱེཤྭརསྱཱཏྨནཱ ལིཁིཏཾ པཱཥཱཎཔཏྲེཥུ ཏནྣཧི ཀིནྟུ ཀྲཝྱམཡེཥུ ཧྲྀཏྤཏྲེཥུ ལིཁིཏམིཏི སུསྤཥྚཾ།

Ⅳ ཁྲཱིཥྚེནེཤྭརཾ པྲཏྱསྨཱཀམ྄ ཨཱིདྲྀཤོ དྲྀཌྷཝིཤྭཱསོ ཝིདྱཏེ;

Ⅴ ཝཡཾ ནིཛགུཎེན ཀིམཔི ཀལྤཡིཏུཾ སམརྠཱ ཨིཏི ནཧི ཀིནྟྭཱིཤྭརཱདསྨཱཀཾ སཱམརྠྱཾ ཛཱཡཏེ།

Ⅵ ཏེན ཝཡཾ ནཱུཏནནིཡམསྱཱརྠཏོ ྅ཀྵརསཾསྠཱནསྱ ཏནྣཧི ཀིནྟྭཱཏྨན ཨེཝ སེཝནསཱམརྠྱཾ པྲཱཔྟཱཿ། ཨཀྵརསཾསྠཱནཾ མྲྀཏྱུཛནཀཾ ཀིནྟྭཱཏྨཱ ཛཱིཝནདཱཡཀཿ།

Ⅶ ཨཀྵརཻ ཪྻིལིཁིཏཔཱཥཱཎརཱུཔིཎཱི ཡཱ མྲྀཏྱོཿ སེཝཱ སཱ ཡདཱིདྲྀཀ྄ ཏེཛསྭིནཱི ཛཱཏཱ ཡཏྟསྱཱཙིརསྠཱཡིནསྟེཛསཿ ཀཱརཎཱཏ྄ མཱུསསོ མུཁམ྄ ཨིསྲཱཡེལཱིཡལོཀཻཿ སཾདྲཥྚུཾ ནཱཤཀྱཏ,

Ⅷ ཏརྷྱཱཏྨནཿ སེཝཱ ཀིཾ ཏཏོ྅པི བཧུཏེཛསྭིནཱི ན བྷཝེཏ྄?

Ⅸ དཎྜཛནིཀཱ སེཝཱ ཡདི ཏེཛོཡུཀྟཱ བྷཝེཏ྄ ཏརྷི པུཎྱཛནིཀཱ སེཝཱ ཏཏོ྅དྷིཀཾ བཧུཏེཛོཡུཀྟཱ བྷཝིཥྱཏི།

Ⅹ ཨུབྷཡོསྟུལནཱཡཱཾ ཀྲྀཏཱཡཱམ྄ ཨེཀསྱཱསྟེཛོ དྭིཏཱིཡཱཡཱཿ པྲཁརཏརེཎ ཏེཛསཱ ཧཱིནཏེཛོ བྷཝཏི།

Ⅺ ཡསྨཱད྄ ཡཏ྄ ལོཔནཱིཡཾ ཏད྄ ཡདི ཏེཛོཡུཀྟཾ བྷཝེཏ྄ ཏརྷི ཡཏ྄ ཙིརསྠཱཡི ཏད྄ བཧུཏརཏེཛོཡུཀྟམེཝ བྷཝིཥྱཏི།

Ⅻ ཨཱིདྲྀཤཱིཾ པྲཏྱཱཤཱཾ ལབྡྷྭཱ ཝཡཾ མཧཏཱིཾ པྲགལྦྷཏཱཾ པྲཀཱཤཡཱམཿ།

ⅩⅢ ཨིསྲཱཡེལཱིཡལོཀཱ ཡཏ྄ ཏསྱ ལོཔནཱིཡསྱ ཏེཛསཿ ཤེཥཾ ན ཝིལོཀཡེཡུསྟདརྠཾ མཱུསཱ ཡཱདྲྀག྄ ཨཱཝརཎེན སྭམུཁམ྄ ཨཱཙྪཱདཡཏ྄ ཝཡཾ ཏཱདྲྀཀ྄ ན ཀུརྨྨཿ།

ⅩⅣ ཏེཥཱཾ མནཱཾསི ཀཋིནཱིབྷཱུཏཱནི ཡཏསྟེཥཱཾ པཋནསམཡེ ས པུརཱཏནོ ནིཡམསྟེནཱཝརཎེནཱདྱཱཔི པྲཙྪནྣསྟིཥྛཏི།

ⅩⅤ ཏཙྩ ན དཱུརཱིབྷཝཏི ཡཏཿ ཁྲཱིཥྚེནཻཝ ཏཏ྄ ལུཔྱཏེ། མཱུསསཿ ཤཱསྟྲསྱ པཱཋསམཡེ྅དྱཱཔི ཏེཥཱཾ མནཱཾསི ཏེནཱཝརཎེན པྲཙྪཱདྱནྟེ།

ⅩⅥ ཀིནྟུ པྲབྷུཾ པྲཏི མནསི པརཱཝྲྀཏྟེ ཏད྄ ཨཱཝརཎཾ དཱུརཱིཀཱརིཥྱཏེ།

ⅩⅦ ཡཿ པྲབྷུཿ ས ཨེཝ ས ཨཱཏྨཱ ཡཏྲ ཙ པྲབྷོརཱཏྨཱ ཏཏྲཻཝ མུཀྟིཿ།

ⅩⅧ ཝཡཉྩ སཪྻྭེ྅ནཱཙྪཱདིཏེནཱསྱེན པྲབྷོསྟེཛསཿ པྲཏིབིམྦཾ གྲྀཧླནྟ ཨཱཏྨསྭརཱུཔེཎ པྲབྷུནཱ རཱུཔཱནྟརཱིཀྲྀཏཱ ཝརྡྡྷམཱནཏེཛོཡུཀྟཱཾ ཏཱམེཝ པྲཏིམཱུརྟྟིཾ པྲཱཔྣུམཿ།