1-2 Mbo ng'eetaabiya, māmāchāktōōs kēēsirwook kurubta keey bēsyēēt nyēē chōōnēē ꞉Mokoryoontēēt, kuuyu ōnkētē ꞉nkakweek kule mākumuung' kuu chōōriin nyoo chōōnii kwēēmooy. Māārkō 13:32; Mat. 24:27, 43 3 Bēsyēēt nyoo mwooyē ꞉biiko kule kaalya ꞉kōōro /ānkēēriibootiin, ku yooto ꞉yēē +/makiiserweetee bichoo. Māchililē ꞉chii. Mākumuunkyi bichoo ꞉ng'aleechaa kuu ng'woonin nyoo nyōōru ꞉koorko nyoo māchē kōōtuusyo. Cherem. 6:14-15; Mat. 24:39 4 Nteenee ‑mōōmiitē ꞉akweek mbo ng'eetaabiya mēēnān nyēē imuuchē kunyōōrwook ꞉bēsyoonoo ‑kumōōchōbootiin. 5 Ōbooyē ꞉akweek tukul lēbkēēyyēēt ānkōōbooyē bēētuut. ‑Mākēēbooyē kwēēmowuut ‑āmākēēbooyē mēēnānēēt. 6 Kunyoo, māmāchāksē kēēruuyē kuu biiko alak, nteenee māchāksē kēēyēku biich chēē kāsunootiin ānkēēriibē keey. 7 Bo ꞉rwoonik kwēēmooy ānku kwēēmooy yēē bōōkiitōōs ꞉biiko. 8 Nteenee kēēbooyē ꞉acheek bēētuut, kunyi māchāksē kēēriibē keey. Māchāktōōs kiiluumee keey kaakaaseet āk chamateet kuyēk kariikaab booryēēt choo /kiilookyinē teket, ankiilaach nkinee kāākēnēēt nyēbo kaararaacheet kuu kuutwēētaab booryēēt nyoo /kiilookyinē mēt. Room. 13:11-12; Ēfēēs. 5:8-9 2Kōōr. 10:4 9 Manaakweyeech ꞉Yēyiin sukōōng'woonchēēch, nteenee māchē sukooraraacheech kubununēē ꞉Mokoryoontēēt Yēēsu Kiriistō. 1Tēēs. 1:10 10 Kime ꞉Kiriistō kubo acheek kule subokēēminy āk inee ānku yoo tākēēsobtōōsii ee, nto kukiikēēbēku. Room. 14:8-9; 1Tēēs. 4:14 11 Kunyoo, māchāktōōs ōtitiirē keey ānkōōsooysooyē keey kuu yoo ōmiitē ōyēyē kuunyiitēnyi.

12 Mbo ng'eetaabiya, kēēsoomook ōkoonyit bichoo kiikukwey ꞉Yēyiin choo āmē booryēēt kōōntōōwook ānkōōtitiirook ām Mokoryoontēēt. 1Kōōr. 16:15-18; 1Tēm. 5:17 13 Ōkoonyitē bichoo miisin ānkōōchāmē ām yiisyēēt nyēē yēyē. Nto akweek, ōbuurtē kaalyeet. Māārkō 9:50

14 Kiikāloonwook akweek mbo ng'eetaabiya kule ōchuulē biiko choo tinyē kēwēynātēēt, ōtitiir choo nyōkōōrēch, ōyēētyēēchinē choo kuskusēch ānkōōmuytoochinē chii ake tukul. 2Tēēs. 3:6, 11-12, 15 15 Okas kule māmii ꞉chii nyēē kākētyi ake miyootyēēt, nteenee ōsyēēmē ākookoy ōboorchinē karaamateet biiko tukul. Room. 12:17

16 Ōng'ērēchē ākookoy, Filib. 2:18 17 ōsooyē āsiiswēk tukul, Luuka 18:1 18 ōbirchinē Yēyiin kōōnkōy ām yēēt ake tukul. Ng'ālyoo ꞉nyi nyēē mākyook ꞉Yēyiin ōyēyē ām Kāārārookiintēēt Yēēsu.

19 ‑Mōōmiis Tāmirmiryēētaab Yēyiin. 20 ‑Mōōchuur ng'aleekaab *wōōrkooyik. 1Kōōr. 14:39 21 Ōrōōtootē tukuuk tukul ānkōōnāmē choo kāroomēch 1Kōōr. 14:29; Ēfēēs. 5:10; 1Yoowa. 4:1 22 ankootayee keey kiy ake tukul nyēbo rōkōs.

23 Kuyeyaak ꞉Yēyiin nyoo kōōnu kaalyeet ōtililiitu ām keel ake tukul. Kuriibākoy ꞉tāmirmiryēētaab chii ake tukul, soboonnyii āk bōōrnyii nyēē māmii ꞉lēēlis ākoy yoo iyēēwu ꞉Mokoryoontēēnyoo Yēēsu Kiriistō. 2Kōōr. 13:11; Filib. 1:10

24 Māwēēchwēēchē keey ꞉nyoo kikwēyook ānku makuyey kuu nyooto. 1Kōōr. 1:8-9; Filib. 1:6; 2Tēēs. 1:11; 3:3 25 Mbo ng'eetaabiya, ōsoowēēch acheek. Room. 15:30 26 Ōsuboowoo mbo ng'eetaabiya alak tukul nyēē ōng'ērēkyinē. Room. 16:16 27 Āmwoowook ām kāāmuukēywēēkaab Mokoryoontēēt kule ōsumānchi barwaani mbo ng'eetaabiya tukul. Kolos. 4:16 28 Kōōbēruurook ꞉Mokoryoontēēt Yēēsu Kiriistō.