3
Yowane Babatiso yona lauguguya
(Mataiyo 3:1-12, Maleko 1:1-8, Yowane 1:19-28)
1 Loma yodi Sisa Taibiliyasi yona huyawoyawoya bolimaina 15 ye lagema, iya ede huyana Pontiusi Pilato iya teha Yudeya yodi gabana, yo Heloda** Heloda ta, iya meta Heloda Antipasi. iya wasawasa teha Galili unai, yo kana kaha Pilipo iya wasawasa Ituliya yo Talakoniti tehadi udiyedi, yo Lisaniyasi meta teha Abilene yodi wasawasa, 2 na Dius yodi taukaitalasam saesaedi ede Anase yo Kaiyapasi. Tenem huyana ne unai Yowane Sakaliya natuna balabalagaibu unai ye miyamiya na Yaubada ye hededelau iya unai. 3 Ede ye lau Yolidani sagasagana tehana maudoina ye tauhetakikili na ye lauguguya meta tamowai bena se nuwabui na babatiso se hai, yodi yababa nuwatugabaedi hesabana.
4 Doha Aisaiya peloweta yona buka unai ye kulinonohaiyako ye wane,
“Tamowai hesau balabalagaibu unai ye yogayoga ye wane,
‘Guiyau yona keda kwa kabinonohai!
Yona kabalau kwa kabihedudulaidi.
5 Gonu maudoidi kwa hemwayaudi,
yo kuduli maudoidi kwa kelihedudulaidi.
Keda youyoudi bena kwa hedudulaidi,
yo keda tupitupidi kwa hesapusapudi.
6 Na tamowai maudoidi kabo Yaubada yona kabihemauli se kita.’ ” (Aisaiya 40:3-5)
7 Bodalakilaki se lage Yowane unai bena ye hebabatisoidi, na ye hededelau udiyedi ye wane, “Komiu mwata natunao! Kaiteya ye hededelaowa bena kabo Yaubada yona hekamkamna kwa yabubugabaei? 8 Taba nuwabui kaniyona kwa miyahemasalahadi! Na tabu kwa wane, ‘Kama kulutubu meta Abelahama.’ Yomiu ya hedehedede: Yaubada gonowana weku ne udiyedi Abelahama kana isimulita ye hetubudi. 9 Na kilam ye nonohaiyako na kaiwa wuwuna unai ye tole. Ena kaiwa hesau nige ye kaniyonamwanamwa kabo ye koigabaei na ye tulaei kaiwa kalakalasina unai.”
10 Boda wa Yowane se henamaiyei se wane, “Saha kabo ka ginauli?” 11 Yowane ye hededebui ye wane, “Ena hesau kalimwai lulu labui meta bena hesau ku mosei tamowai hesau iya nige yona lulu unai. Yo ena kai kalimyena bena hinage ku kainauya.”
12 Takisi tautanotano hekadi hinage se laoma Yowane unai bena se babatiso. Na se henamai se wane, “Taulauhekata, saha kabo ka ginauli?” 13 Yowane ye hededelau udiyedi ye wane, “Tabu tamowai udiyedi takisi kwa tanotanodikwa.”
14 Na kabo tauꞌiyala hekadiyo hinage iya se henamaiyei se wane, “Na kai kabo saha ka ginauli?” Na ye wane, “Tabu tamowai kwa hegilugaibuidi na kwa lauhelilidi bena moni se haidiwa, na nuwamiu mo se namwa maisamiu ne unai.”
15 Tamowai maudoidi wa Keliso yona huyalaoma se nayanayakaliliyei, na se hetubu se nuwanuwatu nuwana Yowane iya Keliso ede. 16 Na Yowane ye hededelau maudoidi wa udiyedi ye wane, “Yau waila unai ya hebabatisoigomiu. Na tamowai hesau kabo ye laoma, iya yona gigibwali ye saekalili na kabo yau, na yau nige yogu namwa gonogonowana bena kana sendolo mainadi ya yailidi.** Kana sendolo mainadi ya yailidi: Teina meta heyayai tauhaidi dobidobidi yodi paisowa. Iya kabo Yaluwa Tabuna yo kaiwa kalakalasina udiyedi ye hebabatisoigomiu. 17 Yona kabahesuhesuluisini kaikaiwana meta iya nimanaena, bena witi ye hesuluisinidi yo ye hinelidi. Kaniyona kabo ye toledi sanalaena, na mosomosodiyao kabo ye gabudi kaiwa kalakalasina unai nige yona kababoso.”
18 Hedehedede kadi kao udoiꞌudoi udiyedi Yowane ye guguyaidi yo wasa namwanamwana ye duwai tamowai udiyedi. 19 Yo wasawasa Heloda ye dilai, matawuwuna kana kaha mwanena Helodiyasi ye kwayai, yo yababa hekadi ye ginaulidi wa debadiyena. 20 Na Heloda yona yababa kabahelakidi ede Yowane ye tole numatutugudu unai.
Yowane Yesu ye hebabatisoi
(Mataiyo 3:13-17, Maleko 1:9-11)
21 Tamowai se bado Yowane ye hebabatisoidi, yo hinage Yesu ye hebabatisoi. Huyana ne unai Yesu ye tapwatapwalolo na galewa ye tasoke 22 na Yaluwa Tabuna ye dobima kewana ne unai kana kao doha bunebune, yo kalina hesau galewa ne unai ye dobima ye wane, “Kowa Natugu! Ya gadosisikaliliyeigo yo nuwagu ku henamwakaliliyei!”
Yesu kana kulutubu
(Mataiyo 1:1-17)
23 Huyana Yesu yona paisowa ye hetubu meta yona bolimai 30 ye hanahanawui. Na tamowai yodi nuwatu ede Yesu iya Yosepa natuna.
Na Yosepa tamana ede Heli.** Tamana ede: Luka yona kulikuli kalina Giliki unai ye kuli, Yosepa iya Heli natuna, 24 iya Matati natuna, iya Lewi natuna, iya Meleki natuna, yo ye lau tenem doha. Na kalinadaena hedehedede ta daguguna nige ye dudulaikalili, unai ka tolebui. 24 Heli tamana ede Matati,
Matati tamana ede Lewi, Lewi tamana ede Meleki,
Meleki tamana ede Yanai, Yanai tamana ede Yosepa,
25 Yosepa tamana ede Matatiyasi, Matatiyasi tamana ede Amosi,
Amosi tamana ede Nahuma, Nahuma tamana ede Esili,
Esili tamana ede Nagai, 26 Nagai tamana ede Mati,
Mati tamana ede Matatiyasi, Matatiyasi tamana ede Semeina,
Semeina tamana ede Yoseki, Yoseki tamana ede Yoda,
27 Yoda tamana ede Yowanani, Yowanani tamana ede Lesa,
Lesa tamana ede Selubabela, Selubabela tamana ede Seyalatiyela,
Seyalatiyela tamana ede Neli, 28 Neli tamana ede Meleki,
Meleki tamana ede Adi, Adi tamana ede Kosam,
Kosam tamana ede Elimadam, Elimadam tamana ede Elu,
29 Elu tamana ede Yosuwa, Yosuwa tamana ede Eliyesa,
Eliyesa tamana ede Yolim, Yolim tamana ede Matati,
Matati tamana ede Lewi, 30 Lewi tamana ede Simiyona,
Simiyona tamana ede Yuda, Yuda tamana ede Yosepa,
Yosepa tamana ede Yonam, Yonam tamana ede Eliyakima,
31 Eliyakima tamana ede Meleya, Meleya tamana ede Mena,
Mena tamana ede Matati, Matati tamana ede Natani,
Natani tamana ede Dawida, 32 Dawida tamana ede Yese,
Yese tamana ede Obedi, Obedi tamana ede Bowasi,
Bowasi tamana ede Salamona,** Salamona: Kalina Giliki unai Luka ye kuli ede Sala, iya ede teha Siliya unai hesa ne yodi katakataina. Salamona tamana ede Nasona,
33 Nasona tamana ede Aminadaba, Aminadaba tamana ede Lam,** Aminadaba tamana ede Lam: Kulikuli beyabeyadi hekadiyo se kuli, Aminadaba tamana ede Edimina, Edimina tamana ede Ani, Ani tamana ede Heselona. Yoda kulikuli ta unai New International Version (NIV) ta lauwatani.
Lam tamana ede Heselona, Heselona tamana ede Pelesi,
Pelesi tamana ede Yuda, 34 Yuda tamana ede Yakobo,
Yakobo tamana ede Isako, Isako tamana ede Abelahama,
Abelahama tamana ede Tela, Tela tamana ede Nahola,
35 Nahola tamana ede Seluga, Seluga tamana ede Leu,
Leu tamana ede Pelega, Pelega tamana ede Ebeli,
Ebeli tamana ede Sela, 36 Sela tamana ede Kainani,
Kainani tamana ede Apasada, Apasada tamana ede Sema,
Sema tamana ede Nowa, Nowa tamana ede Lameka,
37 Lameka tamana ede Metusela, Metusela tamana ede Enoka,
Enoka tamana ede Yaledi, Yaledi tamana ede Mahalalela,
Mahalalela tamana ede Kenani, 38 Kenani tamana ede Enosi,
Enosi tamana ede Seta, Seta tamana ede Adama,
na Adama tamana ede Yaubada.
**3:1: Heloda ta, iya meta Heloda Antipasi.
**3:16: Kana sendolo mainadi ya yailidi: Teina meta heyayai tauhaidi dobidobidi yodi paisowa.
**3:23: Tamana ede: Luka yona kulikuli kalina Giliki unai ye kuli, Yosepa iya Heli natuna, 24 iya Matati natuna, iya Lewi natuna, iya Meleki natuna, yo ye lau tenem doha. Na kalinadaena hedehedede ta daguguna nige ye dudulaikalili, unai ka tolebui.
**3:32: Salamona: Kalina Giliki unai Luka ye kuli ede Sala, iya ede teha Siliya unai hesa ne yodi katakataina.
**3:33: Aminadaba tamana ede Lam: Kulikuli beyabeyadi hekadiyo se kuli, Aminadaba tamana ede Edimina, Edimina tamana ede Ani, Ani tamana ede Heselona. Yoda kulikuli ta unai New International Version (NIV) ta lauwatani.