4
Okuwuluuka okwa awantu owa Katonda
1 Kutio, aeniki okuifuuwa okwa Katonda mbwe iwaga eria okuingira mu okuwuluuka kwae rikiario, mutukole wukalu tuwone mbwe awulao omuntu ku inywe orituukrwa na akeeyire okuingira. 2 Aeniki mala kiomo ifwe twona twamiire okuwurra amangʼana amalootu ku okuwuluuka okwa Katonda aga tumiire okulanziziwua kuno, nintio woona waagawurra owufwanani. Kukawa kutio, amangʼana gano ngagakawatunzia aeniki waalowa okuganya nago.* Engalusi enyingi ziwoola mbwe aeniki ngawakawa no okuganya okwa awantu awaakola okuagala okwa Katonda waawanga nakwo. 3 Ni ifwe awamiire okuwa no okuganya no omwoyo omulala, tuingira mu okuwuluuka kwae, mala kiomo Katonda amiire okuwoola otino,
“Nyaifuuwa ni ndi no okusu otino,
‘Ngawari-ingira mu okuwuluuka kwange!’ ”† Zabu 95:11; Awaib 4:5
Yalowa otio kukawa mbwe yamala okulongra awantu waae ansi aa okuwuluuka kale olwa yaluka ekialo. 4 Aeniki ario ansi andi mu endagano aa agamba-gamba ku owuire owua musamvu na awoola otino “Katonda yamala emirimo, kutio owuire owua musamvu yawuluuka ku emirimo giae giona.”† Owut 2:2 5 Kandi anyuma ao lwona tuwona ni Katonda awoola mbwe, “Ngawari-ingira ansi ange aa okuwuluuka.” 6 Amangʼana ago gakiari mala otio mbwe awantu wandi wari-ingira ansi aa okuwuluuka kandi awantu awaasooka okuwurra amangʼana aga Katonda ngawakaingira ansi aa okuwuluuka ao aeniki waalowa oku-aa Katonda owuti. 7 Kutio Katonda kandi yataao owuire wundi owuetwa mbwe, “Reero,” lunyima na amiire amangi gamiire okuwita yagamba-gamba ni kuwitra ku Daudi mala kiomo yawanga na amiire okuwoola mbwe,
“Reero ni muwuriire omwoyo ogwae,
mutagera emioyo giinyu giwe emikalu!Ӡ Zabu 95:7, 8
8 Aeniki kuweeko mbwe Yoswa yawa-aa okuwuluuka, kangato Katonda ngakagamba-gambre kandi lunyima ku owuire wundi owua okuwuluuka. Yoswa 22:4 9 Kutio *Sabato eya okuwuluuka, ekiario-wuri ku awantu awa Katonda, 10 aeniki omuntu-umuntu oingira mu okuwuluuka okwa Katonda, awuluuka ku emirimo giae mala kiomo Katonda oona yawuluuka ku emirimo giae. 11 Kutio mutukole wukalu kiomo kuesekana, tuwone mbwe tuingiire mu okuwuluuka kwae, kugere omuntu ataaza yalonda omufwano ogwa awantu awaareka okukola okuagala okwa Katonda, mala agwe na ataingiire.
12 Aeniki amangʼana aga Katonda malamu kandi gakola emirimo. Gari amoogi okukira omwambe ogwa olugangala oluri ne eminwa iwiri. Gaowola gaingira munsi nawuno gaagawula owulamu no omwoyo, amaseseemo no owunyunguuri kandi gateera omuntu ekiina ku ewintu ewia aingirizia alala no okuagala okwa mu omwoyo. Isaa 55:11; Efee 6:17; 1Pet 1:23; Owus 1:16 13 Kiwulao-uwula ekintu ku ewintu ewia Katonda yaluka ekiiwisre mu amiiso aga Katonda. Ee ewintu wiona wiisanukuule owuyanga ku owueru mu amiiso aga Katonda owa paka tulage geeza owuene owua ewintu ewia tumiire okukola wiona.
Yesu nio Omukangasi omunene owa awoozia
14 Kutio, aeniki turi no Omukangasi omunene owa *awoozia omiire okugia ku igulu ori Yesu Omuzia owa Katonda, mutuambe wukalu okuganya okwa tuwoola mbwe turi nakwo ku iye. Awaib 2:17–18; 3:1, 6; 5:5–6, 10; 7:24–28; 8:1, 3, 6; 9:11 15 Aeniki ifwe ngʼani mbwe Omukangasi omunene owa awoozia owa turi nae ngaesa okutuambra amasaasra mu owunyowu-nyoowu wuifu, ni turi no omuozia omiire okugeezaniwua mu engira ziona mala kiomo ifwe, ni kukawa kutio ngakakola owuoni. Awaib 2:18; 5:2; 7:26; 9:12; 1Yow 3:5 16 Kutio mutugie no owusiani ampi ne entewe eya Katonda ori no owusiza, kugere atuambre amasaasra kandi tueewue owusiza owuuza okututunzia enyinga ezia turi no okuagala ino. Efee 3:13; Awaib 7:19; 10:19
*4:2 Engalusi enyingi ziwoola mbwe aeniki ngawakawa no okuganya okwa awantu awaakola okuagala okwa Katonda waawanga nakwo.
†4:3 Zabu 95:11; Awaib 4:5
†4:4 Owut 2:2
†4:7 Zabu 95:7, 8
4:8 Yoswa 22:4
4:12 Isaa 55:11; Efee 6:17; 1Pet 1:23; Owus 1:16
4:14 Awaib 2:17–18; 3:1, 6; 5:5–6, 10; 7:24–28; 8:1, 3, 6; 9:11
4:15 Awaib 2:18; 5:2; 7:26; 9:12; 1Yow 3:5
4:16 Efee 3:13; Awaib 7:19; 10:19