13
Emirimo egiomerezia Katonda
1 Mugie emberi no okuwa no olugonzi agati iinyu kiomo awada ku *Kristo. Gala 6:10; Awaib 6:10; 10:24; 13:16; 1Pet 1:22 2 Mutaaza mwalawira okuingizia awageni yaaya, aeniki ku okukola otio awandi wamiire okuingizia kugia *enyankoi ni watamanyire. Owut 18:1–8; 19:1–3; Awaru 12:13; 1Timo 3:2; 5:10; 1Pet 4:9; 3Yow 5–8 3 Muingirizie Awakristo awiina wiinyu awari mu owusiwe, mala kiomo kukaweere mbwe mwona muri nawo mu owusiwe; kandi muingirizie awari mu eminyako-nyaako mala kiomo kukaweere mbwe mwona muri nawo mu eminyako-nyaako egio. Math 25:36; Awaib 10:34
4 Okukwezana ne ekintu ekisugaane okueewua owuti na awantu woona,* Namba mu engira ziona. kandi owuriri owua awantu awakwezaane paka wurindwe no owueru wuona, aeniki Katonda aaza okukengera awantu woona awari awasoodani alala na awagia ku iseero na awakazi namba awasaaza awa awandi, ekiina. 1Kori 7:2–4; 1Thes 4:3–7
5 Muwe ale no okugonzia amasendi mu owulamu wuinyu kandi muigute ne ewintu ewia muri nawio aeniki Katonda amiire okuwoola otino,
“Ngʼanyiza okuwareka,
lwona ngʼanyiza okuwalaga omugongo, yaaya.”† Owuiz 31:6 Filiip 4:11–12; 1Timo 6:7–10
6 Kutio tuwoola no owusiani mbwe,
“Katonda nio ontunzia, kutio ngʼanyiza okutia ekintu.
Katio niki ekia omuntu aesa okunkorra?Ӡ Zabu 118:6, 7
7 Mutalawira awakangasi wiinyu awamiire okuwagerera amangʼana aga Katonda. Muingirizie owulamu owua wamiire okuwa ni wamenyere kandi mwona mukole wukalu muwone mbwe mumenyere no okuganya okufwanana no okwawu. 1Kori 4:16
8 Yesu Kristo no omulala otagaluka izo, reero kandi amiire goona. Isaa 41:4 9 Mutaaza mwasemereziwua ne engerera engeni ezigawukane-gawukaane, yaaya. Kuri kulootu ne emioyo giifu gikalangusiwua no owusiza owua Katonda, ni ngʼani ne endagirra ezigamba-gamba ku ewiokuria ewisugaane wizirwe ne ewitasugaane wizirwe, aeniki wuwulao owuitunzi owua endagirra ezio zireetra awantu awazilonda.
10 Turi ni *isiga eria okukola omusango eria awantu awakola emirimo mu eema eya okusawa Katonda ngawaganyiirwe okuriirako. 11 *Omuozia omunene aingira Asi Aeeru Owutuukre na agingre amasaai aga emiandu ki omusango ogwa okufumia owuoni. Ne enyama eya emiandu egio esambrwa enze eya omugizi. Awal 16:15; Okuf 29:14; Awaib 9:7 12 Kutio Yesu yoona yanyaasiziwua enze eya ekiriwua ekia omugizi kugere aeruyie awantu na amasaai gaae omwene, wawe aweeru. Luuk 23:26; 22:20 13 Kutio mutumugieko enze eya ekambi, tugie tuwone ensuuko ezia omwene yawona. 14 Aeniki ku ekialo kuno, ifwe tuwula no omugizi oguuza okuwaao amiire goona. Ni turindirra okugia ku omugizi ogukiari emberi, oguuza. Filiip 3:20; Awaib 11:9–10, 13, 16; 12:22, 28; 1Pet 2:11; Owus 21:2
15 Kutio, ni kuwitra ku Yesu, mutufumizie Katonda omusango ogwa okumutondowola enyinga ziona ni tugamba-gamba ku owunene owua eriina riae. Zabu 50:23; Efee 5:19–20 16 Kandi mutalawira okukorra awandi geeza, no okugawira awandi ewintu wiinyu aeniki Katonda asangaala ne emisango ki egio. Filiip 4:18; Awaib 13:1
17 Mu-ee awakangasi awawakangatiire owuti kandi mukole ewia wawalagre. Wakola emirimo egia okurinda emioyo giinyu ni wamanyire mbwe waaza okuirania amangʼana emberi wa Katonda. Muwawurre kugere wakole emirimo giawu no owusangaavu, ni ngʼani ki omusigo yaaya, aeniki okukola otio ngakuuza okuwatunzia, yaaya. Ezek 3:17; Awat 20:28–31; 1Kori 16:16; 1Pet 5:1–4
18 Muganye mutusawire Katonda. Tuwula ne ekitukengera ekiina mu emioyo kandi tuagala mbwe tumenye owulamu owueerwe owuti mu ewintu wiona ewia tukola. Awat 24:16; Awaru 15:30; Awaib 10:22 19 Ino-ino, mbasawa mbwe munyiiyembere Katonda kugere ampe iwaga eria okuwairanako eyo wuangu ano.
Okusawa na amakeezio agatuukre
20 Nsawa Katonda oesana owuolu, owa ni kuwitra ku amasaai aga *endagano etaoneka amiire goona, kandi owaziusia Yesu Omwami iifu ori Omwai owa amagondi omunene, Luuk 22:20; Yowa 10:11; Awaib 9:12; 8:6 21 mbwe aganye awa-ee ewintu ewilootu wiona ewiagalana kugere mukole okuagala kwae. Kandi musawa mbwe awa-ee amaani aga okukola ewintu ewimusangaazia, ni kuwitra ku Yesu Kristo osugre no okueewua owunene amiire goona agawula ne entuuko! *Amin. Efee 4:11–16; Efee 2:12–13; 1Yow 3:22
22 Waamwifu, mbaisasaama mbwe muganye muwurre amangʼana aga mbajojeere mu itu erimpi rino, okuwakalangusia nago.
23 Nyagala muwe no okumanya mbwe wamwifu Timotheeo yamiire okusiwulwa aemere mu owusiwe. Na atuukre ano wuangu, nyiza okuuza nae ni nyiza okuwawona. 1Kori 4:17
24 Awiifu munkeezizieko awakangasi wiinyu na awantu awa Katonda woona. Awakristo awaema Itaalia wawatumiire amakeezio.
25 Owusiza owua Katonda wuwe ni inywe mwona!† Amatu gandi gasongako ‘Amin!’ ku inywe mwona.
13:1 Gala 6:10; Awaib 6:10; 10:24; 13:16; 1Pet 1:22
13:2 Owut 18:1–8; 19:1–3; Awaru 12:13; 1Timo 3:2; 5:10; 1Pet 4:9; 3Yow 5–8
13:3 Math 25:36; Awaib 10:34
*13:4 Namba mu engira ziona.
13:4 1Kori 7:2–4; 1Thes 4:3–7
†13:5 Owuiz 31:6
13:5 Filiip 4:11–12; 1Timo 6:7–10
†13:6 Zabu 118:6, 7
13:7 1Kori 4:16
13:8 Isaa 41:4
13:11 Awal 16:15; Okuf 29:14; Awaib 9:7
13:12 Luuk 23:26; 22:20
13:14 Filiip 3:20; Awaib 11:9–10, 13, 16; 12:22, 28; 1Pet 2:11; Owus 21:2
13:15 Zabu 50:23; Efee 5:19–20
13:16 Filiip 4:18; Awaib 13:1
13:17 Ezek 3:17; Awat 20:28–31; 1Kori 16:16; 1Pet 5:1–4
13:18 Awat 24:16; Awaru 15:30; Awaib 10:22
13:20 Luuk 22:20; Yowa 10:11; Awaib 9:12; 8:6
13:21 Efee 4:11–16; Efee 2:12–13; 1Yow 3:22
13:23 1Kori 4:17
†13:25 Amatu gandi gasongako ‘Amin!’ ku inywe mwona.