19
Sakaayo aweere omulonzi owa Yesu
1 Yesu yaingira ku omugizi ogwa Yeriiko kandi yawitanga omwo na agia. 2 Omuntu wundi yawangao oetwa mbwe Sakaayo, omukangasi owa awasolozi awa *omusolo, kandi omuntu omunyazi ino. 3 Yaagalanga okuwona kiomo Yesu afwanana, ni ngakaesanga aeniki yawanga omuntu omwimpi ino kandi omurima ogwaikumia ku Yesu gwamulowera okumuwona. 4 Kutio yarumuka agia emberi kandi aniina omukuyu kugere amuwone, aeniki Yesu yaazanga okuwita ku engira eyo.
5 Olwa Yesu yatuuka asi ao, yawarra kungulu amulaga otino, “Sakaayo, ika ansi wuangu-wuangu aeniki reero ngia okuwa omugeni omwao.” 6 Kutio yaika ansi wuangu-wuangu kandi aingizia Yesu mu enyumba yaae ne ekisangaalo.
7 Awantu woona awaawona ekiaikola kino waatanika okungʼongʼoona ni wawoola watino, “Agiire okuwa omugeni owa ‘omwoni’.” Math 9:10
8 Ni Sakaayo iye yaema awoola otino, “Omwami wona! Nyesania enusu eya ewintu ewiange ku awataka nyingeeno. Kandi ni nyatoola ekintu-ukintu ku omuntu ku engira eya owusakuzi, nyiza okumuiranizia aa kane.” Okuf 22:1; Ezek 33:14–16
9 Yesu yamulaga otino, “Reero owuinunuzi wuingiire mu enyumba eno, aeniki omuntu ono oona no omuzia owa Abraamu. Math 3:9; Luuk 3:8; 13:16; Yowa 8:33–47; Awat 16:31; Awaru 4:12, 16–17; Gala 3:7, 29 10 Aeniki *Omuzia owa Omuntu yaaza okuagarizia kandi okununula awantu awaateeka.” Luuk 5:32; 1Timo 1:15
Olugero olwa awemirimo ikumi awaaegekwa amasendi aga edhaabu
(Math 25:14–30)
11 Ni waawanga ni wakiategerezia gano, Yesu yatanika okuwalaga olugero, aeniki yawanga na ari ampi okutuuka Yerusaleemu kandi awantu waingirizianga mbwe *Owuami owua Katonda wuagianga okutuuka enyinga-unyinga. Luuk 11:2; 24:21 12 Nikuemao yawalaga otino, “Omuntu wundi owaemanga mu owuiwulane owua awaami yagianga ku ekialo ekia ale, okuteewua ku entewe eya owuami nikwo airane. 13 Kutio, ni yawanga na akiari okufuma, yaeta awemirimo waae ikumi awaegeka amasendi aga edhaabu ikumi, omuntu ki omuntu endala-ndala. Nikuemao yawalaga otino, ‘Mukole amaara na amasendi aga mbaegeeke gano nawuno nyirane.’ Mari 13:34; Awat 1:11; 2:33–36
14 “Na awantu awayagianga okuwa omwami waawu waatuma *omutumwa gumulonda, mbwe ngawamuagala awe omwami waawu. Awat 4:17; 5:28; 13:44–46; 28:25–28 15 Kukawa kutio, yateewua ku entewe eya owuami kandi airana engo. Nikuemao, yatumania mbwe awemirimo waae awa yaegeka amasendi garia waetwe, kugere amanye ekia wamiire okutuukra kungulu.
16 “Osookere yaaza emberi waae amulaga otino, ‘Omukangasi, isendi eria waanyegeka rimiire okuiwula agandi ikumi kungulu.’
17 “Omwami waae yamulaga otino, ‘Okorre geeza ino iwue owemirimo omulootu kandi omuigolovu! Aeniki omiire okuwa omulongoole ku okurinda amatono geeza, katio nyiza okuegeka emigizi ikumi emikaate orinde.’
18 “Owa okuwiri yaaza awoola otino, ‘Omukangasi, isendi eria waanyegeka riiwuule agandi itaanu kungulu.’
19 “Omukangasi oyo yamulaga otino, ‘Iwue ooza okurinda emigizi emikaate itaanu.’ Luuk 12:42–44; 16:10
20 “Nikuemao owemirimo wundi yaaza amulaga otino, ‘Omukangasi, isendi riao eria waanyegeka ndino. Nyawanga ni ndisiwre mu ekiraka, ndiwiika ale. 21 Nyawanga ni nkutiire, aeniki ori omuntu omugugu, otoola ewintu asi aa ataata ewiae, kandi ogesa aa otaakomera.’
22 “Omukangasi waae yamulaga otino, ‘Nyiza okukengera ekiina nikulondokana na amangʼana agaemere mu omunwa gwao, iwue owemirimo omuwiiwi ono! Owuo owoola mbwe wawanga no omanyire mbwe ndi omuntu omugugu, otoola ewintu aa ataata ewiae, kandi mbwe ngesa aa ntaakomera? 23 Ni kuri kutio, kane ekiakulowera okuwiika isendi riange mu ebenki kugere ni nyiraane ndituukre ni rimiire okuiwula agandi kungulu niki?’
24 “Nikuemao yalaga awaawanga ni waimeriire antulo ao otino, ‘Mumutooleko isendi eria ari nario erio, mu-ee omuntu ori na amasendi ikumi oria.’
25 “Waamulaga watino, ‘Omukangasi, oria ari na amasendi ikumi goona!’
26 “Yawairania otino, ‘Mbalaga kuwuene mbwe omuntu-umuntu okola geeza ne ekia aegeekwe, nio orisongwa amangi. No omuntu otakola geeza ne ekia aegeekwe, aaza okunyagulwa namba ekitono ekia yaegekwa. Math 25:29 27 Ni ku awazigu wange awaalowa mbwe namba-aa omwami waawu waria, muwareete ano kandi muwaite emberi wange ano.’ ”
Yesu aingiziiwue Yerusaleemu ne ekisangaalo
(Math 21:1–11; Mari 11:1–11; Yowa 12:12–19)
28 Olwa Yesu yamala okuwoola gano, yagia emberi no olugendo lwae olwa okugia Yerusaleemu. 29 Olwa yatuuka ampi ni Bethfaage ni Bethania, ku ekigiri ekietwa mbwe *Zaituuni, yatuma awatumwa waae wawiri emberi 30 na awalaga otino, “Mugie mu ekitemo ekiri emberi kiiria, aa ni muingira mugia okutuukra entikiri embuuka eya omuntu akiari okuniinako ne esiwirwe ku olugoe. Mugisiwule mugireete ano. Luuk 23:53 31 No omuntu awawuuziizie mbwe ‘Ekigera ni mugisiwula niki?’ mumulage mbwe, ‘Omwami nio ogiagala.’ ”
32 Kutio, awaatumwa awo waafuma wagia watuukra entikiri eyo kiomo Yesu yawalaga. 33 Ni waasiwulanga entikiri eyo, aweeneyo waawawuuzia watino, “Ekigera ni musiwula entikiri eyo niki.”
34 Waawairania watino, “Omwami nio ogiagala?” 35 Waareeta entikiri eyo ku Yesu, wagiaziako enguwo ziawu nikwo waikazia Yesu ku omugongo gwayo. 36 Ni yagianga emberi, awantu waa-anzuula enguwo ziawu ku engira.* Kino kilagana owuti owukaate owua waamuanga ki Omwami waawu. 2Awaam 9:13
37 Olwa yatuuka ampi, ku ekiserengeto ekiika no oema ku ekigiri ekia Zaituuni, omurima ogwa awaamulondanga gwatanika okuogerera wukalu ne ekisangaalo ni watondowola Katonda ku ewintu ewikate-kaate ewia waawona. Luuk 2:20; 24:52–53 38 Waawoola watino,
“Asereekwe iye Omwami
ooza ku eriina eria *Omwami Katonda.† Zabu 118:26
Owuolu wuweeo ku igulu,
kandi owunene wueewue ori kungulu okukira.” 1Awaam 1:38–40 Luuk 2:14
39 *Awafarisaayo wandi awaawanga mu omurima ogwo waalaga Yesu watino, “Omugerezi, gaania awalonzi waao wareke okuogerera!” 40 Yawairania otino, “Mbalaga mbwe ni wasarigiire namba amawaale gano gaaza okuogerera ni gatondowola Katonda.” Abak 2:11; Luuk 19:44; 21:5–6, 20–24
41 No olwa yatuuka ampi kandi awona omugizi omunene ogwa Yerusaleemu, yagurra Isaa 22:4 42 na awoola otino, “Kanga mbwe namba inywe mwona mumanyire nyingeeno ekikawareetra owuolu. Ni kukawa kutio, kiwaiwisiire kandi ngamukiwona. Owuiz 32:28–29; Awat 28:26–27; Awaru 11:8, 10 43 Amiire gaaza aga awazigu waao waaza okukuigarra wakusunguuzie embega ziona. 44 Warikugwisia ansi, iwue alala na awaana waao awakumenyeremo kandi ngawarireka namba iwaale ilala ni riigereeke ku rindi. Aeniki ngokamanya enyinga ezia Katonda yakuuzako okukununula.” Luuk 21:20–24 Luuk 21:6; 1:68
Yesu arumuusie awaguzi mu ekaalu olwa okuwiri† Okurumusia okwa kuluweri kuri mu Yowaana 2:13–22.
(Math 21:12–17; Mari 11:15–19)
45 Nikuemao, Yesu yaingira mu *ekaalu atanika okurumusia awaguzi awaaguzianga ewintu mu ekaalu na awafumia omwo. 46 Yawalaga otino, “Kwajojwa mbwe ‘Enyumba yange eeza okuetwa enyumba eya okusawa’† Isaa 56:7 ni inywe mugigaluusie ‘Owuiwiso owua awasakuzi.’† Yere 7:11 ” Luuk 2:49
47 Owuire ki owuire Yesu yagereranga mu ekaalu omwo. Awakangasi awa *awoozia na *awagerezi awa endagirra alala na awakangasi awa *Awayaudi, waagalanga engira eya okumuita. Math 26:55; Mari 11:18; Luuk 21:37; Yowa 7:1; 18:20 48 Kukawa kutio ngawakatuukra engira eya okukola otio, aeniki awantu awangi waawanga ni wamuikumiizieko ni wawurra amangʼana gaae. Luuk 20:19; 21:38; 22:2
19:7 Math 9:10
19:8 Okuf 22:1; Ezek 33:14–16
19:9 Math 3:9; Luuk 3:8; 13:16; Yowa 8:33–47; Awat 16:31; Awaru 4:12, 16–17; Gala 3:7, 29
19:10 Luuk 5:32; 1Timo 1:15
19:11 Luuk 11:2; 24:21
19:13 Mari 13:34; Awat 1:11; 2:33–36
19:14 Awat 4:17; 5:28; 13:44–46; 28:25–28
19:19 Luuk 12:42–44; 16:10
19:26 Math 25:29
19:30 Luuk 23:53
*19:36 Kino kilagana owuti owukaate owua waamuanga ki Omwami waawu.
19:36 2Awaam 9:13
19:37 Luuk 2:20; 24:52–53
†19:38 Zabu 118:26
19:38 1Awaam 1:38–40
19:38 Luuk 2:14
19:40 Abak 2:11; Luuk 19:44; 21:5–6, 20–24
19:41 Isaa 22:4
19:42 Owuiz 32:28–29; Awat 28:26–27; Awaru 11:8, 10
19:44 Luuk 21:20–24
19:44 Luuk 21:6; 1:68
†19:44 Okurumusia okwa kuluweri kuri mu Yowaana 2:13–22.
†19:46 Isaa 56:7
†19:46 Yere 7:11
19:46 Luuk 2:49
19:47 Math 26:55; Mari 11:18; Luuk 21:37; Yowa 7:1; 18:20
19:48 Luuk 20:19; 21:38; 22:2