2
परमप्रभु आ तौ आ सासन
1 मारदे रागी रागी ङा मुर नेल्ल गारशा, परमप्रभु यावे आ पर्बम गाइक्नीमी? मारदे जात जात ङा मुर जाम्शा लाइब मरिम्शो ला मिम्नीमी? प्रेरित ४:२५-२६; प्रकाश ११:१८ 2 मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्शा सोइश्शो आस पर्बम 3 “मेको आस देंशो मपय, मेको आस कली मटिय” दे लोव़ पमुइनीमी? येरमीया ५:५
4 मिनु स्वर्गम बाक्ब परमप्रभु चहिं मेको मुर आन कली तशा, रिप्ब। मेको आन पशो तशा शुक्शी पाइब। भजन संग्रह ५९:९ 5 मिनु नोले मेको गाइश्शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७ 6 मिनु मेकोमी “गो आं सियोन डांडामी आं तेल लुक्शा सोइश्शो पिप कली वोइक्ता” देंत। जकरिया ८:३ 7 परमप्रभु यावेमी लोव़ पा आं कली “गे आं तौ नवे, मुलाक्ती गो इ कली सेल्ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५
8 मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्म नेल्ल इ कली गेनुङ। दानीएल ७:१३-१४; हिब्रू १:२ 9 गे मेको आन कली फलाम के कोक्केमी खप के सेल्शो ग्योंब प्रोल्शो खोदेंशो पा प्रोल्नेवे” दे लोव़ पाप्तु। प्रकाश २:२७; प्रकाश १२:५; प्रकाश १९:१५
10 मोपतीके गे पिपपुकी, जोक्ब तुइक्ब दुम्शा बाक्कीन। गे निसाफ पाइब हिंशा, होस पा रुप्ब दुमीन। 11 परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्येरशा बाप्पीन। फिलिप्पी २:१२; हिब्रू १२:२८ 12 मिनु आ तौ आ ङोंइती बाप्शा, आ खोइल पुक्पु पने। मेको गाइक्ताक्व हना, गेपुकी लांमीन जाम्शा लाइनीनी। मो मपाइतीनी हना, गाइक्चा चिक्शो बाक्ब। सु सु मेको कली थमा सुइश्शा, आ नेक्था लाइनीमी, मेको ग्येरसीशो मुर दुम्नीमी।