1 عَلَ شَشِلِ عَ مَسٍنمَ نّ وٌن بّ عَ قِيشّ رَ، عَ ندٍيٍ قَمَ نّ دَنشَنِيَ رَبٌلٌدٍ وَشَتِ دْنشْي كُي، عٍ قَ بِرَ حِننّ وُلٍ قَلّيٍ نُن عٍ شَ شَرَنيِيٍ قْشْ رَ. 2 وُلٍ قَلّ قِلَنكَقُييٍ مِشِيٍ مَدَشُمَ. عٍ شَشِلِ بَلَنشِ فبٍن. 3 عٍ تْنيِ دْشْمَ قُتِ شِرِقٍ رَ، عَ نُن دٌنسٍ ندٍيٍ دٌنقٍ رَ، عَلَ نَشٍيٍ دَاشِ عَلَكٌ دَنشَنِيَتْييٍ نُن نْندِ قَلّيٍ شَ عٍ دٌن تَنتُي رَ. 4 عَلَ سٍ نَشَن بِرِن دَاشِ، عَ قَن. عَ مُ رَهَرَ مُشِ مِشِيٍ بّ نَشٍيٍ عَ دٌنمَ تَنتُي رَ، 5 بَرِ مَ عَلَ شَ مَسٍنيِ نُن عَلَ مَشَندِ نَ رَ سّنِيّنمَ.

6 شَ عِ نَ نْندِ مَسٍن عِ نفَشَكٍرٍنيِيٍ بّ، عِ بَرَ قِندِ عَلَ شَ مِشِ سُفَندِشِ عِسَ شَ وَلِكّ قَنيِ رَ، نَشَن عِ بَلٌمَ دَنشَنِيَ مَسٍنيِ نُن شَرَنيِ قَنيِ رَ، عِ بِرَ مَ نَشَن قْشْ رَ. 7 عِ نَشَ قٍ قُقَقُ مَدْشْ كِينِ رَ دَنشَنِيَ مُ نَشَن كُي. عِ شَ عَلَ قٍ سُشُ سْوبّ رَ. 8 مِشِيٍ مّينِقٍ عٍ قَتٍ مَ، نَ تِدٍ مُ فبٌ عَلْ عٍ نَ عٍ شَشِلِ يَكَ بَ. نَ شَشِلِ يَكَ بَ نَن قَمَ قِندِدٍ مِشِيٍ بّ مُنَقَنيِ رَ دُنِحَ نُن عَلِفِيَمَ. 9 نْندِ مَسٍنيِ نَن يَ وٌن بِرِن لَن وٌن شَ لَ نَشَن نَ؛ 10 وٌن وَلِمَ تُننَبّشِ نَن نَ، بَرِ مَ وٌن شَشِلِ تِشِ عَلَ حِحّ رَ، نَشَن قِندِشِ عَدَ مَدِ بِرِن نَكِسِمَ رَ، عَ فبٍنفبٍنيِ دَنشَنِيَتْييٍ. 11 نَ نَن نَ كِ، عِ شَ نَ يَامَرِ بِرِن مَسٍن مِشِيٍ بّ، عِ شَ عٍ شَرَن نَ سّرِيّيٍ رَ.

12 مِشِ يٌ نَشَ يٌ عِ شَ قٌنِكٍيَ مَ. عِ نَشَن نَبَمَ، عِ شَ قِندِ مِسَالِ رَ دَنشَنِيَتْييٍ بّ عَ لَنمَ عٍ شَ وْيّن كِ نَشّ، عٍ شَ حّرّ كِ نَشّ، عٍ شَ عٍ بٌرٍ شَنُ كِ نَشّ، عٍ شَ دَنشَنِيَ نُن عٍ شَ سّنِيّنيِ شَ لُ كِ نَشّ. 13 هَن ﭑ سَ قَمَ تّمُي نَشّ، عِ شَ كِتَابُي شَرَن مِشِيٍ بّ، عِ شَ عٍ رَلِمَنِيَ، عِ شَ عٍ شَرَن. 14 عِ نَشَ وَلِ بّحِن نَشَن سٌشِ عِ يِ رَ، مَسٍنيِ تِشِ عَلَ شِلِ رَ عِ شَ قٍ رَ نَشَن مَ، قٌرِيٍ تٌ عٍ بّلّشّ سَ عِ شُنيِ مَ. 15 عِ شَ نَ رَبَتُ سّنبّ رَ، عَلَكٌ مِشِ بِرِن شَ عِ حّرّ كِ تٌ عِ سِفَمَ يَرٍ كِ نَشّ. 16 مّينِ عِ يّتّ مَ، نُن نَ شَرَنيِ مَ عِ نَشَن تِمَ تُننَبّشِ رَ. شَ عِ نَ رَبَ عِ كِسِمَ نّ، عِ تَن نُن نَشٍيٍ عِ شُي رَ مّمَ.