1 «وٌن نَشَ وٌن مَقِندِ تٍقٍ رَ بَسَن كِرَ شْن مَ. عٌفٌ، بَسَن مَنفّ، نَشَ مِنِ وٌن فٍرٍدٍ عٍدٍرِ، عَ تَن نُن عَ شَ حَمَ بِرِن. 2 عَلَتَلَ نَشَ عَ قَلَ ﭑ بّ، ‹عِ نَشَ فَاشُ عَ يَ رَ، بَرِ مَ ﭑ عَ نِيَمَ نّ عِ شُتُ سْتْ عَ تَن نُن عَ شَ حَمَ بِرِن مَ نُن عَ شَ بْشِ. عِ شَ نْ عَ رَ عَلْ عِ عَ رَبَشِ عَمٌرِكَيٍ شَ مَنفّ سِشْن نَ كِ نَشّ.› 3 وٌن مَرِفِ عَلَتَلَ نَشَ عَ نِيَ وٌن شَ شُتُ سْتْ بَسَن مَنفّ عٌفٌ نُن عَ شَ حَمَ بِرِن مَ. وٌن نَشَ عٍ بِرِن قَشَ، مِشِ يٌ مُ لُ. 4 نَ تّمُي وٌن نُ بَرَ عٍ شَ تَايٍ بِرِن سُشُ. نَ تَا يٌ مُ لُ وٌن مُ دّننَشّ سُشُ، تَا تٌنفٌ سٍننِ نَ عَ رَ نَشَن نَ عَرَفٌبٌ رَبِلِنيِ. نَ تَا بِرِن نُ نَ عٌفٌ شَ مَنفّيَ نَن بُن مَ بَسَن بْشِ مَ. 5 نَ تَايٍ بِرِن نُ رَبِلِنشِ تّتّ عِتٍشِيٍ نَن نَ، نُن نَادّ مَبَلَنشِيٍ رَ. تَا فبٍفبٍ قَن نُ نَ تّتّ مُ نُ نَشٍيٍ رَبِلِنشِ. 6 وٌن نَشَ نَ لٌنفٌرِ تَا بِرِن كَنَ عَلْ وٌن عَ رَبَ شّسِبْن، سِشْن مَنفّ شَ بْشِ رَ كِ نَشّ. وٌن نَشَ شّمّيٍ، نُن فِنّيٍ، عَ نُن دِ مّيٍ بِرِن قَشَ، 7 كْنْ وٌن نَشَ عٍ شَ شُرُ سٍيٍ نُن عٍ هَرِفٍ تَن شَنِن.»

8 «وٌن عَ رَبَ نَ كِ نّ. نَ وَشَتِ وٌن نَشَ بْشِيٍ رَ سُشُ، نَشٍيٍ نُ نَ يُرُدّن سٌفٍتٍدٍ بِرِ، عَمٌرِكَيٍ شَ مَنفّ قِرِنيِيٍ يِ رَ. نَ لٌنفٌرِ كٍلِ عَرِنٌن شُرٍ هَن شٍرِ مٌن فٍيَ. 9 سِدْنكَيٍ نَ فٍيَ شِلِ قَلَمَ نّ سِرِيٌن. عَمٌرِكَيٍ تَن نَ شِلِ قَلَمَ سٍنِرِ. 10 تَا نَشٍيٍ بِرِن نَ لَنبَنيِ مَ، وٌن نَشَ عٍ بِرِن مَسْتْ، عَ نُن فَلَدِ بْشِ رَبِلِنيِ بِرِن، سِفَقٍ رَ بَسَن مَ سَ دْشْ سَلِكَ نُن عٍدٍرِ رَ. نَ تَا بِرِن نُ نَ عٌفٌ شَ مَنفّيَ نَن بُن مَ بَسَن بْشِ مَ. 11 بَسَن مَنفّ عٌفٌ نَن كٍرٍن مُ قَشَ رٍقَكَيٍ يَ مَ. عَ شَ وُرٍ سَدٍ نُ نَ رَابَ نّ، عَمٌنِكَيٍ شَ مَنفَتَا. عَ كُيّ نُ سِفَشِ نْنفْن سٌلٌمَنَانِ، عَ عِفبٌي نْنفْن نَانِ.»

12 «نَ تّمُي وٌن نَشَ شُتُ سْتْ نَ بْشِ مَ. كٍلِقٍ عَرٌوٍرِ سِفَقٍ رَ عَرِنٌن شُرٍ مَ، عَ نُن فَلَدٍ فٍيَ سّيتِ، نُن عَ تَايٍ، ﭑ نَشَ نَ بِرِن سٌ رُبٍن نُن فَدِ بْنسْي يِ رَ. 13 ﭑ نَشَ فَلَدٍ سّيتِ دْنشْي نُن عٌفٌ شَ مَنفّيَ نَشَن نَ بَسَن بْشِ مَ سٌ مَنَسِ بْنسْي سّيتِ يِ رَ. عَرَفٌبٌ رَبِلِنيِ نُن بَسَن نُ كٌلٌنشِ رٍقَكَيٍ شَ بْشِ نَن نَ. 14 مَنَسِ شَ دِ يَيِرِ نَشَ عَرَفٌبٌ بْشِ قِندِ عَ فبٍ رَ، هَن فٍسُرِكَيٍ نُن مَاكَكَيٍ نَانِنيِ رَ. عَ نَشَ عَ شِلِ سَ بَسَن شُن مَ، نَشَن شِلِ قَلَمَ هَن يَكْسِ يَيِرِ تَا. 15 ﭑ نَشَ فَلَدٍ سٌ مَكِرِ يِ رَ. 16 ﭑ نَشَ فَلَدٍ سّيتِ سٌ رُبٍن بْنسْي عَ نُن فَدِ بْنسْي يِ رَ، هَن عَ سَ دْشْ عَرِنٌن شُرٍ رَ. شُرٍ نَن نَ نَانِنيِ رَ، هَن عَ سَ دْشْ يَبٌكٌ شُرٍ رَ عَمٌنِكَيٍ نَانِنيِ رَ، 17 عَ نُن عَرَبَ بْشِ نَشَن نُن يُرُدّن نَانِنيِ بَشِ، كٍلِ كِنٍرٍتِ بَا مَ، عَ سَ دْشْ عَرَبَ قْشّ بَا رَ، نَشَن نَ ثِسِفَ لَنبَنيِ مَ سٌفٍتٍدٍ.»

18 «نَ تّمُي ﭑ نَشَ يِ يَامَرِ قِ وٌ مَ، ‹وٌ مَرِفِ عَلَتَلَ بَرَ يِ بْشِ قِ وٌ مَ عَلَكٌ عَ شَ قِندِ وٌ فبٍ رَ. وٌ تَن شّمّ كّندّيٍ، وٌ قِندِ مَ نّ وٌ نفَشَكٍرٍنيِ عِسِرَيِلَكَيٍ شَ سْورِيٍ رَ. 19 وٌ شَ فِنّيٍ نُن وٌ شَ دِيْرّيٍ، نُن وٌ شَ شُرُ سٍيٍ نَن فبَنسَن قَمَ لُدٍ تَايٍ كُي ﭑ نَشٍيٍ سٌشِ وٌ يِ رَ. ﭑ نَ عَ كٌلٌن شُرُ سٍيٍ فبٍفبٍ نَ وٌ يِ رَ. 20 وٌ سْورِحَ رَبَمَ نّ هَن وٌ مَرِفِ عَلَتَلَ مَلَبُي قِمَ وٌ نفَشَكٍرٍنيِيٍ مَ تّمُي نَشّ. وٌ مَرِفِ عَلَتَلَ بْشِ قِمَ عٍ مَ يُرُدّن نَاكِرِ نَن مَ. نَ تّمُي كَنكَن قَمَ فبِلٍندٍ عَ شَ بْشِ مَ ﭑ نَشَن سٌشِ عَ يِ رَ.›»

21 «نَ تّمُي ﭑ نَشَ يَامَرِ سٌ يٌسُوٍ يِ رَ. ﭑ قَ عَ قَلَ عَ بّ، ‹عِ يَ بَرَ قٍيٍ بِرِن تٌ عِ مَرِفِ عَلَتَلَ نَشٍيٍ رَبَشِ يِ مَنفّ قِرِنيِيٍ رَ. عَلَتَلَ قَمَ نّ نَ رَبَدٍ مَنفَتَا بِرِن عِ نَ دَنفِ دّننَشّ. 22 عِ نَشَ فَاشُ عٍ يَ رَ، بَرِ مَ عِ مَرِفِ عَلَتَلَ نَن قَمَ عٍ فٍرٍدٍ وٌ بّ.›»

23 «نَ تّمُي ﭑ نَشَ عَلَتَلَ مَشَندِ، 24 ‹ﭑ مَرِفِ عَلَتَلَ، عِ بَرَ عِ شَ قِسَمَنتٍيَ نُن عِ سّنبّ مَسٍن عِ شَ كٌنيِ بّ. عَلَ فبّتّ يٌ مُ نَ كٌورٍ مَ عَ نُن بْشِ نَشَن نْمَ عِ قْشِ عَ نُن عِ شَ كَابَنَكٌي رَبَدٍ. 25 ﭑ بَرَ عِ مَيَندِ، عَ لُ ﭑ شَ نْ يُرُدّن شُرٍ عِفِرِدٍ، عَلَكٌ ﭑ شَ نَ بْشِ قَنيِ نُن عَ شَ فٍيَ قَنيِيٍ تٌ نَشَن نَ نَاكِرِ مَ، عَ نُن لِبَن.› 26 كْنْ وٌ تَن شَ قٍ رَ، عَلَتَلَ نَشَ شْنْ ﭑ مَ. عَ مُ ﭑ دَنشُن. عَلَتَلَ نَشَ عَ قَلَ ﭑ بّ، ‹عَ مُ لَن عِ شَ يِ وْيّنيِ قَلَ ﭑ بّ سْنْن. 27 تٍ ثِسِفَ فٍيَ شُنتَفِ، عِ شَ سٌفٍفٌرٌدٍ بِرِ، كْولَ بِرِ، يِرٍقَنيِ بِرِ، عَ نُن سٌفٍتٍدٍ بِرِ مَتٌ، كْنْ عِ شَ عَ كٌلٌن عَ قَنيِ رَ عِ مُ يُرُدّن عِفِرِ مَ. 28 عِ شَ يَامَرِ سٌ يٌسُوٍ يِ رَ، عِ شَ لِمَنِيَ نُن سّنبّ قِ عَ مَ، بَرِ مَ عَ تَن نَن قَمَ تِدٍ حَمَ يَ رَ يُرُدّن عِفِرِقٍ رَ. عِ بْشِ نَشَن تٌمَ، يٌسُوٍ قَمَ نّ نَ بْشِ سٌدٍ عِسِرَيِلَ يِ رَ، عَ قِندِ عٍ كّ بْشِ رَ.› 29 نَ نَن عَ تٌشِ، وٌن نَشَ لُ فُلُنبَ بٍتِ ثٍيٌرِ يَتَفِ.