1 نَ قٍ بِرِن تٌ بَ عَ رَ، كُنتِفِيٍ نَشَ قَ ﭑ يِرٍ، عٍ نَشَ عَ قَلَ ﭑ بّ، عٍ نَشّ، «عِ شَ عَ كٌلٌن عَ عِسِرَيِلَكَيٍ، سّرّشّدُبّيٍ، نُن لٍوِ بْنسْي مُ فبِلٍنشِ سِ فبّتّيٍ شَ نَامُنيِ حَاشِيٍ قْشْ رَ. عٍ بَرَ بِرَ كَنَانكَيٍ، شِتِكَيٍ، ثٍرِ سِكَيٍ، يٍبُسُكَيٍ، عَمٌنِكَيٍ، مٌوَبَكَيٍ، مِسِرَكَيٍ، نُن عَمٌرِكَيٍ شَ وَلِ كٌبِيٍ قْشْ رَ. 2 عٍ بَرَ نَ سِيٍ شَ دِ فِنّيٍ دْشْ، عٍ مَن بَرَ عٍ قٍن قُتِ رَ عٍ شَ دِيٍ بّ. عٍ بَرَ وٌن مَ سِ سّنِيّنشِ مَسُنبُ سِ فبّتّيٍ رَ. قٌرِيٍ نُن كُنتِفِيٍ نَن سِنفٍ نَ قٍ رَقْلْ.»

3 ﭑ تٌ نَ مّ، ﭑ نَشَ ﭑ مَ دٌنمَيٍ عِبْو، ﭑ نَشَ ﭑ شُنسّشّ نُن دّ شَبٍ مَتَلَ، ﭑ قَ دْشْ يِفِتّفّ كُي. 4 مِشِ نَشٍيٍ قِندِ عَلَ يَرَفَاشُييٍ رَ، نٍيٍ بِرِن نَشَ قَ ﭑ يِرٍ نَ مِشِيٍ شَ وَلِ كٌبِ شَ قٍ رَ. ﭑ نَشَ لُ نَا هَن نُنمَرٍ سّرّشّ تّمُي. 5 نُنمَرٍ سّرّشّ تّمُي، ﭑ نَشَ سِفَ، ﭑ نَشَ ﭑ شِنبِ سِن، ﭑ نَن ﭑ بّلّشّ تِ ﭑ مَرِفِ عَلَتَلَ بّ ﭑ مَ دٌنمَ عِبْوشِيٍ رَ ﭑ مَ. 6 ﭑ نَشَ عَ قَلَ، «ﭑ مَرِفِ، ﭑ بَرَ كْنتْقِلِ، ﭑ بَرَ يَافِ عِ شْن مَ، بَرِ مَ مُشُ شَ يُنُبِيٍ عِ مَبِرِ بَرَ فبٌ هَن عَ بَرَ دَنفِ عَ عِ. 7 كٍلِقٍ مُشُ بٍنبَيٍ شَ تّمُي مَ، قَ دْشْ تٌ رَ، مُشُ نَ نَ وَلِ كٌبِيٍ نَن قَرِ. نَ نَ عَ رَ، عِ بَرَ مُشُ نُن مُشُ شَ مَنفّيٍ نُن مُشُ شَ سّرّشّدُبّيٍ حَشَنكَتَ. عِ بَرَ مُشُ لُ سِ فبّتّيٍ يِ رَ، عٍ شَ مُشُ قَشَ سَنتِدّفّمَ رَ، عٍ شَ مُشُ شَنِن، عٍ شَ مُشُ هَرِفٍ بِرِن سُشُ. هَن تٌ مُشُ نَ نَ كْنتْقِلِ نَن كُي. 8 كْنْ يَكْسِ، يِ وَشَتِ دِ كُي، عِ تَن مُشُ مَرِفِ عَلَتَلَ بَرَ هِننّ مُشُ رَ، عِ بَرَ ندٍ رَكِسِ، عِ بَرَ مُشُ رَ سٌ عِ شَ يِرٍ سّنِيّنشِ، عَلَكٌ مُشُ شَ لِمَنِيَ، مُشُ شَ هّيرِ ندٍ سْتْ مُشُ شَ كٌنيِيَ كُي. 9 مُشُ نُ نَ كٌنيِيَ كُي، كْنْ مُشُ مَرِفِ عَلَ مُ مُشُ رَبٌلٌ. عَ نَشَ هِننّ مُشُ رَ ثٍرِ سٍ مَنفّيٍ يَ شْرِ. عَ نَشَ مُشُ رَكِسِ عَلَكٌ مُشُ شَ مُشُ مَرِفِ عَلَ شَ هْرْ مْبَنشِ تِ عَ نُ نَ دّننَشّ، مُشُ مَن شَ كَنتَرِ سْتْ يُدَيَ بْشِ مَ دَرِ سَلَمُ كُي.»

10 «يَكْسِ، مُشُ مَرِفِ عَلَ، مُشُ شَ مُنسٍ قَلَ سْنْن؟ 11 مُشُ بَرَ عِ شَ سّرِيّ مَتَندِ، عِ سّرِيّ نَشَن سٌ مُشُ يِ رَ عِ شَ كٌنيِ دِ نَمِحْنمّيٍ سَابُي رَ. عٍ عَ قَلَ نّ، ‹وٌ قَمَ سٌدٍ بْشِ نَشَن مَ، وٌ لَن وٌ شَ دْشْ دّننَشّ، نَاكَيٍ شَ يُنُبِيٍ بَرَ فبٌ هَن عَ بَرَ دَنفِ عَ عِ. مّننِ بِرِن بَرَ قِندِ يِرٍ سّنِيّنتَرٍ رَ. 12 وٌ نَشَ تِن وٌ شَ دِيٍ قِدٍ نَاكَيٍ مَ. وٌ مَن نَشَ نَ دِ فِنّيٍ قَن تٌنفٌ وٌ شَ دِيٍ بّ. وٌ نَشَ سَاتّ يٌ تٌنفٌ عٍ بّ، وٌ مَن نَشَ بِرَ عٍ هَرِفٍ قْشْ رَ. شَ وٌ مُ بِرَ نَ قٍ حَاشِ مْولِيٍ قْشْ رَ، وٌ قَمَ نّ سّنبّ سْتْدٍ، وٌ نَ بْشِ دَشَمُي دٌنمَ نّ، وٌ شَ دِيٍ قَن قَمَ نَ بْشِ سْتْدٍ كّ رَ.›»

13 «مُشُ مَرِفِ، عِ بَرَ مُشُ حَشَنكَتَ مُشُ شَ يُنُبِيٍ شَ قٍ رَ، كْنْ نَ حَشَنكَتّ مُ فبٌ عَلْ مُشُ شَ يُنُبِ فبٌشِ كِ نَشّ. عِ بَرَ تِن مُشُ رَكِسِدٍ، مُشُ تَن نَشٍيٍ نَ بٍ يِ كِ. 14 مُنسٍ نْمَ عَ نِيَدٍ مُشُ مَن شَ فبِلٍن عِ شُي مَتَندِ رَ، هَن مُشُ نُن يِ سِ فبّتّيٍ شَ لُ يِرٍ كٍرٍن؟ شَ نَ نَ عَ رَ، عِ قَمَ شْنْدٍ مُشُ مَ هَن عِ مُشُ بِرِن هَلَكِ. مِشِ كٍرٍن مُ كِسِمَ. 15 عِسِرَيِلَ مَرِفِ عَلَتَلَ، عِ بَرَ تِن عِ شَ مُشُ رَكِسِ. مُشُ تِشِ عِ يَ تٌدٍ رَ، مُشُ تَن يُنُبِتْييٍ، هَلِ مِشِ سّنِيّنتَرٍ يٌ مُ دَشَ عَ شَ تِ عِ يَ تٌدٍ رَ.»