1 يُسُقُ تٌ مُ نُ وَ مَ وَقٍ عَ شَ كٌنيِيٍ يَ شْرِ، عَ نَشَ عٍ يَمَرِ عٍ بِرِن شَ مِنِ. نَ كُي، عَ نُ عَ يّتّ مَسٍنمَ عَ تَارَيٍ بّ تّمُي نَشّ، مِشِ فبّتّ يٌ مُ نُ نَ نَا. 2 يُسُقُ نَشَ وَ عَ شُي عِتٍشِ رَ، هَن مِسِرَكَيٍ نُن مِسِرَ مَنفّ شَ مِشِ بِرِن نَشَ نَ قٍ كٌلٌن. 3 يُسُقُ نَشَ عَ مَسٍن عَ تَارَيٍ بّ، «يُسُقُ نَن ﭑ نَ! ﭑ بَبَ مَن نَ دُنِحّ؟» كْنْ عَ تَارَيٍ مُ نْ عَ يَابِدٍ قٍقٍ مَ. عٍ دّ بَرَ عِشَرَ، عٍ فَاشُ عَ يَ رَ.

4 يُسُقُ نَشَ عَ قَلَ عَ تَارَيٍ بّ، «ﭑ بَرَ وٌ مَشَندِ، وٌ شَ وٌ مَسٌ ﭑ نَ.» عٍ نَشَ عٍ مَسٌ عَ رَ. عَ نَشَ عَ قَلَ، «ﭑ تَن نَن نَ يُسُقُ رَ، وٌ شُنيَ، وٌ نَشَن مَتِ عَ شَ قِندِ كٌنيِ رَ مِسِرَكَيٍ بّ. 5 يَكْسِ وٌ بْحّ نَشَ مِنِ، وٌ نَشَ فَاشُ، وٌ تٌ بَرَ ﭑ مَتِ كٌنيِ رَ، ﭑ سَرَ مَيٍ نَشَ قَ ﭑ نَ يِ بْشِ مَ. عَلَ نَن نَ رَفِرِشِ. عَ تَن نَن ﭑ شّيشِ وٌ يَ رَ عَلَكٌ ﭑ شَ وٌ رَكِسِ. 6 وٌ بَرَ عَ تٌ، حّ قِرِن نَن يِ كِ كَامّ نَ بْشِ مَ، كْنْ حّ سُولِ مَن لُشِ. بْشِ مُ رَوَلِمَ، سَنسِ مُ شَبَمَ. 7 عَلَ ﭑ نَسَنبَشِ نّ وٌ يَ رَ، عَلَكٌ ﭑ شَ بْشِ دٌنسٍ ندٍ رَفَتَ وٌ بّ، وٌ شَ نْ بَلٌدٍ مَرَتَنفّ كُي. 8 وٌ تَن شَ مُ قَشِ ﭑ نَ بٍ. عَلَ نَ عَ رَ. عَ تَن نَن ﭑ قِندِ مِسِرَ مَنفّ بَبَ رَ، عَ شَ بَنشِ نُن عَ شَ بْشِ بِرِن شَ لُ ﭑ مَ يَامَرِ بُن مَ.»

9 «وٌ شُلُن، وٌ شَ سِفَ ﭑ بَبَ يِرٍ. وٌ شَ عَ قَلَ عَ بّ، ‹عِ شَ دِ يُسُقُ يِ نَن قَلَشِ، «عَلَ بَرَ ﭑ قِندِ مِسِرَ مَنفّ رَ. عِ شَ سِفَ ﭑ يِرٍ، عِ نَشَ دُفُندِ. 10 عِ قَمَ لُدٍ فٌسٍن بْشِ نَن مَ ﭑ قّ مَ، عِ تَن، عِ شَ دِيٍ، عِ شَ مَمَدِيٍ، عِ شَ شُرُ سٍيٍ، نُن عِ هَرِفٍ بِرِن. 11 حّ سُولِ كَامّ مَن لُشِ. ﭑ عِ هَيِ بِرِن قَنمَ نّ فٌسٍن، عَلَكٌ عِ نُن عِ شَ دٍنبَيَ نَشَ قِندِ سٍتَرٍيٍ رَ.»›»

12 «وٌ بَرَ عَ تٌ وٌ يّتّ يَ رَ، ﭑ شُنيَ بُنيَمِن قَن بَرَ عَ تٌ، عَ ﭑ تَن يَتِ نَن وْيّنقٍ وٌ بّ. 13 وٌ شَ ﭑ مَ مَنفّيَ سّنبّ تَفِ رَبَ ﭑ بَبَ بّ، ﭑ نَ نَشَن كُي مِسِرَ بْشِ مَ، عَ نُن وٌ قٍ نَشَن بِرِن تٌشِ. وٌ وٌ شُلُن، وٌ شَ قَ ﭑ بَبَ رَ هَن بٍ.» 14 يُسُقُ نَشَ قِندِفِلِن عَ شُنيَ بُنيَمِن مَ، عٍ قِرِن نَشَ وَ عَ شْرْشْي رَ. 15 يُسُقُ نَشَ عَ تَارَيٍ قَن مَسُنبُ، عٍ بِرِن نَشَ وَ. نَ شَنبِ، عَ تَارَيٍ نَشَ سُو سَ وْيّندٍ عَ بّ.

16 مِسِرَ مَنفّ نَشَ كٌلٌن سْتْ عَ مَ، عَ يُسُقُ تَارَيٍ بَرَ قَ. نَ نَشَ رَقَن مِسِرَ مَنفّ نُن عَ شَ مِشِ بِرِن مَ. 17 عَ نَشَ عَ مَسٍن يُسُقُ بّ، «عَ قَلَ عِ تَارَيٍ بّ، ‹وٌ كٌتٍ بَكِ وٌ شَ سٌقَلٍيٍ قَرِ، وٌ شَ سِفَ كَنَان بْشِ مَ. 18 نَ تّمُي وٌ شَ فبِلٍن وٌ نُن وٌ بَبَ نُن وٌ شَبِلّ رَ ﭑ يِرٍ. سٍ قَنيِ نَشَن بِرِن نَ مِسِرَ بْشِ مَ، ﭑ نَ عَ سٌمَ نّ وٌ يِ رَ، وٌ مَن قَ بْشِ دَشَمُي قَنيِ دٌن.› 19 عِ شَ عَ قَلَ عِ تَارَيٍ بّ، ‹وٌ شَ مِسِرَ فِسٍيٍ شَنِن، وٌ شَ وٌ بَبَ، وٌ شَ دِيٍ، نُن وٌ شَ فِنّيٍ بَكِ عٍ كُي، وٌ شَ قَ عٍ رَ. 20 وٌ نَشَ مْنّ سٍسٍ شَ قٍ رَ، بَرِ مَ سٍ قَنيِ نَشَن بِرِن نَ مِسِرَ بْشِ مَ، عَ قِندِ مَ وٌ فبٍ نَن نَ.›»

21 عِسِرَيِلَ شَ دِيٍ نَشَ نَ رَبَ. يُسُقُ نَشَ فِسٍيٍ سٌ عَ تَارَيٍ يِ رَ عَلْ مِسِرَ مَنفّ عَ قَلَ عَ بّ كِ نَشّ. عَ نَشَ قَندّ قَن سٌ عٍ يِ رَ عٍ نَشَن دٌنمَ كِرَ رَ. 22 عَ نَشَ دٌنمَ قَنيِيٍ قِ عَ تَارَيٍ بِرِن مَ. كْنْ عَ كْبِرِ كٌلٍ كّمّ سَشَن نَن قِ بُنيَمِن تَن مَ، عَ نُن دٌنمَ سُولِ. 23 عَ نَشَ مِسِرَ دَشَمُي قَنيِ بَكِ سٌقَلٍ قُ قَرِ عَ بَبَ شَ سَنبّ. عَ مَن نَشَ دٌنسٍ شْرِ، تَامِ، نُن قَندّ فبّتّيٍ بَكِ سٌقَلٍ فِنّ قُ قَرِ عَ بَبَ شَ بِيَاسِ شَ قٍ رَ. 24 نَ دَنفِ شَنبِ، عَ نَشَ عَ تَارَيٍ لُ عٍ شَ سِفَ. عَ نَشَ عَ قَلَ عٍ بّ، «وٌ نَشَ فَلَنبُ كِرَ شْن مَ دٍ!»

25 عٍ نَشَ كٍلِ مِسِرَ، عٍ تٍ كَنَان بْشِ مَ عٍ بَبَ يَشُبَ يِرٍ. 26 عٍ نَشَ عَ قَلَ عَ بّ، «يُسُقُ مُ قَشَشِ! عَ تَن نَن مِسِرَ بْشِ بِرِن يَمَرِ مَ!» يَشُبَ تٌ نَ مّ، عَ مُ نْ لَدٍ نَ رَ. 27 كْنْ عٍ تٌ يُسُقُ شَ مَسٍنيِ بِرِن دّنتّفّ عَ بّ، عَ يَ قَن نَشَ فِسٍيٍ تٌ يُسُقُ نَشٍيٍ رَ سَنبَشِ عَ شَنِنقٍ رَ، يَشُبَ نَشَ سّيوَ. 28 عِسِرَيِلَ نَشَ عَ قَلَ، «ﭑ بَرَ حّلّشِن، ﭑ مَ دِ يُسُقُ مَن نَ حّنفِقٍ. بٍينُن ﭑ شَ قَشَ، ﭑ قَمَ نّ عَ تٌدٍ.»