1 «شَ مِشِ وَ مَ شُرُ سٍ شُنفبٍ بَقٍ شَنُنتٍيَ سّرّشّ رَ ﭑ تَن عَلَتَلَ بّ، شُرُ سٍ شّمّمَ، شَ نَ مُ عَ رَ فِنّمَ، عَ شَ قِندِ شُرُ سٍ رَ لَنيُرُ يٌ مُ نَ نَشَن مَ. 2 عَ شَ عَ بّلّشّ سَ نَ شُرُ سٍ شُن تَفِ ﭑ تَن عَلَ شَ هْرْ مْلِنفِرَ سٌدٍ دّ رَ، عَ عَ كْن نَشَبَ. هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ. 3 شَنُنتٍيَ سّرّشّ كُي، عَ لَنمَ تُرٍ نَشَن نَ قُرِنفّ سّيتِ مَ، عَ شَ فَن تّ عِ ﭑ تَن عَلَتَلَ يَ عِ، 4 عَ نُن عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ. 5 هَرُنَ شَ دِيٍ شَ نَ بِرِن فَن سّرّشّ فَن دَاشِ شُن مَ، نَشَن نَ فَنقٍ سّرّشّبَدٍ قَرِ. عَ شَ قِندِ سٍ شِرِ حْشُنمّ رَ ﭑ تَن عَلَتَلَ بّ.»

6 «شَ مِشِ وَ مَ شُرُ سٍ لَنمَ بَقٍ شَنُنتٍيَ سّرّشّ رَ ﭑ تَن عَلَتَلَ بّ، شُرُ سٍ شّمّمَ، شَ نَ مُ عَ رَ فِنّمَ، عَ شَ قِندِ شُرُ سٍ رَ لَنيُرُ يٌ مُ نَ نَشَن مَ. 7 شَ مِشِ وَ مَ يّشّي بَقٍ سّرّشّ رَ، عَ شَ نَ مَسٍن ﭑ تَن عَلَتَلَ بّ. 8 عَ شَ عَ بّلّشّ سَ عَ شُن تَفِ، عَ قَ عَ كْن نَشَبَ ﭑ تَن عَلَ شَ هْرْ مْلِنفِرَ سٌدٍ دّ رَ. هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ. 9 يِ شَنُنتٍيَ سّرّشّ كُي، عَ لَنمَ عَ تُرٍ، عَ شُلِ، تُرٍ نَشَن نَ قُرِنفّ سّيتِ مَ، 10 عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ، نَ بِرِن شَ فَن تّ عِ ﭑ تَن عَلَتَلَ يَ عِ. 11 سّرّشّدُبّ شَ نَ فَن سّرّشّبَدٍ قَرِ. تّ شَ نَ بِرِن فَن. نَ بَرَ قِندِ سّرّشّ فَن دَاشِ رَ ﭑ تَن عَلَتَلَ بّ.»

12 «شَ مِشِ وَ مَ سِ بَقٍ سّرّشّ رَ، عَ شَ نَ مَسٍن ﭑ تَن عَلَتَلَ بّ. 13 عَ شَ عَ بّلّشّ سَ عَ شُن تَفِ، عَ قَ عَ كْن نَشَبَ ﭑ تَن عَلَ شَ هْرْ مْلِنفِرَ سٌدٍ دّ رَ، هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ. 14 يِ شَنُنتٍيَ سّرّشّ كُي، عَ لَنمَ عَ تُرٍ نَشَن نَ قُرِنفّ سّيتِ مَ، 15 عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ، نَ بِرِن شَ فَن تّ عِ ﭑ تَن عَلَتَلَ يَ عِ. 16 سّرّشّدُبّ شَ نَ فَن سّرّشّبَدٍ قَرِ. تّ شَ نَ بِرِن فَن. نَ بَرَ قِندِ سّرّشّ فَن دَاشِ رَ ﭑ تَن عَلَتَلَ بّ نَشَن شِرِ رَقَن ﭑ مَ.»

17 «مِشِ يٌ نَشَ سُبٍ تُرٍ دٌن، مِشِ يٌ نَشَ سُبٍ وُلِ مِن. وٌ سَبَتِ دّدّ، نَ بَرَ قِندِ يَامَرِ رَ نَشَن مُ كَنَمَ عَبَدَن.»