1 عَلَتَلَ نَشَ عَ مَسٍن مُنسَ بّ، 2 «عَ قَلَ عِسِرَيِلَكَيٍ بّ، شَ شّمّ ندٍ، شَ نَ مُ فِنّ ندٍ سَ لَايِدِ تٌنفٌ عَلَتَلَ بّ، عَ شَ لُ عَ سَفٌ، نَ نَن نَ كِ عَ شَ قِندِ نَسَرِ رَ، 3 نَ كَنيِ مُ لَن عَ شَ وّنِ نُن بٍيرٍ مِن. عَ نَشَ سٍسٍ مِن نَشَن كٍلِشِ وّنِ بٌفِ مَ، شَ نَ مُ بٍيرٍ مَ. عَ نَشَ وّنِ بٌفِ بُندَ دٌن، عَ نَشَ عَ شَرٍ دٌن. 4 عَ تّمُي نَشَن بِرِن نَبَمَ عَ شَ نَسَرِيَ كُي، عَ نَشَ سٍسٍ دٌن نَشَن كٍلِ وّنِ بِلِ مَ، كٍلِ عَ بٌفِ مَ عَ سَ دْشْ عَ شْرِ رَ.»

5 «عَ شَ نَسَرِيَ كُي، عَ مُ لَنمَ عَ شُنيِ شَ بِ. عَ شَ لُ سّنِيّنيِ كُي، عَ شُنسّشّ شَ نُ كُيَ رَ تُن. 6 نَ وَشَتِ بُن مَ، عَ مُ لَن عَ شَ عَ مَسٌ قُرٍ رَ، 7 هَلِ عَ قِندِ عَ بَبَ رَ، عَ نفَ، عَ تَارَ، شَ نَ مُ عَ رَ عَ شُنيَ قُرٍ رَ. عَ نَ عَلَتَلَ نَن سَفٌ تُن، عَلْ عَ شُنسّشّ كّحَ عَ مَسٍنشِ كِ نَشّ. 8 عَ تّمُي نَشَن بِرِن نَبَمَ عَ شَ نَسَرِيَ كُي، عَ لُمَ سّنِيّنيِ نَن كُي عَلَتَلَ بّ.»

9 «شَ مِشِ ندٍ سَ قَشَ عَ قّ مَ عَ تّرّننَ كِ مَ، عَ شُنسّشّ بَرَ قِندِ سٍ سّنِيّنتَرٍ رَ. نَ تّمُي عَ شَ سّنِيّن لْشُن كٍرٍن بُن مَ، عَ مَن قَ عَ شُنيِ بِ نَ شِ سٌلٌقٍرٍ لْشْي. 10 عَ شِ سٌلٌمَسَشَن لْشْي، عَ قٌفٌتَرَ قِرِن نَن شَنِنمَ سّرّشّدُبّ شْن مَ هْرْ مْلِنفِرَ سٌدٍ دّ رَ، شَ نَ مُ فَنبّ قِرِن. 11 سّرّشّدُبّ شْنِ كٍرٍن نَن بَمَ يُنُبِ شَقَرِ سّرّشّ رَ، بٌورٍ قِندِ مَ عَ فَن دَاشِ نَن نَ، عَلَكٌ عَ شَ يُنُبِ شَ شَقَرِ، بَرِ مَ عَ دِنقٍ قُرٍ رَ، نَ قِندِ مَ يُنُبِ نَن نَ. نَ لْشْي عَ مَن شَ عَ شُنيِ رَ سّنِيّن. 12 عَ نَ فّ نَ رَ، عَ مَن شَ فبِلٍن عَ شَ لَايِدِ مَ. قٌ عَ شَ يّشّي كٍرٍن بَ يّتّ رَفبِلٍن سّرّشّ رَ، نَشَن حّ كٍرٍن عَ رَ عَ شَ يُنُبِ شَقَرِقٍ رَ. لْشْي نَشٍيٍ بَرَ دَنفِ، نٍيٍ مُ كْنتِمَ سْنْن، بَرِ مَ عَ نُ بَرَ سّنِيّنتَرٍحَ سْتْ.»

13 «مِشِ نَ فّ نَسَرِيَ رَبَدٍ، عَ شَ بِرَ يِ سّرِيّ نَن قْشْ رَ. عَ شَ سِفَ هْرْ مْلِنفِرَ سٌدٍ دّ رَ، 14 عَ شَ سّرّشّ فَن دَاشِ بَ عَلَتَلَ بّ، يّشّي نَشَن بَرَ حّ كٍرٍن سْتْ، لَنيُرُ يٌ مُ نَ نَشَن مَ. عَ شَ يُنُبِ شَقَرِ سّرّشّ قَن بَ، يّشّي فِنّ نَشَن بَرَ حّ كٍرٍن سْتْ، لَنيُرُ يٌ مُ نَ نَشَن مَ. عَ شَ شَنُنتٍيَ سّرّشّ بَ، يّشّي كٌنتٌنيِ، لَنيُرُ يٌ مُ نَ نَشَن مَ. 15 عَ شَ سّرّشّ ندٍيٍ سَ نَ قَرِ، عَلْ سَنسِ شْرِ دِنشِ سّرّشّ، وّنِ سّرّشّ، تَامِ لّبِنِتَرٍ، لّكِ يَءِلَنشِ تُرٍ رَ، نُن لّكِ تُرٍ مَسٌشِ نَشٍيٍ مَ. 16 سّرّشّدُبّ نَ سّرّشّ سٍيٍ نَن دّنتّفّمَ عَلَتَلَ بّ، عَ قَ يُنُبِ شَقَرِ سّرّشّ بَ، عَ نُن سّرّشّ فَن دَاشِ. 17 عَ شَ نَ تَامِ لّبِنِتَرٍ مَسٍن عَلَتَلَ بّ، عَ شَ نَ يّشّي كٌنتٌنيِ بَ شَنُنتٍيَ سّرّشّ رَ، عَ شَ سَنسِ شْرِ دِنشِ سّرّشّ نُن وّنِ سّرّشّ سَ نَ قَرِ.»

18 «نَ تّمُي نَسَرِ شَ عَ شُنسّشّ بِ هْرْ مْلِنفِرَ سٌدٍ دّ رَ، عَ نَشَن قِشِ عَلَتَلَ مَ. عَ شَ نَ رَ سٌ تّ شْورَ شَنُنتٍيَ سّرّشّ نَ بَقٍ دّننَشّ. 19 نَسَرِ نَ فّ عَ شُنسّشّ بِدٍ، سّرّشّدُبّ يّشّي كٌنتٌنيِ بّلّشّ فَنشِ كٍرٍن نَن تٌنفٌمَ عَ بّلّشّ رَ، عَ نُن لّكِ لّبِنِتَرٍ قِرِن نَشٍيٍ نَ دٍبٍ كُي. 20 عَ شَ عٍ دّنتّفّ عَلَتَلَ بّ عٍ لِنتَنقٍ رَ. نَ قِندِ دٌنسٍ سّنِيّنشِ نَن نَ سّرّشّدُبّ بّ، عَ نُن نَ يّشّي فَنيَنيِ نُن عَ تَبٍ. نَ دَنفِ شَنبِ، نَسَرِ نْمَ وّنِ مِندٍ سْنْن. 21 نَسَرِ سّرِيّ نَن نَ كِ. عَ لَنمَ عَ شَ نَ سّرّشّيٍ بَ عَلَتَلَ بّ عَلْ عَ حَنِفٍشِ كِ نَشّ، عَ نُن سٍ فبّتّيٍ عَ نْمَ نَشَن نَ. قٌ عَ شَ عَ شَ نَسَرِ لَايِدِ رَكَمَلِ عَ سّرِيّ كِ مَ.»

22 عَلَتَلَ نَشَ عَ مَسٍن مُنسَ بّ، 23 «عَ قَلَ هَرُنَ نُن عَ شَ دِيٍ بّ، عٍ شَ دُبَ عِسِرَيِلَكَيٍ بّ يِ كِ نّ؛