1 ﭑ مَ دِ، شَ عِ ﭑ مَ مَسٍنيِيٍ سُشُ،

شَ عِ ﭑ مَ سّرِيّ رَبَتُ،

2 شَ عِ عِ تُلِ مَتِ لْننِ رَ، شَ نْندِ رَقَن عِ بْحّ مَ،

3 شَ عِ شَشِلِ قَنيِ قٍن، شَ عِ نْندِ مَشِلِ،

4 شَ عِ عَ قٍن عَلْ فبٍتِ، شَ عِ عَ قٍن عَ قَنيِ رَ

عَلْ بَننَيَ قٍنمَ كِ نَشّ،

5 نَ كُي، عِ عَلَتَلَ شَ يَرَفَاشُي كٌلٌنمَ نّ،

عِ عَلَ شَ قٍ قَهَامُمَ نّ،

6 بَرِ مَ عَلَتَلَ نَن لْننِ قِمَ،

شَشِلِ قَنيِ نُن نْندِ مِنِمَ عَ كّرّ عِ.

7 عَ قٍ قَنيِ فبٍفبٍ رَفَتَمَ تِنشِنتْييٍ بّ.

عَ نْندِ قَلّ مَكَنتَمَ.

8 عَ مِشِ تِنشِنشِ مَكَنتَمَ،

عَ عَ شَنُنتٍنيِيٍ رَتَنفَمَ كِرَ شْن مَ.

9 نَ كُي، عِ نْندِ نُن تِنشِنيِ كٌلٌنمَ نّ،

كِرَ تِنشِنشِ نَشٍيٍ مِشِ تِمَ قٍ قَنيِ مَ.

10 لْننِ قَمَ عِ بْحّ نَن مَ،

قٍ كٌلٌنيِ حْشُنمَ عِ بّ،

11 شَشِلِ قَنيِ عِ رَتَنفَمَ،

نْندِ عِ مَكَنتَمَ،

12 عَ عِ رَتَنفَمَ كِرَ حَاشِ مَ،

عَ عِ رَتَنفَمَ وْيّن كٌبِ قَلّ مَ،

13 نَشٍيٍ فبِلٍنمَ تِنشِنيِ كِرَ قْشْ رَ،

نَشٍيٍ حّرّ مَ دِ مِ كُي،

14 قٍ حَاشِ رَقَنشِ نَشٍيٍ مَ،

نَشٍيٍ حّلّشِنشِ كٌبِحَ رَ،

15 نَشٍيٍ شَ كِرَ مُ تِنشِن،

نَشٍيٍ حّرّ كِ مُ قَن.

16 لْننِ عِ رَتَنفَمَ نّ فِنّ حَاشِ مَ،

لَنفٌي فِنّ شَ دّ عِحْشُنيِ مَ،

17 نَشَن عَ شَ شّمّ سِنفٍ قِنسِرِوَلِمَ،

نَشَن نّيمُمَ عَ مَرِفِ عَلَ شَ سَاتّ مَ.

18 عَ شَ وَلِ كٌبِ عَ رَبِرَ مَ نّ،

عَ حّرّ كِ عَ شَنِن عَلِفِيَمَ.

19 مِشِ نَشٍيٍ بِرَ مَ عَ قْشْ رَ،

عٍ مُ فبِلٍنمَ سْنْن، عٍ مُ كِسِ سْتْمَ.

20 عَ لَنمَ عِ شَ عِ حّرّ مِشِ قَنيِيٍ نَن مَ كِرَ رَ،

عِ شَ تِنشِنتْييٍ شَ كِرَ سُشُ.

21 مِشِ تِنشِنشِيٍ لُمَ نّ يِ بْشِ مَ،

مِشِ هَفِفّيٍ مُ كٍلِمَ بٍ،

22 كْنْ مِشِ حَاشِيٍ تَن حْنمَ نّ يِ بْشِ مَ،

تِنشِنتَرٍيٍ كٍرِ مَ نّ.