அதின் ஏழு தூண்களையும் செதுக்கி அமைத்திருக்கிறது.

அது தனது பந்தியையும் ஆயத்தப்படுத்தியிருக்கிறது.

பட்டணத்தில் உயரமான இடங்களில் நின்று இப்படி அழைத்தது,

4 “அறிவற்றவர்களே நீங்கள் எல்லோரும் இங்கே வாருங்கள்!”

5 “வாருங்கள், எனது உணவைச் சாப்பிட்டு

நான் கலந்த திராட்சை இரசத்தையும் குடியுங்கள்.

மெய்யறிவின் வழியில் நடங்கள்.”

கொடியவர்களைக் கடிந்துகொள்கிறவர்கள் பழிச்சொல்லுக்கு ஆளாகிறார்கள்.

ஞானமுள்ளவர்களைக் கடிந்துகொள், அவர்கள் உன்னை நேசிப்பார்கள்.

நீதிமான்களுக்குக் கற்றுக்கொடு, அவர்கள் அறிவில் இன்னும் வளருவார்கள்.

பரிசுத்தரைப் பற்றிய அறிவே புரிந்துகொள்ளுதல்.

உன் ஆயுளுடன் பல வருடங்கள் கூட்டப்படும்.

நீ ஏளனம் செய்பவனாய் இருந்தால், தனிமையாகவே துன்பத்தை அனுபவிப்பாய்.

அவள் அறிவற்றவளாயும் ஒன்றும் அறியாதவளுமாய் இருக்கிறாள்.

பட்டணத்தின் உயர்ந்த இடத்திலுள்ள இருக்கையில் உட்கார்ந்திருக்கிறாள்.

நேராய் செல்பவர்களைக் கூப்பிட்டு,

16 “அறிவற்றவர்களே, நீங்கள் எல்லோரும் இங்கே வாருங்கள்!”

17 “திருட்டுத்தண்ணீர் இனிமையானது;

இரகசியமாகச் சாப்பிடும் உணவு சுவையானது!”

அவளின் விருந்தாளிகள் பாதாளத்தின் ஆழங்களில் இருக்கிறார்கள் என்றும் அவர்கள் அறியாதிருக்கிறார்கள்.