1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་རྒྱུན་ནས་རྒྱུན༌དུ་འམ། །ནམ་ཞིག་བར་དུ་ང་ནི་བརྗེད་པར༌བྱ། །ཁྱེད་ཀྱིས་ཉིད་ཀྱི་ཞལ་ངོ་བཀབ་ནས༌ནི། །ང་ལ་མི་གཟིགས་ག་དུས་བར་དུ༌གནས།། 2 བདག་སེམས་འཁྲུགས་ཤིང་ཉི་མ་རེ་རེ༌བཞིན། །ཡིད་སེམས་སྐྱོ་ནས་ནམ་དུས་བར་དུ༌གནས། །དགྲ་བོ་བདག་ལས་རྒྱལ་ནས་ག་དུས༌བར།། 3 སྟུག་པོ་གཉིད་དང་བཅས་ཏེ་མི་འཆི༌ཕྱིར། །ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །བདག་ལ་གཟིགས་ཤིང་བཀའ་ལན་གནང་བར༌མཛོད། །བདག་གི་མིག་ཟུང་གསལ་པོར་མཛད་དུ༌གསོལ།། 4 དེ་མིན་ང་ཡི་དགྲ་བོས་འདི་ལྟར༌དུ། །བདག་ནི་ཁོ་ལས་རྣམ་པར་རྒྱལ་སོང༌ཟེར། །ང་རང་འགྱེལ་དུས་དགྲ་རྣམས་སྤྲོ་བར༌འགྱུར།། 5 འོན་ཀྱང་བདག་ནི་ཁྱེད་ཀྱི་བྱམས་བརྩེར༌བརྟེན། །ཁྱེད་ཀྱི་ཐར་པའི་དབང་གིས་ངའི་སེམས༌སྤྲོ།། 6 ཡ་ཝཱེས་ང་རང་དྲིན་གྱིས་བསྐྱངས་པས༌ན། །བདག་གིས་ཁོང་ལ་བསྟོད་པའི་མགུར་མ༌ལེན།།