1 སྤུན་ཟླ༌རྣམས། དེ་ལྟར་ཡིན་པས། ངས་དཀོན་མཆོག་གི་ཐུགས་རྗེ་ལ་བརྟེན་ནས་ཁྱོད་རྣམས་ལ་བསྐུལ་བར་བྱ༌སྟེ། ཁྱོད་ཅག་གིས་རང་གི་ལུས་པོ་ནི་གསོན་མཆོད་དུ་ཕུལ༌ཞིག དེ་ནི་དམ་པ་ཡིན་ཞིང་དཀོན་མཆོག་ཐུགས་མཉེས༌པ་དང་། ཁྱོད་ཅག་གི་སེམས་ཉིད་ཀྱི་བསྙེན་བཀུར་ཡིན་ནོ།། 2 དཀོན་མཆོག་གི་ཐུགས་དགོངས་བཟང་པོ༌དང༌། ཡིད་དུ་འོང༌བ། ཕུན་སུམ་ཚོགས་པ་བཅས་རྟོགས་པའི༌ཕྱིར། འཇིག་རྟེན་འདིའི་ལུགས་བཞིན་མི་བྱེད་པར། སེམས་གསར་པར་བསྒྱུར་པ་ལ་བརྟེན་ནས་གཤིས་སྤྱོད་ཀྱང་སྒྱུར་ཅིག 3 ངས་རང་ཉིད་ལ་གནང་བའི་ཐུགས་རྗེར་བརྟེན་ནས་ཁྱོད་ཅག་མི་རེ་རེར་འདི་ལྟར་སྨྲ་བར་བྱ༌སྟེ། མི་སུས་ཀྱང་རང་ཉིད་ཇི་འདྲ་ཡིན་པར་བསམ་འོས་པ་ལས་མཐོ་བར་མི་བསམ་པར། དཀོན་མཆོག་གིས་མི་རེ་རེར་གནང་བའི་དད་པའི་ཆེ་ཆུང་བཞིན་ཚད་དང་མཐུན་པར་བསམ་དགོས་སོ།། 4 དཔེར༌ན། བདག་ཅག་གི་ལུས་པོ་གཅིག་ལ་ཡན་ལག་མང་པོ་ཡོད་པ༌དང༌། ཡན་ལག་ཐམས་ཅད་ཀྱི་བྱེད་ནུས་མི་མཚུངས་པ་བཞིན། 5 བདག་ཅག་མི་མང་པོ་ནི་སྐྱབས་མགོན་མཱ་ཤི་ཀའི་ནང་དུ་སྐུ་ལུས་གཅིག་ཡིན་ཞིང་ཡན་ལག་ཕན་ཚུན་ལ་འབྲེལ༌བ་ཡིན་ནོ།། 6 བདག་ཅག་མི་རེ་རེར་ཐུགས་རྗེ་གནང་བ་བཞིན་དུ་གནང་སྦྱིན་ཡང་མི་འདྲ༌སྟེ། ལུང་སྟོན་པས་དད་པ་བཞིན་ལུང་བསྟན་གནང་བ༌དང༌། 7 ཞབས་ཕྱི་པས་ཞབས་ཕྱི་བྱེད་པ༌དང༌། སློབ་སྟོན་པས་བསླབ་བྱ་གནང་བ༌དང༌། 8 སྐུལ་མ་གནང་མཁན་གྱིས་སྐུལ་བར་བྱེད་པ༌དང༌། སྦྱིན་པ་གཏོང་མཁན་གྱིས་ལྷག་བསམ་རྣམ་དག་གིས་སྦྱིན་པ་གཏོང་བ༌དང༌། འགོ་དཔོན་གྱིས་ཧུར་བརྩོན་བྱེད་པ༌དང༌། སྙིང་རྗེ་བྱེད་མཁན་གྱིས་དགའ་མགུའི་ངང་ནས་སྙིང་རྗེ་བྱེད་དགོས་པ་བཅས༌སོ།།

9 བྱམས་པ་ནི་བཅོས་མ་ཡིན་མི་རུང༌ལ། ངན་པར་ཞེ་མེར་ཞིང་བཟང་པོར་ཉེ་འབྲེལ་བྱེད་དགོས་སོ།། 10 སྤུན་ཟླའི་གཅེས་སེམས་ཀྱིས་ཕན་ཚུན་ལ་སྙིང་ཉེ་བ་དང་། མི་གཞན་ལ་བཀུར་ཏེ་ཕན་ཚུན་ལ་བག་ཡོད་པར་བྱ་དགོས་སོ།། 11 སྒྱིད་ལུག་མི་བྱེད་པར་ཡིད་སེམས་སྤྲོ་བའི་ངང་ནས་རྟག་ཏུ་གཙོ་བོ་ལ་བསྙེན་བཀུར་བྱེད་དགོས། 12 རེ་སྒུག་གི་ཁྲོད་ནས་དགའ་བ་དང་དཀའ་སྡུག་གི་ཁྲོད་དུ་བཟོད་བསྲན་ཡོད་པ༌དང༌། གསོལ་བ་འདེབས་པར་བརྩོན་འགྲུས་ཡོད་དགོས། 13 དད་ལྡན་དམ་པ་རྣམས་ཀྱི་དགོས་མཁོ་སྐོང་ཞིང་མགྲོན་ལ་སྣེ་ལེན་བྱེད་པར་བརྩོན་དགོས༌སོ།།

14 ཁྱོད་ཅག་ལ་བཙན་གནོན་བྱེད་མཁན་དག་གི་ཆེད་དུ་བྱིན་རླབས་ཞུས་ཤིག་དང་། བྱིན་རླབས་ཞུ་བ་ཁོ་ན་ལས་སྡིགས་དམོད་མ་བྱེད༌ཅིག 15 སེམས་སྤྲོ་བ་རྣམས་དང་མཉམ་དུ་སྤྲོ་བར་བྱེད༌ཅིང༌། ཡིད་སྐྱོ་ནས་ངུ་བ་རྣམས་དང་མཉམ་དུ་ངུ་བར༌བྱའོ།། 16 ཕན་ཚུན་བློ་སེམས་གཅིག་ཏུ་མཐུན་ཞིང་ང་རྒྱལ་མི་བྱེད་པར། གོ་གནས་དམའ་བའི་མི་ལ་བསྟུན་དགོས་པ༌ལས། རང་ཉིད་གྲུང་པོ་ཡིན་པར་མ་སེམས༌ཤིག 17 ངན་ལན་ངན་འཇལ་མ་བྱེད༌ཅིག མི་ཀུན་གྱིས་ལེགས་པར་སྙམ་པའི་དོན་དེ་གཟབ་གཟབ་ཀྱིས་བསྒྲུབ་དགོས། 18 གལ༌ཏེ། རང་གིས་བསྒྲུབ་ནུས་པ་ཡིན་ན། གང་ནུས་ཅི་ཐུབ་ཀྱིས་མི་ཐམས་ཅད་ལ་འགྲིག་མཐུན་ཡོང་བར་བྱ༌དགོས། 19 སྙིང་ཉེ་བའི་སྤུན་ཟླ༌རྣམས། ཁྱོད་ཅག་གིས་གནོད་ལན་གནོད་འཇལ་མི་བྱེད་པར། བཟོད་པ་བསྒོམས་ནས་དཀོན་མཆོག་གི་ཐུགས་ཁྲོ་བའི་བར་དུ་སྒུགས་ཤིག ཅིའི་ཕྱིར་ཞེ་ན། གསུང་རབ་ཀྱི་མདོ༌ལས། གཙོ་བོས་འདི་སྐད༌དུ། གནོད་ལན་གནོད་འཇལ་ནི་བདག་ལ་རག་ལས་ཤིང་ངས་ལན་འཇལ་ངེས་ཡིན་ཞེས་གསུངས་པ་བཀོད་ཡོད་པའི་ཕྱིར༌རོ།། 20 དེ་ལས་ལྡོག་སྟེ་ཇི་སྐད༌དུ།

21 ཁྱོད་ནི་ངན་པས་ཕམ་དུ་མི་འཇུག་པར། ལས་བཟང་པོར་བརྟེན་ནས་ངན་པ་ལས་རྒྱལ་བར༌བྱའོ།།