Ğu zı mısacar g'alerçes deş
Davudna düə
1 Allah, zı havace,
Zı dyugulexhen ciga Vasnee vod.
2 Zı Rəbbik'le uvhuyn: «Yizda Xudaavanda Ğu vorna.
Vale ğayrı zaqa xoşbaxtiyvalla deşda».
3 Ç'iyene aq'valin Rəbbina yəq avquyn insanar nimeecab yugunbıyiy!
Saccu manbışe zı şad ha'a!
4 Menne allahaaşiqab qihna əlyhəənbışde
hasre vuk'lelqa geed yiğbı allecen.
Zı mane allahaaşinemee q'urbanna eb k'yaa'as deş,
Manbışin dobı ghalyaqa alyaat'as deş.
5 Rəbb, zas ıkkanna saccu Ğu vorna,
Yizda ı'mı'r nəxübiy ı'lğəə Vake vod.
6 İnekke yugun cigabı Ğu zas huvu,
Hək'ebab, zalqa gipxhına pay uftanna vuxha!
7 Zas yəq haagvana Rəbb zı axtı qa'as,
Xəmdeb zı fıkır ooxhan,
nəxübna Ğu eyhəxüb ı'mı'r haa'as.
8 Rəbb yizde k'ane ıxhay, zı mısacad yik'el hixan ha'a deş,
Zı mançil-allar mısacar qaçaxaras deş.
9 Zı yik'eençe şadexhe vor,
Zi şadvalin xəybışeena xhinne ilexa vor,
Zasse qı'dərq'ı'n manzil haa'as vəəxə.
10 Ğu zı ahalee g'alerçes deş,
Ğu ıkkanna Ğu nyuq'vnee qı'çes hassaras deş.
11 Ğu zak'le ı'mı'r hoolena yəq haagu,
Yiğne k'ane zı geer şadra vor,
Yiğne xılen hammaşe zas yugun hele.