1 Arumgimis bu’thki mom piti e mo ma tul ’kup̱ jin ta jim piti mo,

eya ris bwaman gi ’kwani ma hakuumam piti a’di ki kar mo jin dwallu gwo jin toru gwo ’twa/a ’cesh mo.

2 /E mini daḵ gwo dwall ki shi/ shi/ kakasja mo

dhali ṯor mo ma gwar ’de/ gom uni gun ta thus ki thus mo?

3 C̱iyi mii ma ḵar/e ki uni gun ’ka’da is mo dhali uni gun daran gi icom mo.

Hali mo ma ḵar/e gom uni gun dorkunuwa du mo dhali gom uni kun mini mii ta gi to mo.

4 ’Cwamu/ uni gun ’ka’da is mo dhali uni kun mini mii ta gi to mo.

’Cuḵi uni mo ’peni me’d gi uni gun ta thus ki thus mo.

5 Uni mish toŋ kamu/ nyiṯẖ yisa walla gwoŋ kamu/ misha uni ’bana?

Uni iikin e mondhurumi’d mo.

Aris mo gun ḵa’bu mony’cesh mo tani uni yiḵinki is mo.

6 Aha/ ona gwo mo ki: Um a’di itana hakuuma mo,

dhali um ta iya/ gi a’di jin Caa e ki Ca mo, aris umi ’baar mo.

7 Bahili um ’baar mo mini wu mo me’d ’kwani mo

dhali ṯa’k ’ko’da ’cesh me’d iya/ ma maliḵ mo.

8 Cuyi mis mo, ayy Arumgimis, dhali dwalli mony’cesh gwo mo

haala ris kal gi ’kwaniny’ceshi ’baar mo tani ta kum pini mo be.