10
Nadab bilǝn Abiⱨu wǝ «ƣǝyriy ot»
1 Ⱨarunning oƣulliri Nadab bilǝn Abiⱨu ikkisi ɵz huxbuydenini elip uningƣa ot yeⱪip üstigǝ huxbuyni selip, Pǝrwǝrdigar ularƣa buyrup baⱪmiƣan ƣǝyriy bir otni Pǝrwǝrdigarƣa sundi; □ «ƣǝyriy ot» — Nadab wǝ Abiⱨu bǝlkim (1) huxbuy puritixta qoƣni bǝlkim ⱪurbangaⱨtin baxⱪa bir yǝrdin alƣan; (2) ular sunidiƣan huxbuyni toƣra arilaxturmiƣan («Mis.» 30:9ni kɵrüng); (3) ular huxbuy sunƣanda Pǝrwǝrdigarning ibadǝthanisiƣa munasiwǝtlik ǝmrlǝrning birǝrsigǝ hilapliⱪ ⱪilƣan bolsa kerǝk. 2 xuning bilǝn Pǝrwǝrdigarning aldidin ot qiⱪip ularni yǝwǝtti; xuan ular Pǝrwǝrdigarning aldida ɵldi.■ Qɵl. 3:4; 26:61; 1Tar. 24:2
3 Musa Ⱨarunƣa: — Mana, bu Pǝrwǝrdigarning: «Mǝn Manga yeⱪin kǝlgǝn adǝmlǝrdǝ Ɵzümning muⱪǝddǝs ikǝnlikimni kɵrsitimǝn wǝ barliⱪ hǝlⱪning aldida uluƣlinimǝn» degǝn sɵzining ɵzidur, dedi. Xuni dewidi, Ⱨarun jim turup ⱪaldi.■ Law. 8:35
4 Musa Ⱨarunning taƣisi Uzziǝlning oƣulliri bolƣan Mixaǝl bilǝn Əlzafanni qaⱪirip ularƣa: — Silǝr yeⱪin kelip ɵz ⱪerindaxliringlarni muⱪǝddǝs jayning aldidin kɵtürüp, qedirgaⱨning taxⱪiriƣa elip qiⱪinglar» — dedi.
5 Xuning bilǝn ular yeⱪin kelip, ularni kiyiklik kɵnglǝkliri bilǝn kɵtürüp Musaning buyruƣinidǝk qedirgaⱨning taxⱪiriƣa elip qiⱪti.
6 Musa Ⱨarun wǝ oƣulliri Əliazar bilǝn Itamarƣa: — Silǝr baxliringlarni oquⱪ ⱪoymanglar, kiyimliringlarni yirtmanglar; bolmisa ɵzünglar ɵlüp, pütkül jamaǝtkǝ ƣǝzǝp kǝltürisilǝr; lekin ⱪerindaxliringlar bolƣan pütkül Israil jǝmǝti Pǝrwǝrdigar yaⱪⱪan ot tüpǝylidin matǝm tutup yiƣlisun. 7 Əmma silǝr bolsanglar Pǝrwǝrdigarning Mǝsiⱨlǝx meyi üstünglarƣa sürülgǝn bolƣaqⱪa, jamaǝt qedirining taxⱪiriƣa qiⱪmanglar; bolmisa ɵlisilǝr, dedi.
Xuni dewidi, ular Musaning buyruƣinidǝk ⱪildi.■ Law. 21:12
Ⱨarun wǝ ǝwladliriƣa tapilanƣan bǝlgilimilǝr
8 Pǝrwǝrdigar Ⱨarunƣa sɵz ⱪilip mundaⱪ dedi: — 9 «Sǝn ɵzüng wǝ oƣulliring xarab wǝ ya baxⱪa küqlük ⱨaraⱪlarni iqip, jamaǝt qediriƣa ⱨǝrgiz kirmǝnglar; bolmisa, ɵlüp ketisilǝr. Bu silǝr üqün dǝwrdin-dǝwrgǝ ǝbǝdiy bir bǝlgilimǝ bolidu. 10 Xundaⱪ ⱪilsanglar, muⱪǝddǝs bilǝn adǝttikini, pak bilǝn napakni pǝrⱪ etip ajritalaydiƣan bolisilǝr; 11 xundaⱪla Pǝrwǝrdigar Musaning wasitisi bilǝn Israillarƣa tapxurƣan ⱨǝmmǝ bǝlgilimilǝrni ularƣa ɵgitǝlǝysilǝr».
12 Musa Ⱨarun wǝ uning tirik ⱪalƣan oƣulliri Əliazar bilǝn Itamarƣa mundaⱪ dedi: — «Silǝr Pǝrwǝrdigarƣa atap otta sunulidiƣan ⱪurbanliⱪ-ⱨǝdiyǝlǝrdin exip ⱪalƣan axliⱪ ⱨǝdiyǝni elip uni ⱪurbangaⱨning yenida eqitⱪu arilaxturmiƣan ⱨalda yǝnglar; qünki u «ǝng muⱪǝddǝslǝrning biri» ⱨesablinidu. □ «otta sunulidiƣan ⱪurbanliⱪ-ⱨǝdiyǝlǝr» — «otta sunulidiƣan ⱪurbanliⱪ-ⱨǝdiyǝlǝr»din bǝzidǝ bir ⱪisimi ⱪaldurulup, kaⱨinƣa wǝ bǝzidǝ sunƣuqi kixining ɵzigimu yeyixkǝ berilidu. Ⱪalƣan ⱪismi kɵydürülidu, ǝlwǝttǝ. 13 Bu Pǝrwǝrdigarƣa atap otta sunulidiƣan nǝrsilǝrdin sening nesiwǝng wǝ oƣulliringning nesiwisi bolƣaqⱪa, uni muⱪǝddǝs jayda yeyixinglar kerǝk; qünki manga xundaⱪ buyrulƣandur. ■ Law. 2:3; 6:16 14 Uningdin baxⱪa pulanglatma ⱨǝdiyǝ ⱪilinƣan tɵx bilǝn kɵtürmǝ ⱨǝdiyǝ ⱪilinƣan arⱪa putni sǝn wǝ oƣul-ⱪizliring billǝ pak bir jayda yǝnglar; qünki bular sening nesiwǝng bilǝn oƣulliringning nesiwisi bolsun dǝp, Israillarning inaⱪliⱪ ⱪurbanliⱪliridin silǝrgǝ berilgǝn. 15 Ular kɵtürmǝ ⱨǝdiyǝ ⱪilinƣan arⱪa put bilǝn pulanglatma ⱨǝdiyǝ ⱪilinƣan tɵxni otta sunulidiƣan mayliri bilǝn ⱪoxup, Pǝrwǝrdigarning aldida pulanglatma ⱨǝdiyǝ süpitidǝ pulanglitix üqün kǝltürsun; Pǝrwǝrdigarning buyruƣini boyiqǝ bular sening wǝ oƣulliringning nesiwisi bolidu; bu ǝbǝdiy bir bǝlgilimǝ bolidu».
Gunaⱨ ⱪurbanliⱪining buzuluxi
16 Andin Musa gunaⱨ ⱪurbanliⱪi ⱪilidiƣan tekini izdiwidi, mana u alliⱪaqan kɵydürülüp bolƣanidi. Bu sǝwǝbtin u Ⱨarunning tirik ⱪalƣan ikki oƣli Əliazar bilǝn Itamarƣa aqqiⱪlinip: 17 — Nemixⱪa silǝr gunaⱨ ⱪurbanliⱪining gɵxini muⱪǝddǝs jayda yemidinglar? Qünki u «ǝng muⱪǝddǝslǝrning biri» ⱨesablinatti, Pǝrwǝrdigar silǝrni jamaǝtning gunaⱨini kɵtürüp ular üqün uning aldida kafarǝt kǝltürsun dǝp, xuni silǝrgǝ tǝⱪsim ⱪilƣanidi. 18 Mana, uning ⱪeni muⱪǝddǝs jayning iqigǝ kǝltürülmidi; silǝr ǝslidǝ mǝn buyruƣandǝk uni muⱪǝddǝs jayda yeyixinglar kerǝk idi, — dedi.□ «uning ⱪeni muⱪǝddǝs jayning iqigǝ kǝltürülmidi» — kaⱨinlar wǝ pütün hǝlⱪ jamaitining gunaⱨ ⱪurbanliⱪining ⱪeni muⱪǝddǝs jayning iqigǝ elip kirilidu; kaⱨinlar muxu hil ⱪurbanliⱪning gɵxini yeyixigǝ bolmaytti (4:1-21ni kɵrüng). ■ Law. 4:5; 6:26; 16:27
19 Lekin Ⱨarun Musaƣa: — Mana, bular bügün toƣra ix ⱪilip ɵzlirining gunaⱨ ⱪurbanliⱪi bilǝn kɵydürmǝ ⱪurbanliⱪini Pǝrwǝrdigarning aldida sundi; mening beximƣa xu ixlar kǝldi; ǝgǝr mǝn bügün gunaⱨ ⱪurbanliⱪining gɵxini yegǝn bolsam, Pǝrwǝrdigarning nǝziridǝ obdan bolattimu? — dedi.
20 Musa buni anglap jawabidin razi boldi.
□10:1 «ƣǝyriy ot» — Nadab wǝ Abiⱨu bǝlkim (1) huxbuy puritixta qoƣni bǝlkim ⱪurbangaⱨtin baxⱪa bir yǝrdin alƣan; (2) ular sunidiƣan huxbuyni toƣra arilaxturmiƣan («Mis.» 30:9ni kɵrüng); (3) ular huxbuy sunƣanda Pǝrwǝrdigarning ibadǝthanisiƣa munasiwǝtlik ǝmrlǝrning birǝrsigǝ hilapliⱪ ⱪilƣan bolsa kerǝk.
■10:2 Qɵl. 3:4; 26:61; 1Tar. 24:2
□10:12 «otta sunulidiƣan ⱪurbanliⱪ-ⱨǝdiyǝlǝr» — «otta sunulidiƣan ⱪurbanliⱪ-ⱨǝdiyǝlǝr»din bǝzidǝ bir ⱪisimi ⱪaldurulup, kaⱨinƣa wǝ bǝzidǝ sunƣuqi kixining ɵzigimu yeyixkǝ berilidu. Ⱪalƣan ⱪismi kɵydürülidu, ǝlwǝttǝ.
□10:18 «uning ⱪeni muⱪǝddǝs jayning iqigǝ kǝltürülmidi» — kaⱨinlar wǝ pütün hǝlⱪ jamaitining gunaⱨ ⱪurbanliⱪining ⱪeni muⱪǝddǝs jayning iqigǝ elip kirilidu; kaⱨinlar muxu hil ⱪurbanliⱪning gɵxini yeyixigǝ bolmaytti (4:1-21ni kɵrüng).