1  Jacob natunatuna ana awawai ma natunatui anatapui maiteni i ḡaira au Egypt. Taui wavai wenanare: 2  Reuben, Simeon, Levi, Judah; 3  Isakar, Zebulun ma Benjamin; 4  Dan, Naphtali, Gad ma Asher. 5  Jacob natunatuna ma ḡoḡoḡana nelarai, anatapui ai maḡa 70 i ḡaira, Joseph au Egypt maemaena maiteni i ʼavi.

6 Muriai Joseph ma varevareina ma nai kimtana i ʼraḡe-pai, 7  ✡ Act 7:17Wate ai epaepaia - mai Israel, i vinatuna guratana da dam ḡaeḡaena i vitupui ma Egypt anatapuna i vioai.

8  ✡ Act 7:18Madeḡa maḡamaḡaui au murina Pharaoh vouna i vibada au Egypt, ma Joseph ma aiwai i kauei eḡa ita aramanei. 9  Pharaoh ana rava i riwei, “Ona inana, mai Israel i maḡa guratana ma i virewapana kaua eḡa me tauta. 10  ✡ Act 7:19Tauta tana viogatara da menanare tana kauanei da ai vinatuna eḡa ina rata guratana. Ma mepa da wei eḡa tana kauei ma maranai ḡavia ina nei, ma taui ḡavia maiteni ina vitagogiei da ina viḡavieta, ma ina opu-tawaneta.”

11 Ma nola babadai i terei da mai Israel nolei i vunuvunui. Wei babadai mai Israel i egari da taon ḡaeḡaei ruaḡa i voai wavai Pithom ma Rameses, ma kampa Pharaoh ana lam ma purapura ḡelaui i vidamni. 12 Mai Egypt amapo da taui i rau-iviapoapoelei, wate mai Israel amapo da i vivinatuna ma ai dam i rarata au Egypt. Ma lamna aubaina mai Egypt mai Israel i rovoei. 13-14 Ma taui mai Israel i egari da nola vivitaina i kaukauei ma i vinuapoapoe. Ma brik i kaukauei ma doa i gwadai da brik anipasina, ma wapu nolai maiteni i kaukauei. Mai Egypt nolei mai Israel i vunuvunui ma eḡa ita rau-nuapoapoelei.

22  ✡ Act 7:19Pharaoh ana rava i riwei, “Maranai wavine Hebrewei tevera orotona i ḡuni, teverana au waira Nile ona tawanei. Wate maranai tevera wavinena i tupua, ona voterei da ina mae.”