7
Fare Mo’on
1 I gur re rugod ni dabiyag i yog fel’ngim!
Rifrifen em e rib gamog u lan e sandal.
Rogoni thir daken ayim
e bod e maruwel rok be’ nib salap ko dumow m’uw.
2 Totham e kalas ko wayin
ke sug be map nga but’.
Bay ba thum i wheat urom,
nib liyeg e giyab.
3 Thuthum e bod l’agruw i deer ni athlog.
Bod l’agruw i gazelles.
4 Blel’ugnem e bod ba wulyang ni ivory.
Ma lan owchem e bod yung i lipath u lan e binaw nu Heshbon,
nib chuchugur ko garog ko fare binaw nib gilbugwan.
Ma p’ethungum e rib fel’usun ni bod e wulyang nu Lebanon
nib suwon ni matnag nu Damascus.
5 Ba puw owchem ngalang ni bod e burey ni Karmel.
Piyan lolgem ni kan l’ang e be gal ra’en ni bod e bin th’abi fel e satin;
feni gamog e rayag ni kal nga adin ba pilung.
6 Ri gab gamog, ma rigab pidorang;
ma rib langob e felfelan’ ko adag rom.
7 Ri bfel’ i tay kenginam nge mithmith rom ni bod bake niw,
ma thuthum e ruw ngun i wom’ngin.
8 Bay gu wan u kenggin nga lang,
nggu t’ar wom’ngin.
Thuthum e bod l’agruw punug i grape u lanin’ug,
ma pogofan rom e bod bon e arfath,
9 ma langam e bod e bin th’abi fel’ e wayin.
Fare Pin
Ere mu pag e wayin nge map’ nib puluw ko en gamareg,
nge map’ nga daken dap’ilugun nge nguwalen.
10 Bmilfag ko en ni gamareg, ma beyim’ ni bochag.
11 Moy to’, nga darow nga wuru’ e binaw
ngad pirew reb e nep u lan e flang.
12 Bay da odgow nri kakadbul ngad yalyew e grape
ngad guyew ko ke chugur ni nge tugul,
fa kepuf e floras riy
nge pomegranate ko ke k’uf fa.
Mu rom e bay gu pi’ ngom riy e adag nge t’ufeg rog.
13 Rayag ni ngam faray bon e mandrake,
ma urngin e tin th’abi fel u wom’ngin e gek’iy e bayu taga’ mab rodow.
Fitilanin’ug, kug cha’riy ni fanam e tin kakrom e felfelan’ nge tin be’ech.
DRAFT VERSION — Proofreading in progress