54
Amɨn kɨnda da Piŋkop aŋpulugosak do bɨsit agɨt
Kap on kap yoŋ dakon kɨla amɨn do mandabi. Dewit dakon kap kɨnda. On kap do “Maskil” yaŋ yoŋ. Sip kokup dakon amɨn da kɨŋ “Dewit nin da binapmon pasɨlak da egɨsak” yaŋ Sol iyɨwit bɨsapmon Dewit da kap on mandagɨt. Kap on gita tɨdaŋek yogogɨ. 1SA 23.19; 26.1
1 Piŋkop mango wukwisi, do amɨn yokwi da kɨsiron baŋ pulugaŋ nepbi.
Tapmɨmgo madepsi do aŋpulugaŋbɨ tagɨsi egɨpbeŋ.
2 Piŋkop, nak dakon bɨsit nandaki.
Mɨrakgo yopmaŋek geno nandaki.
3 Nak dɨma nandaŋ yomɨsat amɨn da abɨŋ nɨtdaŋ.
Ematni yokwisi amɨn da nɨkba kɨmokgeŋ do abaŋ.
Uŋun amɨn da Piŋkop do yo ɨsalɨ yaŋ nandaŋ.
4 Mani Piŋkop uŋun paŋpulugokno.
Amɨn Tagɨ da tapmɨm namɨŋakwan sigɨn egɨsat.
5 Yo yokwi aŋnamaŋ uŋun iyɨkon noman toni.
Bɨsapmɨ bɨsapmɨ dɨma nepmaŋ dekdal, do uwalno dapbɨ pasɨl mudoni.
6 Yawe, naga dakon galaktok yolek paret gabeŋ.
Mango uŋun tagɨsi, do mango aŋkɨsikeŋ.
7 Aŋpulugaŋaki jɨgɨ morapno da dɨma abɨŋ nepgwit.
Dabɨl da pɨndagapbo gak da uwalno pabɨŋ yopgul.