^
2 CORINTIOS
Pab mque' ye's loo mèn co' nqueltàa loo cón che'n Diox le'n ciuda Corint.
Trè' ndlu' xá mod mxactìi Pab.
Trè' ndlu' chonon mblyen' Pab. Ne'ngagàde Pab ciuda Corint.
Pab ngue ta' cuent loo mèn teri'th tecan' mèn xquin no xtol xtàa mèn co' nac con' ye'rsin' co' ndli mèn loo xtàa mèn.
Imbe see teede lezo' Pab le'n ciuda Tro.
Pab ndyoodi's cón che'n mèn co' mbli gan ngro xà' loo cón che'n xab izlyo' par ngòc mèna che'npe' Crist.
Trè' ndlu' Pab le' di's ndac che'n Diox nac thìb conveñ cub.
Trè' ndlu' cón che'n cón nee di's ndxàp mèn yalxla's loo Crist no loo cón che'n Crist.
Di's ndac che'n Diox ndlu' yo nagàl lezo' mèn loo Diox no cue ban mèn rye nda mèn no rye ndye'th mèn loo Diox.
Pab ngue ta' cuent loo mèn le' na' co' ndxela's loo Diox por cón che'n Jesucrist, lìcque', nac na' templ co'te' nzo ban Diox, Diox co' thidtene naban.
Pab ngue lu' le' mèn ciuda Corint co' ndxela's loo Diox por cón che'n Jesucrist ngulàa yéc no ngulàa lezo' loo Diox no mzye' mod co' ngòp mèna loo Diox.
Pab ngue ta' cuent loo mèn ciuda Corint le' mèn yèezya' che'n làaz mèn macedon ngòc mèn co' ndoo xal' lezo' no mèn co' non carida co' nda' gòn dib nzo yéc mèn no dib nzo lezo' mèn.
Pab ngue ta' cuent cón che'n Tit con mèn co' mblyath no Tit.
Mèn yèezya' che'n làaz mèn macedon mdub tmi par mda' gòn mèna tmi loo mèn co' ndxàc hues xtàa mèna por cón che'n Jesucrist.
Pab ñibe' loo mèn co' nqueltàa loo cón che'n Diox por nac Pab mèn co' Diox mtel' loo mèn por cón che'n di's ndac.
Pab ndyoodi's cón che'n Pab no cón che'n mèn gutyè' co' mbez nde'th mèn gutyè'a cón che'n Crist.
Pab ngue ta' cuent cón che'n ryethe yaltìi co' mxactìi Pab por ndxe' Pab di's cón che'n Crist loo mèn huax lugar.
Diox mxo'f loo cón che'n Diox loo Pab no mblu' loo Diox cón che'n Diox loo Pab.
Trè' ndlu' le' Pab anze'f ndyóo cón che'n mèn co' nqueltàa loo cón che'n Diox, mèn co' nzo ban ciuda Corint.
Trè' ndlu' le' Pab mtan' di's loo mèn ciuda Corint co' nqueltàa loo cón che'n Diox ne'yathla'ste mèn di's co' ndxab Pab. No ndlu' trè' le' Pab ngue nii Diox lult vez loo mèn.

© 1971 WBT