^
HEBREOS
Di's ndxè' ndlu' le' Diox mdoodi'sle' no mda' Diox cuent loo mèn cón che'n Jesucrist, xgan' Diox.
Trè' ndlu' le' Jesucrist co' nac xgan' Diox más ñibe' leque rye angl.
Di's ndxè' ndlu' thidteneque' quenap mèn mèn loo cón che'n Diox tac mèn nac mèn co' mblyá'le' loo ryethe con' ryes no con' ye'rsin'.
Jesucrist ngòc xal thìb hues na', na' co' ndxela's loo Diox por cón che'n Jesucrist.
Trè' ndlu' le' Jesucrist nac más mbi' roo mbi' xèn leque Moisés.
Diox nda' lugar par tí' no yàl lezo' mèn, mèn co' nzo loo cón che'n Diox. No axta con gust yòo mèn loo Diox.
Di's ndxè' ndlu' le' Jesucrist nac más nguley' roo nguley' xèn leque chol taamas mèn.
Anze'f ryes naca chele' mèn mblá'ya', ya ne'tolode yila's mèn loo cón che'n Diox.
Trè' ndlu' le' ryethe con' ndac, co' nac che'n Diox co' nzi quee lezo' na', ndli par nzi nèe na' na' loo cón che'n Diox xal thìb yòo cal co' huen ndub loo cimient.
Di's ndxè' ndlu' no ngue ta' cuent xalque' ngòc Melquisedec nguley', tataaque' nac Jesús nguley' che'npe' na'.
Jesucrist nac nguley' loo conveñ cub co' mbyan' no co' ngòc nèe.
Trè' ndlu' xal nac mod co' ngòo mèn le'n templ póla no xá nac mod co' ngòo mèn le'n templ co' nac loo bé'.
Di's ndxè' ndlu' thidte vez nguth Crist par mton' Crist xtol mèn loo mèn, mèn co' ndyal ngòo loo cón che'n Diox por cón che'n Crist.
Trè' ndlu' xá mod ndxàal yòo mèn loo cón che'n Diox.
Trè' ndlu' co'se', lìcque', ndxela's mèn loo Diox por cón che'n Crist, ya yende con' más ndxàc falt par yòo ban no mèn Diox.
Ante loo Jesús no loo cón che'n Jesús hui' mèn no ñaa mèn.
Anze'f ryes naca loo mèn chele' mèn tè'b no cà di's mèn loo co' nac xti's Diox.
Trè' ndlu' xá mod li mèn par li mèn con' co' yòo lezo' Diox.
Trè' ngue na'b mbi' co' mque' ye's ndxè' loo Diox li Diox gàc con' ndac loo mèn. No ngue nii mbi' Diox con taamas mèn co' nzo no mbi' loo mèna.

© 1971 WBT