^
SAN LUCAS
Trè' ntlo ndlu' cón che'n di's ndac che'n Diox co' mque' Luc ye's.
Thìb angl ngue ta' cuent le' thìb mbed co' ryo' lèe Juàn Bautist gáal.
Thìb angl ngue ta' cuent thìb mbeto' co' ryo' lèe Jesús gáal.
Mari ngua too naa Elisabet liz Elisabet.
Trè' ndlu' xá mod ngòc co'se' ngóol Juàn Bautist.
Di's ndxè' ngòc di's co' gunii Zacari loo Diox.
Trè' ndlu' cón che'n xá mod ngóol Tad Jesús.
Trè' ndlu' le' angl mdoodi's no mèn co' ngòc pastor tiempa.
Chè ryop Mari ngua no mbed le'n templ.
Chè ryop Mari mbere mbyàa no mbed yèez Nazaret.
Tad Jesús mdoodi's no mèn co' ngòc maistr le'n templ tiempa.
Juàn Bautist mtlo mblu' loo mèn cón che'n di's ndac co'te' nagán.
Juàn Bautist mbli bautizar Tad Jesús.
Trè' ndlu' cón che'n rye mèn co' ngòc bin che'n xudgool che'n Tad Jesús.
Mebizya mblobya' Tad Jesús no mbli Mebizya preb loo Tad Jesús par ñee Mebizya ñeene' ché' tòn Tad Jesús ro Mebizya.
Tad Jesús mtlo mxo'f zin' cón che'n Tad Jesús le'n yèezya' che'n làaz mèn galile.
Tad Jesús ngo ban le'n yèez Nazaret.
Trè' ndlu' cón che'n thìb mbi'. Le' thìb xpii ye'rsin' ngòo loo mbi'a.
Tad Jesús mteyac xna'zap Mon Pedr.
Tad Jesús mteyac huax mèn yíiz.
Tad Jesús ngo yalbàn cón che'n di's ndac loo mèn le'n rye yèezya' che'n làaz mèn galile.
Tad Jesús mbli thìb yalguzye' par ngogaa huax mbèel le'n yex che'n Pedr.
Tad Jesús mteyac thìb mbi' co' mque no yíiz co' mteya's no co' mteyèe yid lad mbi'.
Jesús mteyac thìb mbi' co' mtequech mbii.
Tad Jesús ndxab loo thìb mbi' co' lèe Leví: ―Ftoo nque xísen. Ya' nda na', ey.
Mèn xley' farise no mèn co' ngòc maistr co' ndlu' cón che'n ley co' mxo'f Moisés loo mèn tiempa, mèna mnibdi's loo Tad Jesús: ¿Chonon imbe xlatte myen' xin' mté'th lùu, à'?
Myen' xin' mté'th Jesús mcho' bacdò che'n nzob triu par nduhua myen' nzob triua thìb huiz sabd co' ngòc huiz descans tiempa.
Trè' ndlu' cón che'n thìb mbi' co' mque no sa ya' biiz.
Tad Jesús mcui si' fchop myen' co' ngòc myen' xin' mté'thpe' Tad Jesús.
Tad Jesús ngue lu' loo huax mèn no ngue go xo'f Tad Jesús cón che'n Diox loo mèn.
Trè' ndlu' cón che'n chop ned mèn: Loo thìb ned mèn gàc con' ndac. Le' loo tedib ned mèn na, gàc con' ye'rsin'.
Jesús ngue ñibe' loo mèn que' lezo' mèn ñèe mèn hues xtàa mèn co' nac ngolo ngola's loo mèna.
Jesús ngue ñibe' loo mèn ne'la'ste mèn loo xtàa mèn.
Jesús ngue ta' cuent loo mèn xá mod nda' mèn cuent cón che'n xtàa mèn por mod co' ndxàp mèn xal ndxàc be' thìb yaa xlè co'se' ngüi' mèn loo xlè co' nda' yaaa.
Jesús ngue ta' cuent cón che'n chop ned mèn co' nac xal thìb liz mèn co' ndub loo thìb cimient no tedib liz mèn co' ndub tua'te.
Jesús mteyac thìb moz che'n thìb capitán che'n nación co' ñibe' ciuda Rom.
Jesús mblo xban thìb xgan' thìb xa'got viud.
Juàn Bautist mtel' myen' xin' mté'th Juàn loo Tad Jesús.
Tad Jesús ngua too naa Mon, Mon co' ngòc mèn xley' farise.
Trè' ndlu' cón che'n mèngot co' mblyath no Tad Jesús no co' mbli mandad loo Tad Jesús ned mque tee Tad Jesús.
Tad Jesús ngue ta' cuent cón che'n thìb mbi' co' ngro' par ngua lo mbi' bin.
Myen' xin' mté'th Tad Jesús mnibdi's loo Tad Jesús cón che'n di's co' mtetac Tad Jesús loo mèn.
Tad Jesús ngue ta' cuent no ngue go xo'f Tad Jesús loo myen' xin' mté'th Tad Jesús cón che'n di's co' mtetac Tad Jesús loo mèna.
Trè' ndlu' le' Tad Jesús ngue tetac cón che'n mèn co' ngo xnìi lampr.
Xna' Tad Jesús no myen' huespe' Tad Jesús nde nee máa Tad Jesús.
Ante gunii Tad Jesús loo mbii no loo nít co' ndxetoo loo lagun, xèegà nguled mbii no xèegà nguled ndxetoo nít loo lagun.
Trè' ndlu' cón che'n thìb mbi' che'n làaz mèn gadar, mbi' co' ngo xpii ye'rsin' loo.
Trè' ndlu' cón che'n thìb rsap Jair no cón che'n thìb xa'got co' mbii gax loo Tad Jesús par ante mbuàal xa'gota ro xab Tad Jesús.
Tad Jesús mtel' rye si' fchop myen' xin' mté'th Tad Jesús par nda te'th myen' cón che'n di's ndac no cón che'n Tad Jesús loo mèn.
Trè' ndlu' no nda' cuent xá mod nguth Juàn Bautist.
Tad Jesús mteyar' ga'y pan no chop mbèel par nduhua ga'y mil mènbi' axta plóthe. Indxòode cuent cón che'n mèngot no cón che'n myen' bix co' nduhua hora.
Mon Pedr mblo ro loo Tad Jesús le' Tad Jesús nac leque yub Crist.
Tad Jesús ngue ta' cuent loo myen' xin' mté'th Tad Jesús le' Tad Jesús gathque'.
Tad Jesús mzye' loo loo Pedr, no loo Cob, no loo Juàn.
Tad Jesús mblo' thìb xpii ye'rsin' loo thìb mbyòo.
Tad Jesús mbere ngue ta' cuent loo myen' xin' mté'th Tad Jesús xá mod gathque' Tad Jesús.
Myen' xin' mté'th Tad Jesús nzi toodi's. Mbez myen': ¿Chó na' gàc co' más ñibe' loo xtàa na' yiloa, a'?
Tad Jesús ndxab loo Juàn: Mèn co' indxecloode ñèe na', mèna nda' lad che'n na'.
Tad Jesús mbyoo Cob no Juàn.
Trè' ndlu' cón che'n mèn co' mdyal ndoo nque xís Tad Jesús.
Tad Jesús ngue tel' ayon psi' mèn par ya te'th mèn no ya lo mèn yalbàn cón che'n di's ndac no cón che'n Tad Jesús loo mèn.
Trè' ndlu' cón che'n mèn yèez co' ne'ndalte ngòn cón che'n Tad Jesús.
Trè' ndlu' cón che'n xá mod ngua ayon psi' mèn co' nguaa no xá mod ndye'th mèna.
Tad Jesús anze'f mdyac lezo' loo Diox xal ngua myen' no xal ndye'th myen'.
Thìb mbi' che'n yèez Samari mblu' mod co' ndxàal que' lezo' mèn ñèe mèn mèn co' nac hues xtàa mèn.
Tad Jesús ngua too naa Mart ryop Mari liz ryop bél Mart Mari.
Tad Jesús ngue lu' loo myen' xin' mté'th Tad Jesús xá mod cuez myen' Diox.
Mèn ngue quexù' ngue que' fals Tad Jesús le' Tad Jesús ndxàp con' la's nii Tad Jesús no la's ya' Tad Jesús por cón che'n meexù'.
Trè' ndlu' cón che'n thìb xpii meexù' co' ngro'le' loo thìb mbi'. No ngoloa, mbere xpiia, ngòo xpiia loo mbi' tedib vez.
Tad Jesús ndxab loo mèn: Huen nda mèn, mèn co' ndxòn di's co' mbez Diox.
Trè' ndlu' le' mèn ye'rsin' mbez loo Tad Jesús li Tad Jesús thìb yalguzye' loo mèna.
Tad Jesús ngue bez loo mèn le' ngudloo mèn nac xal thìb lampr loo mèn.
Tad Jesús ngue que yèeque' mèn xley' farise no mèn co' ngòc maistr co' mblu' cón che'n ley co' mxo'f Moisés loo mèn tiempa.
Tad Jesús ngue lu' loo mèn cón che'n mèn co' ntembìi ro no mèn co' ntembìi xti's.
Trè' ndlu' chó loo ndxàal zyeb mèn.
Trè' ndlu' cón che'n mèn co' nda' cuent loo xtàa mèn le' mèna ndxela'sque' loo Tad Jesús.
Tad Jesús ngue lu' loo mèn le' yalgon' co' ndxàp mèn ndli ndxàc con' ryes loo mèn.
Diox ñee rsi' ñee rso mèn, mèn co' nacque' xin' Diox.
Tad Jesús ngue lu' loo mèn más huen que no mèn yalgon' loo bé'.
Tad Jesús ngue toodi's loo mèn: Nalas gure gu' no bli nab gu' gu' ndoore' co'se' gàc huiz co' galen loo izlyo' tedib vez.
Trè' ndlu' cón che'n thìb moz co' altant ndyoo loo zin' no cón che'n tedib moz co' ialtante ndyoo loo zin' co' ngue go xo'f zin' moz.
Mbez Jesús loo mèn: Por cón chenen ndxàc chop ned mèn.
Tad Jesús ngue lu' loo mèn xá mod ta' mèn cuent cón che'n tiemp ndxè'.
Tad Jesús ngue lu' loo mèn: Fcua'n gu' mod tàl gu' loo di's no loo cuent con mèn co' nac xtàa gu'.
Tad Jesús ngue yab loo mèn: Naquin lyàa yéc gu' no lyàa lezo' gu' par tyon' xtol gu' no xquin gu' par tataa mod zye' mod co' ndxàp gu'.
Trè' ndlu' cón che'n di's co' mtetac Tad Jesús cón che'n thìb yaa ngudyuug.
Thìb huiz sabd co' ngòc huiz descans tiempa, mteyac Tad Jesús thìb xa'got co' mteleng mbii xís.
Trè' ndlu' cón che'n di's co' mtetac Tad Jesús cón che'n biz bin mostaz.
Trè' ndlu' cón che'n di's co' ngue tetac Tad Jesús no co' ngue go xo'f Tad Jesús cón che'n dii levadur loo mèn.
Tad Jesús ngue yab loo mèn le' mèn co' ndxòo loo cón che'n Diox nac xal mèn co' ndxòo ro thìb puert naya.
Tad Jesús mbín' co'se' mbli Tad Jesús xtùuz cón che'n mèn ciuda Jerusalén.
Jesús mteyac thìb mbi' co' mque no yíiz quìi.
Tad Jesús ngue tetac cón che'n Tad Jesús no ngue go xo'f Tad Jesús loo mèn xal co'se' ndxàc convid mèn par ya mèn loo thìb yalhua co'te' mselya' thìb ned myen'.
Trè' ndlu' cón che'n thìb yalhua co' ndlu' xá mod ndlya's Diox yòo mèn loo cón che'n Diox par ñibe'pe' Diox loo mèn.
Trè' ndlu' cón che'n con' ryes co' tyactìi mèn, mèn co' yòoque' loo cón che'n Crist.
Tad Jesús ngue tetac loo mèn cón che'n ted co' nguri'th xla' co' ya inteziide co' ndxuhua mèn.
Tad Jesús ngue tetac cón che'n mèn co' alith nziri' loo izlyo' xal thìb mbacxil' co' mdyuhuan.
Tad Jesús ngue tetac di's cón che'n mèn xal thìb billet co' mdyuhuan.
Tad Jesús ngue ta' cuent loo mèn cón che'n xtol mèn xal ngòca loo thìb mbyòo co' ngro' gundee.
Tad Jesús ngue tetac di's loo mèn cón che'n thìb mbi' co' ngòc mandador ye'rsin' co' mdyee ya' loo cón che'n patrón.
Trè' ndlu' cón che'n mod co' mblu' Tad Jesús loo mèn cón che'n xá mod ndxòo mèn loo cón che'n Diox par ñibe'pe' Diox loo mèn.
Trè' ndlu' cón che'n mod co' mblu' Tad Jesús loo mèn cón che'n con' co' ndxàc co'se' selya' mèn tedib vez ndxelo mblá' mèn xa'got mèn tiempa.
Tad Jesús ngue ta' cuent loo mèn cón che'n thìb mbi' co' ngòc ric no cón che'n thìb mbi' co' ngro' lèe Lars co' ngòc thìb mbi' prob.
Tad Jesús ngue lu' loo mèn cón che'n con' ryes co' ndxàc loo mèn co'se' ncua'n mèn xquin mèn no xtol mèn.
Tad Jesús ngue ta' cuent loo mèn cón che'n con' co' ndli mèn co'se', lìcpe', ndxela's mèn loo cón che'n Diox.
Trè' ndlu' leque mèn ta' cuent inacte mèn arid mèn ndac loo zin' co' nxo'f zin' mèn cón che'n Diox.
Tad Jesús mteyac si' mèn co' mxac thìb yíiz co' nteya's no co' nteyèe yid lad mèn.
Mèn xley' farise mnibdi's loo Tad Jesús: ¿Xá mod gàca co'se' tlo ñibe' Diox loo mèn?
Tad Jesús ngue ta' cuent loo mèn cón che'n thìb mbi' co' ngòc juez no cón che'n thìb xa'got viud.
Tad Jesús ngue lu' loo mèn cón che'n mod co' ngòp thìb mbi' co' ngòc mèn xley' farise no cón che'n mod co' ngòp tedib mbi' co' ndli cobrar cón che'n contribución.
Trè' ndlu' le' Tad Jesús ngue bez loo myen' bix: Ngue lin gàc con' ndac loo gu', ey.
Trè' ndlu' le' thìb mbyòo ric mdoodi's no Tad Jesús.
Tad Jesús mbere ngue ta' cuent loo myen' xin' mté'th Tad Jesús le' Tad Jesús gathque'.
Trè' ndlu' le' Tad Jesús mteyac thìb mbi' sieu co' ngòc mèn yèez Jericó.
Jesús mdoodi's no thìb mbi' co' ngro' lèe Zaque.
Tad Jesús mtetac di's loo mèn cón che'n thìb mbi' co' mtan' no si' billet co' ntac huax mil pes loo si' moz.
Trè' ndlu' le' Tad Jesús nda le'n ciuda Jerusalén.
Trè' ndlu' le' Jesús ngue go' che mèn co' ntho' no mèn co' ndi' le'n templ.
Tad Jesús ngue lu' loo mèn le' Tad Jesús ndxàp con' la's nii Tad Jesús no con' la's ya' Tad Jesús par ñibe' Tad Jesús loo mèn.
Trè' ndlu' cón che'n mèn co' ngòc moz ye'rsin'.
Mèn mnibdi's loo Tad Jesús: ¿Ché' huen naca quix na' cón che'n contribución?
Mèn mnibdi's loo Tad Jesús: ¿Cón gàc loo mèn co'se' gàc huiz co'se' ryo xban mèn, à'?
Tad Jesús mnibdi's loo mèn: ¿Chó che'n xgan' nac Crist, à'?
Tad Jesús mqueyèepe' mèn co' nac maistr co' ndlu' cón che'n ley co' mxo'f Moisés loo mèn tiempa.
Trè' ndlu' cón che'n thìb xa'got viud co' mda' ofrend ò gòn.
Tad Jesús ngue ta' cuent loo mèn le' mèn telux templ co' ndub le'n ciuda Jerusalén.
Trè' ndlu' cón che'n co' tlo gàc ndoore' lyux izlyo' ndxè'.
Tad Jesús ngue ta' cuent loo mèn xá mod yi'th mbi' co' ne' tedib lèe Xgan' Mbi' co' nac leque yub Tad Jesús.
Trè' ndlu' cón che'n mèn co' mqueltàa par mxenxù' mèna Tad Jesús.
Trè' ndlu' xá mod nduhua rsè no Tad Jesús myen' xin' mté'th Tad Jesús.
Myen' xin' mté'th Tad Jesús noo noo mdoodi's chó myen' gàc myen' co' más ñibe' loo xtàa myen' yiloa.
Trè' ndlu' le' Tad Jesús ngue ta' cuent loo Pedr le' Pedr cà di's Tad Jesús loo mèn.
Trè' ndlu' co'se' ngòc tiemp co'se' mzin gax ngòc ryethe con' ye'rsin' loo Tad Jesús.
Làth xtau'a, Tad Jesús ngua rez Diox thìb lugar co' ngro' lèe Getsemaní.
Trè' ndlu' le' mèn mxenxù'le' Tad Jesús xal ndyen mèn thìb huan' co' nda pres.
Mon Pedr mcà di'sle' Tad Jesús loo mèn.
Mèn ye'rsin'a asembli ngòc nguàal con' loo Tad Jesús.
Trè' ndlu' le' Tad Jesús mdoo loo mèn co' mdyoo ner, no co' mdyoo naa, no co' mnibe' loo mèn loo ley co' nac xley' che'n mèn nación Israel.
Tad Jesús mdooxù' loo Pilat co' nac gobernador le'n ciuda Jerusalén tiempa.
Tad Jesús mdooxù' loo thìb mbi' co' ngro' lèe Herod.
Mèn mquexù' mque' fals Tad Jesús par guth mèn Tad Jesús.
Trè' ndlu' le' mèn nda que'le' Tad Jesús loo thìb cruz.
Tad Jesús nguthle' loo cruz.
Trè' ndlu' le' mèn ngua ca's thebol Tad Jesús.
Trè' ndlu' cón che'n con' co' ngòc co'se' ngro xban Tad Jesús.
Chop mbi' nda toodi's cón che'n xá mod nguth Tad Jesús co'se' mdoo ryop mbi' ned, ndyàa ryop mbi' par ned yèez Emaús.
Ngoloa, Tad Jesús mblu' loo loo myen' xin' mté'th Tad Jesús.
Tad Jesús nda quée loo bé' loo myen' xin' mté'th Tad Jesús.

© 1971 WBT