25
Bildad ƒe nuƒo
1 Bildad, Suhitɔ ɖo eŋu nɛ be,
2 “Dziɖuɖu kple ŋɔdzi nye Mawu tɔ,
eyae ɖo ɖoɖo anyi ɖe dziƒo ƒe kɔkɔƒewo.
3 Ɖe woate ŋu axlẽ eƒe aʋakɔwoa?
Ame ka tame eƒe kekeli meklẽ ɖo o?
4 Ekema aleke amegbetɔ anye dzɔdzɔetɔ le Mawu ŋkume?
Aleke amegbetɔ, nyɔnu tɔ dzidzia, anɔ dzadzɛe?
5 Ne ɣleti ƒe keklẽ menye naneke nɛ o
eye ɣletiviwo hã medza le eŋkume o la,
6 aleke amegbetɔ si nye ŋɔvi
kple ame vi si nye ŋɔ la ayi nane nye ge le eŋkume!”