1 Na chinẍch'in tetz Wajcaw. Na chinẍch'in tan tele'n k'ajab swe'j.

2 Cho'n na chintzan tan xocho'n tetz i'.

Cho'n na chintzan tan talche'n cyakil yi bis o'kl yi atin cu'nt.

3 Na te yi atin tul sotzaj c'u'lal, cho'n na chinxochon tetz i'.

Wajcaw na el xtxumu' tetz yi mbi na chitxum yi e' incontr swe'j.

Ja bnix jun tramp cya'n tan incwe'n tc'u'l.

4 Nin na no'c tan joyle'n yi atk jun tan wuch'eye'n.

Poro qui'c jun. Cya'l na pek' tan wuch'eye'n.

5 Cha'stzun te na cu' inwutz teru' Wajcaw.

Nin je inyole'j yi na wal teru':

“Ilu' yi ama'l kale tzincolwit wib.

Qui'c jun at tzone'j wi munt tan incolche'n, ma na ntin cu'n ilu'.”

6 Tbite'u' bin yi na nok' swutzu', na qui'ct inwalor at.

Chin cole'u' ẍchik'ab yi e' incontr yi na cyaj cho'c tan intz'amle'n, na yi e' cyetz, mas tcu'n cham e' tzinwutz wetz.

7 Ne'lk tanu' liwr, ne'lk tanu' xetze', bantz wak'ol ink'ajsbil teru'.

Nin kol ẍchaju' yi banlu' swetz, ẍchixomok tzun yi e' balaj nak swe'j.