Salmos.
1.
Ba'n cyeri e' yi qui na chixom te cyajtza'kl yi e' mal nak, yi qui na chixcye' cu'n tan xtxumle'n cyajtza'kl yi e' juchul il, yi qui na chic'ole' ẍchixo'l yi e' yi na el k'ej Ryos cya'n. 
Ma na cho'n ajlij chic'u'l te yi ca'wl Kataj yi kaRyosil. Nin sk'ejl tu lak'bal na chitzan cyera'tz tan xtxumle'n yi e'chk ca'wla'tz. 
Yi e'a'tz, ni'cu'n tzun quitane'n chi jun wi' tze' yi awij stzi' a'. Yi jun tze'a'tz na tak' wutz yi na opon tiempil. Nin qui'c jun k'ej najk num yi xak. Ni'cu'n tzun quitane'n cyakil yi e' balaj wunaka'tz, na na wutzin cyakil yi na chiban. 
Ma yi e' wunak yi cachi' cyajtza'kl, cho'n quitane'n cyetz chi tane'n xak xtze', yi na ben tan cyek'ek'. 
Cha'stzun te yil tz'oc Ryos tan ma'le'n cyajtza'kl yi e'a's, quil chinimsaj chic'u'l tan chicolol quib, na quibe' tajlal yi e' balaj. 
Yi e' balaj nak, q'uicy'le'n che' tan Ryos. Ma yi e' mal nak, ẍchisotzok cyera'tz.