Salmos.
15.
David kantamamu Tuke Pujuuwah, ¿aentsush wajuku aidauwa amina jem pegkegma nuwish pujumainaita? Tuja ¿wajuku aidauwa muja ame etegkamua nuwish pujumainaita? 
Nuwi pujusagtina duka aents pegkeg bakumamainji atsugbau, pegkejan takau, waitjutsuk dekaskea nuna chichau; 
tikichnash pegkegchaun chichagchau, niina kumpajinash pegkegchau awagmachu, tuja nii ijutkamu aidaunash inatsauchu; 
aents Apajuín dakitaujaig makichkish ijunchau, untsu Tuke Pujuun eme anentaunak niishkam eme anentus diin, tuja waitiakush nii anagkagtuamunak betek umin. 
Kuichkin tsagkatkagtukash ewaekam akigkata tusa waitkagkagtuchu, tuja aents takamsachu aig, tsanumjugta akiktagme tamash dakitin. Nunú aents imanis puja duka shiig aneas tajimat pujustinai.