Proverbios.
27.
Kashin nuna imatikan takastatjai tusamek emtikamek tumamipa, wagki amek dekatsme kashinish wajukatamki duka. 
Duka amekek imatipa, idaisata nunak tikich aidau tujamtinme, iik eme anenmamku imatbauk pegkegchauwai. 
Kaya, kamatak aina duka senchi kijin ainawai, tujash nuna nagkaesau kijinai aents anentainkachu nii wakegamun umiktakama kajeamujiya nunú. 
Kajeamua duka pegkegchauwai, tutitjan itawai, tujash nuna nagkaesau kakajus depetmainchauwa duka, tikich takakui diisa kajegkagtamua nunuwai. 
Aents amina anempa duka uuka chichá wekaetsuk, paan igkumpa tujamtatui. 
Shiwag kajegtamiatak tsanupak kumpamjama nunú kajittsa diitsuk, dekas iina kumpaji igkujatua tukagta nuwi kajintsa anentaimainai.